ဒူဘိုင်းရှိ ကမ္ဘာ့အမြင့်ဆုံးတာဝါတွင် မီးလောင်

ဖေဖော်ဝါရီ ၂၁၊ ၂၀၁၅
M-Media

– ယူအေအီးနိုင်ငံ ဒူဘိုင်းမြို့ မရီနာဒေသရှိ ကမ္ဘာ့အမြင့်ဆုံး အဆောက်အဦး Torch Tower တွင် ယနေ့နံနက်ပိုင်းက မီးလောင်းမှုဖြစ်ပွားခဲ့ပြီး သေဆုံးဒဏ်ရာရရှိမှု မရှိခဲ့ဟု တာဝန်ရှိသူများက ပြောကြားခဲ့သည်။

နံနက် ၂ နာရီခန့်တွင် အဆိုပါ အဆောက်အဦး၏ ၈၆ ထပ်၌ စတင်မီးလောင်ခဲ့ခြင်းဖြစ်ပြီး မီးလောင်မှုမှ အပျက်အဆီးများမှာ လမ်းမပေါ်သို့ ကျရောက်ခဲ့သည်။ မီးလောင်မှု၏ အကြောင်းအရင်းကို သိရှိရခြင်း မရှိသေးပေ။ မရီနာဒေသမှာ ဒူဘိုင်း၏ လူနေအထူထပ်အဆုံး နေရာတစ်ခုဖြစ်ပြီး အထပ်မြင့်အဆောက်အဦးများလည်း များစွာရှိနေကာ မီးလောင်စဉ် လေများတိုက်ခတ်နေမှုကြောင့် အခြားသောအထပ်များနှင့် ဘေးနားရှိ အဆောက်အဦးများအား ကူးစက်မည်ကို စိုမ်းရိမ်ခဲ့ကြသည်။

သို့သော်လည်း မီးငြိမ်းသက်မှုနှင့် ကယ်ဆယ်ရေးလုပ်ငန်းများကို ဒူဘိုင်းမီးသတ်များက လျင်လျင်မြန်မြန်နှင့် စနစ်တကျ ဆောင်ရွက်နိုင်ခဲ့သည်။

“မြန်မြန်ဆန်ဆန်ပဲ မီးငြှိမ်းသက်နိုင်ခဲ့တဲ့အတွက် ကျွန်တော် အရမ်း အံ့သြမိပါတယ်။ မီးက အထက်ကို ကူးတော့မလိုဖြစ်နေခဲ့တာပါ” ဟု မီးလောင်သည့် အဆောက်အဦးတွင် နေထိုင်သည့် အမေရိကန်ပြည်ထောင်စု ဟူစတန်မှ အသက် ၃၃ နှစ်အရွယ် အာဂျေ မောရ်လော့က်က ပြောကြားခဲ့သည်။

မီးလောင်သည့်နေရာအား ရှင်းလင်းခဲ့ပြီးနောက် ကယ်ထုတ်ထားသည့် လူများကို မီးသတ်သမားများက နံနက်ပိုင်းတွင် ပြန်လည် နေရာချထားပေးခဲ့သည်။

Ref:aljazeera