စစ်ဘေးရှောင် ဒုက္ခသည်များ အတွက် ” မွတ်စလင်မ် လူငယ်များ နိဗ္ဗာန်ဆော်” အဖွဲ့ မှ ဆန်အိတ် ၁၀၀ ကျော်လှူဒါန်းမည်။

ဖေဖော်ဝါရီ ၁၇ ၊ ၂၀၁၅
M-Media
သတင်း၊ သီဟ

တိုက်ပွဲများဖြစ်ပွားလျက်ရှိသည့် ကိုးကန့် အထူးဒေသ လောက်ကိုင်မြို့မှ ထွက်ပြေးတိမ်းရှောင်လာသည့် စစ်ဘေးရှောင် ဒုက္ခသည်များအား မန္တလေးမြို့မှ ” မွတ်စလင်မ် လူငယ်များ နိဗ္ဗာန်ဆော် အဖွဲ့” မှ ဆန်အိတ် ၁၀၀ ကျော် လှူဒါန်းသွားမည်ဖြစ်ကြောင်း သိရပါတယ်။

၂၀၁၅ ခုနှစ် ဖေဖော်ဝါရီလ ၁၉ ရက်နေ့မှာ ကူမဲမြို့မှ  “မေတ္တာ အလင်းတန်း လူမှုဆောင်ရွက်ရေး” အဖွဲလိုက်ပါပြီး စစ်ဘေးရှောင် ဒုက္ခသည်များ ခိုလှုံ့ရာ လားရှိုးမြို့ မန်ဆူ ဘုန်းတော်ကြီးကျောင်းသို့ သွားရောက် လှူဒါန်းမည်ဖြစ်ကြောင်း သိရှိရပါတယ်။
မန္တလေးမှ အစ္စလာမ်ဘာသာဝင်များ ၁၉၅၂ ခုနှစ်မှ စတင် တည်ထောင်ခဲ့သည့် နိဗ္ဗာန်ဆော် အဖွဲ့ဟာ နှစ်ပေါင်း ၆၃ နှစ်ကျော် သက်တမ်းရှိပြီဖြစ်ပြီး၊ လူမျိုးဘာသာ မခွဲခြားဘဲ နာရေးကိစ္စရပ်များ ဆောင်ရွက်ခြင်း၊ အရေးပေါ် ကယ်ဆယ်ရေး လုပ်ငန်း ကိစ္စရပ်များကို ဆောင်ရွက်ခဲ့ကြောင်း၊ မြန်မာပြည်တွင် အစောဆုံး လူမျိုးဘာသာ မခွဲခြားဘဲ နာရေးကိစ္စ ရပ်များ ဆောင်ရွက်ခဲ့သည့်  လူမှုရေး အဖွဲ့ဖြစ်ကြောင်းကို အဖွဲ့ရဲ့ စာရင်းစစ်ဖြစ်သူ ဦးခင်မောင်ဝင်း(ဓူဝံ) မှ ပြောပါတယ်။

ယခု ကိုးကန့် ဒေသမှ စစ်ဘေးရှောင် ဒုက္ခသည်များကို လှူဒါန်းရခြင်းမှာလည်း တိုင်းပြည်အတွင်းဖြစ်ပေါ်လျက်ရှိသည့် အရေးကိစ္စအား လူမျိုးဘာသာမကြည့်ဘဲ ဘာသာပေါင်းစုံ ချစ်ကြည်ရေးကို ရည်ရွယ်က လှူဒါန်းရခြင်းဖြစ်ကြောင်း၊ ဆန်အိတ်များအပြင် အဝတ်အထည်များကိုလည်း ထပ်မံ၍ လှူဒါန်းသွားရန်ရှိကြောင်း သိရှိရပါတယ်။
ဆက်စပ်ဆောင်းပါးဖတ်လိုလျှင်
——————————–
မန္တလေးမြို့ နိဗ္ဗာန်ဆော်အဖွဲ့ နှစ် (၆၀) ပြည့် တိုင်ခဲ့ပြီ
http://www.m-mediagroup.com/news/1922