အိုက်ဗရီကို့စ်နောက်ခံလူ ကိုလိုတိုးယေး နိုင်ငံတကာ ကစားသမားဘ၀မှ အနားယူပြီ

ဖေဖော်ဝါရီ ၁၆၊ ၂၀၁၅
M-Media

– နိုင်ငံအသင်း အာဖရိကနိုင်ငံများဖလားရရှိစေရန် အစွမ်းကုန် ကူညီပေးခဲ့သည့် အိုက်ဗရီကို့စ်နောက်ခံလူ ကိုလိုတိုးယေးက မိမိအနေဖြင့် နိုင်ငံတကာ ကစားသမားဘ၀မှ အနားယူလိုက်ပြီဟု ကြေညာခဲ့သည်။

ပြီးခဲ့သည့် တစ်ပတ် တနင်္ဂနွေနေ့က ပင်နယ်တီ ၉-၈ ဖြင့် အိုက်ဗရီကို့စ်က ဂါနာအား အနိုင်ရရှိခဲ့သည့် အာဖရိကနိုင်ငံများဖလား နောက်ဆုံးဗိုလ်လုပွဲတွင် လီဗာပူးလ်နောက်ခံလူ တိုးယေးမှာ အရေးပါသည့် ပင်နယ်တီကို ၀င်အောင် ကန်သွင်းပေးနိုင်ခဲ့သူဖြစ်သည်။

၎င်းမှာ ပြီးခဲ့သည့် ဒီဇင်ဘာလကတည်းက အာဖရိကနိုင်ငံများဖလားပွဲအပြီးတွင် လက်ရွေးစင်ကစားသမားဘ၀မှ အနားယူမည်ဟု ကြေညာထားပြီး ယခုတွင် အတည်ပြုခဲ့ခြင်းဖြစ်သည်။

“ဂွဒ်ဘိုင်လို့ ပြောဖို့ အချိန်ပဲလို့ ခင်ဗျားတို့ကို ၀မ်းနည်းဆို့နင့်စွာ အသိပေးပါတယ်။ ကျွန်တော့်ရဲရည်ရွယ်ချက်က အာဖရိက နိုင်ငံများဖလားကို ရရှိဖို့ပါ။ ဒါဟာ ခက်ခဲတဲ့ဆုံးဖြတ်ချက်ဖြစ်တယ်ဆိုတာ ကျွန်တော်ဝန်ခံပါတယ်။ ကျွန်တော့်ရဲ့တိုင်းပြည်ကို ချစ်သလို ဘောလုံးကိုလည်း ချစ်မြတ်နိုးပါတယ်။ ဒါပေမယ့် တစ်ချိန်ကျရင်တော့ အနားယူဖို့အချိန်ဟာ ရောက်လာတာပါပဲ” ဟု တိုးယေးက RTI တီဗီချန်သို့ ပြောကြားခဲ့သည်။

ကိုလိုတိုးယေးမှာ အိုက်ဗရီကို့စ် အသင်းအတွက် ၂၀၀၀ ပြည့်နှစ်မှ စတင်ကစားပေးခဲ့သူဖြစ်ပြီး ကမ္ဘာ့ဖလားပြိုင်ပွဲ သုံးကြိမ် ကစားထားသူဖြစ်သည်။

Ref:goal.com