လောက်ကိုင်တွင် ပိတ်မိနေသူများအား ကယ်ထုတ်ရေး အပစ်ရပ်ပေးရန် ကယ်ဆယ်ရေးအဖွဲ့များ တောင်းဆို

ဖေဖော်ဝါရီ ၁၉၊ ၂၀၁၅
M-Media

– အရေးပေါ်အခြေအနေ ကြေညာထားသည့် လောက်ကိုင်ဒေသတွင် အရပ်သား၂ ဦး ထပ်မံသေဆုံးခဲ့ပြီးနောက် ထိုဒေသတွင် ပိတ်မိနေသူများအား ကယ်တင်ရန်အတွက် အပစ်အခတ်ရပ်ပေးရန် မြန်မာနိုင်ငံမှ ကူညီကယ်ဆယ်ရေးအဖွဲ့များက ယနေ့တွင် တောင်းဆိုလိုက်သည်။

ရှမ်းပြည်နယ် အရှေ့မြောက်ပိုင်း ကိုးကန့်ဒေသတွင် ပြီးခဲ့သည့် ၁၀ ရက်အတွင်း ဖြစ်ပွားခဲ့သော အစိုးရတပ်နှင့် ကိုးကန့်တိမ်းရှောင်တပ်ဖွဲ့များ၏ တိုက်ပွဲများကြောင့် ဒေသခံပြည်သူထောင်ပေါင်းများစွာမှာ အိုးအိမ်စွန့်ခွာ ထွက်ပြေးခဲ့ရပြီး အနည်းဆုံး ၃ သောင်းခန့်မှာ တရုတ်နိုင်ငံသို့ ၀င်ရောက် ခိုလှုံနေရသည်။

တိုက်ခိုက်မှုများအတွင်း အကူအညီပေးရေးအဖွဲ့များက ကယ်ဆယ်ရေးလုပ်ငန်းများကို လုပ်ဆောင်နေခဲ့သော်လည်း အင်္ဂါနေ့က မြန်မာနိုင်ငံကြည်ခြေနီအသင်း၏ ကူညီကယ်ဆယ်ရေးယာဉ်တန်းမှာ ပစ်ခတ်ခြင်းခံခဲ့ရပြီး လူ ၂ ဦး ဒဏ်ရာရှိခဲ့သည်။

ထို့အဖြစ်အပျက် ဖြစ်ပွားပြီးနောက်ပိုင်း ကူညီကယ်ဆယ်ရေးလုပ်ငန်းများကို ရပ်ဆိုင်းခဲ့ပြီး လောက်ကိုင်မြို့တွင်လည်း ပိတ်မိနေသူအများအပြား ရှိနေသည်။။

“လောက်ကိုင်ဒေသမှာ လူဘယ်လောက်များများ ပိတ်မိနေသလဲဆိုတာ ကျွန်တော်တို့ အတိအကျ မသိရသေးပါဘူး။ ဒါပေမယ့် ဗုဒ္ဓဟူးနေ့ကတော့ အဲဒီက လူ ၃၀ လောက်ကို ကျွန်တော်တို့ ကယ်ထုတ်ခဲ့ပါတယ်။ ရက်အနည်းလောက် အပစ်ရပ်ဖို့ နှစ်ဖက်စလုံးကို တောင်းဆိုပါတယ်။ ဒါမှသာ ကျွန်တော်တို့ဟာ လူတွေကို ကယ်ဆယ်ဖို့ ကူညီနိုင်မှာပါ။ အခုလောလောဆယ်တော့ ကျွန်တော်တို့ ကြက်ခြေနီတွေတောင်မှ ပြည်သူတွေကို မကာကွယ်နိုင်တော့ပါဘူး။ အရမ်းဝမ်းနည်းစရာပါပဲ ” ဟု လားရှိုးမြို့မှ ကြက်ခြေနီအဖွဲ့ဝင်တစ်ဦးက AFP သတင်းဌာနသို့ ပြောကြားခဲ့သည်။

လောက်ကိုင်ဒေသအတွင်း တိုက်ခိုက်မှုများတွင် အစိုးရစစ်တပ်မှ ၅၀ နီးပါး ကျဆုံးခဲ့သည်။ လက်ရှိအချိန်တွင် တိုက်ပွဲအဓိက ဖြစ်ပွားရာ လောက်ကိုင်မြို့ကို အစိုးရတပ်များက သိမ်းပိုက်ထားပြီး အရေးပေါ်ခြေအနေ ကြေညာထားသည်။

Ref: channelnewsasia