ဆေးမတိုးသည့် ငှက်ဖျားရောဂါ မြန်မာ-အိန္ဒိယ နယ်စပ်တွင် ဖြစ်ပွားနေ

ဖေဖော်ဝါရီ ၂၀၊ ၂၀၁၅
M-Media

– လက်ရှိကုသနေသာ ငှက်ဖျားဆေးများအားလုံး မတိုးသည့် ငှက်ဖျားရောဂါကို မြန်မာနှင့် အိန္ဒိယနယ်စပ်တွင် တွေ့ရှိရသည်ဟု အောက်စဖို့ဒ် တက္ကသိုလ်ရှိ ဆေးဘက်ဆိုင်ရာ သုတေသနအဖွဲ့က ယနေ့တွင် ထုတ်ပြန်သော အစီရင်ခံစာတွင် ဖော်ပြထားသည်။

အဆိုပါ အစီရင်ခံစာကို ကျန်းမာရေးဆိုင်ရာ ဂျာနယ်တစ်ခုဖြစ်သော The Lancet Infectious Diseases တွင် ဖော်ပြထားခြင်းဖြစ်ပြီး ထိုငှက်ဖျားရောဂါမှာ အိန္ဒိယသို့ ရောက်ရှိပါက ကမ္ဘာလုံးဆိုင်ရာ ငှက်ဖျားရောဂါထိန်းချုပ်ရေး လုပ်ငန်းများနှင့် ခြင်မှဖြစ်တတ်သော အဆိုပါရောဂါ တိုက်ဖျက်ရေးလုပ်ငန်းများအတွက် ဆိုးရွားသော ခြိမ်းခြောက်မှုများ ဖြစ်လာမည်ဟု ဆိုသည်။

ထို့ပြင် ထိုရောဂါမှာ အာရှမှ အာဖရိကသို့ ကူးစက်သွားသည်ဖြစ်စေ၊ သို့မဟုတ် အာဖရိက၌ ပေါ်ပေါက်လာသည်ဖြစ်စေ သန်းပေါင်းများစွာသော လူ့အသက်များမှာ အန္တရာယ်ရှိနေသည်ဟုလည်း အဆိုပါ အစီရင်ခံစာတွင် ထည့်သွင်းဖော်ပြခဲ့သည်။

“ဆေးမတိုးတဲ့ အဲဒီငှက်ဖျားရောဂါကို တိုက်ဖျက်ရာမှာ မြန်မာနိုင်ငံကို ရှေ့တန်းစစ်မျက်နှာလို့ ယူဆထားပါတယ်။
ဘာ့ကြောင့်လည်းဆိုတော့ အဲဒီရောဂါ တစ်ကမ္ဘာလုံးကို ပြန့်နှံ့ဖို့အတွက် မြန်မာနိုင်ငံက ပင်မနေရာကြီး ဖြစ်နေလို့ပါပဲ”
ဟု အဆိုပါ သုတေသနအဖွဲ့မှ ချားလ်စ် ၀ုဒ်ဒရောက ပြောကြားခဲ့သည်။

အောက်စဖို့တက္ကသိုလ် ဆေးဘက်ဆိုင်ရာ သုတေသနအဖွဲ့မှ ပြုလုပ်ခဲ့သော လေ့လာမှုတွင် မြန်မာနိုင်ငံနှင့် နယ်စပ်ဒေသများရှိ ငှက်ဖျားကုသရေးစင်တာ ၅၅ ခုမှ ရောဂါပိုး နမူနာ ၉၄၀ ကို စုဆောင်းခဲ့ပြီး ၄၀ ရာခိုင်နှုန်းမှာ ဆေးမတိုးသည့် ငှက်ဖျားရောဂါပိုးများ ဖြစ်နေသည်ကို တွေ့ရှိခဲ့သည်။

ထို့ပြင် ၎င်းတို့မှာ အိန္ဒိယနယ်စပ်နှင့် ၂၅ ကီလိုမီတာသာဝေးသည့် စစ်ကိုင်းတိုင်း ဟုမ္မလင်းမြို့တွင်လည်း ဆေးမတိုးသည့် ငှက်ဖျားရောဂါပိုးကို တွေ့ရှိခဲ့ကြောင်း အတည်ပြု ပြောဆိုခဲ့သည်။

ကမ္ဘာတစ်ဝှမ်း ငှက်ဖျားရောဂါ ဖြစ်ပွားမှုနှင့် ငှက်ဖျားကြောင့်သေဆုံးမှုမှာ သိသိသာသာလျော့ကြခဲ့သော်လည်း တစ်နှစ်လျှင် သေဆုံးသူအရေအတွက် ၆ သိန်းဝန်းကျင်ရှိနေကာ အများစုမှာ အာဖရိကနိုင်ငံများ၏ အဆင်းရဲဆုံးဒေသများမှ ကလေးငယ်များဖြစ်သည်။

Ref:channelnewsasia