သေဆုံးခဲ့သူ မွတ်စလင်လူငယ်များအား ဂုဏ်ပြုသည့်အနေဖြင့် မြောက်ကယ်ရိုလိုင်းနား တက္ကသိုလ်မှ ပညာသင်ဆုပေးမည်

ဖေဖော်ဝါရီ ၂၂၊ ၂၀၁၅
M-Media

– ပြီးခဲ့သည့် သီတင်းပတ်က ချက်ပဲလ်ဟေးလ်တွင် သေနတ်ဖြင့် ပစ်သတ်ခံလိုက်ရသည့် မွတ်စလင်လူငယ် ၃ ဦးအား ဂုဏ်ပြုသည့်အနေဖြင့် ၎င်းတို့၏အမည်နှင့် ပညာသင်ဆုအစီအစဉ်တစ်ခုကို မြောက်ကယ်ရိုလိုင်းနားတက္ကသိုလ်က စတင်လိုက်သည်ဟု သိရသည်။

“ဒီဖြစ်ရပ်ဆိုးကြီးနောက်မှာ ဒါဟာ ပထမဆုံး မင်္ဂလာရှိတဲ့၊ စိချမ်းသာရတဲ့နေ့ပါပဲ။ ဒီစိတ်ချမ်းသာမှုကို ဖော်ပြလို့ မရပါဘူး” ဟု သေဆုံးသွားသူ ညီအမနှစ်ဦး၏ ဖခင်ဖြစ်သူ မိုဟာမက် အဘူဆလ်ဟာက ဖေဖော်ဝါရီ ၂၀ ရက်နေ့က WTVD သတင်းဌာနသို့ ပြောကြားခဲ့သည်။

ထို့ပြင် သေဆုံးသွားသူ အမျိုးသား ဘာရကသ်၏ ဖခင်ဖြစ်သူ နမီး ဘရကသ်ကလည်း “ကျွန်တော်တို့ အရမ်းကျေးဇူးတင်မိပြီး အရမ်းလည်း ပျော်ရွှင်မိပါတယ်” ဟု ဆိုသည်။

သေဆုံးသွားသူများဖြစ်ကြသည့် အသက် ၂၃ နှစ်အရွယ် ဒီယာ ရှက်ဒီဘာရကသ်၊ ၎င်း၏ ဇနီး အသက် ၂၁ နှစ်အရွယ် ယူဆိုးရ်နှင့် ၎င်း၏ ညီမ အသက် ၁၈ နှစ်အရွယ် ရာဇန်တို့အား ဂုဏ်ပြုသည့်အနေဖြင့် မြောက်ကယ်ရိုလိုင်းနားတက္ကသိုလ်က ဖေဖော်ဝါရီ ၂၀ ရက်နေ့တွင် ၎င်းတို့၏ အမည်ဖြင့် ပညာသင်ဆုအစီအစဉ်တစ်ခုကို ကြေညာခဲ့ခြင်းဖြစ်သည်။

“မတတ်နိုင်တဲ့သူတွေကို ဒီကိုလာပြီး ပညာသင်ယူဖို့ နှစ်စဉ်နှစ်တိုင်း ပညာသင်ဆုပေးတာထက် ပိုကောင်းတဲ့ အရာမရှိပါဘူး။ ပြီးတော့ ဒါဟာ ဒီကလေး ၃ ယောက်ရဲ့ အသက်ရှင်နေထိုင်မှုကို ဥပမာပေးထားမျိုးလည်း ဖြစ်ပါတယ်” ဟု အဘူဆလ်ဟာက ဆိုပြီး နာမီကမူ မြောက်ကယ်ရိုလိုင်းနား၏ ထိုအစီအစဉ်အတွက် ပီတိဖြစ်ရကြောင်း ထည့်သွင်းပြောကြားခဲ့သည်။

သေဆုံးသွားသည့် မွတ်စလင်လူငယ် ၃ ဦးမှ ဘရကသ်တို့ ဇနီးမောင်နှံမှာ မြောက်ကယ်ရိုလိုင်းနား တက္ကသိုလ်မှ ဘွဲ့ရခဲ့သူများဖြစ်ပြီး ရာဇန်ကမူ လက်ရှိတွင် အဆိုပါတက္ကသိုလ်၌ လူမှုဇီဝဗေဒပညာရပ်ကို တက်ရောက်သင်ယူနေသူ ဖြစ်သည်။ စီးပွားရေး စီမံခန့်ခွဲမှုဖြင့် ဘွဲ့ရခဲ့သည့် ဘရကသ်မှာ သွားဘက်ဆိုင်ရာ ပါရဂူတန်းကို တက်ရောက်နေသည်။

မြောက်ကယ်ရိုလိုင်းနားမှ အဆိုပါ ပညာသင်ဆုအစီအစဉ်အတွက် ကန်ဒေါ်လာ ၆၀၀၀၀ မတည်ထားပြီး ရန်ပုံငွေ မြင့်တက်လာစေရန် အလှူငွေများကိုလည်း လက်ခံသွားမည်ဖြစ်သည်။

“ကျွန်တော်တို့ တက္ကသိုလ်အနေနဲ့ သေဆုံးသွားသူတွေရဲ့ သမိုင်းကို သတိရဖို့၊ မြောက်ကယ်ရိုလိုင်းနား ပြည်နယ်မှာရှိတဲ့ အခြားသူတွေကိုလည်း သူတို့ရဲ့ စံထားထိုက်တဲ့ ဘ၀တွေကို အားကျလာစေဖို့အတွက် လုပ်နိုင်တာအားလုံးကို လုပ်ပေးချင်ပါတယ်” ဟု မြောက်ကယ်ရိုလိုင်းနား တက္ကသိုလ် အကြီးအကဲ ရန်ဒီ ၀ုဒ်ဆန်က ပြောကြားခဲ့သည်။

“ဒီယာ၊ ယူဆိုးရ်နဲ့ ရာဇန်တို့ဟာ မြောက်ကယ်ရိုလိုင်းနားရဲ့ အကောင်းဆုံးနမူနာတွေပါပဲ။ ပြီးတော့ အခြားသော ကျောင်းသားအသင်းအဖွဲ့တွေအတွက်လည်း စံပြနမူနာအဖြစ် အမြဲတမ်းရှိနေမှာပါ”

အဆိုပါ ပညာသင်ဆုအစီအစဉ်အရ သေဆုံးသွားသူများ တက်ရောက်ခဲ့သည့် ကောလိပ် ၃ ခုမှ ကျောင်းသားများမှာ စီမန်ခန့်ခွဲမှုပညာ၊ သိပ္ပံနှင့် ဒီဇိုင်းပညာရပ်တို့အတွက် ပညာသင်ဆု လျှောက်ထားနိုင်မည်ဖြစ်သည်။

အစ္စလာမ်နှင့် ပညာရေး

“ကျွန်မတို့ မိသားစုအတွက်တော့ ပညာရေးဟာ အရာရာတိုင်းပါပဲ။ ဒီအကြောင်းအရင်းကြောင့်ပဲ ကျွန်မအဖေက
မျက်ရည်ကျနေတာပါ။ ဘာ့ကြောင့်လည်းဆိုတာ့ ဒီကြောက်မယ်ဖွယ် ဖြစ်ရပ်ဆိုးကြီး ဖြစ်ပြီးတဲ့နောက်မှာ ဒီထူးခြားတဲ့
ပညာသင်ဆုဟာ လူအများကြီးကို ဒီကိုလာပြီး အချိန်အတိုင်းအတာတစ်ခုအထိ ပညာသင်ယူနိုင်မှာဖြစ်ပြီး ဒါဟာ
သူတို့ရဲ့အိပ်မက်တွေကို အကောင်အထည်ပေါ်လာအောင် ဆောင်ရွက်တာလည်း ဖြစ်ပါတယ်” ဟု သေဆုံးသွားသူ
ဘရကသ်၏ ညီမဖြစ်သူ ဆူဇန်နီ ဘရကသ်က ပြောကြားခဲ့သည်။

ကွယ်လွန်သွားသူ ယူဆိုးရ်နှင့် ရာဇန်တို့၏ အစ်ကိုဖြစ်သူ ယူဆက်ဖ် အဘူ ဆလ်ဟာကလည်း ထိုပညာသင်ဆုက
ပညာရေးကို တိုက်တွန်းအားပေးသော အစ္စလာမ်သာသနာတွင် မြင့်မားသည့် ဂုဏ်သိက္ခာအဆင့်အတန်းအဖြစ်
ရှိနေမည်ဟု ပြောကြားခဲ့သည်။

“ကျွန်တော်တို့ရဲ့ အယူဝါဒက ပညာရေးအတွက် သေသေချာချာကို ဖော်ပြသွန်သင်ထားပါတယ်။ လူတစ်ယောက်ကို
ပညာသင်ပေးလိုက်ခြင်းဟာ အဆုံးမရှိတဲ့ အလှူဒါနတစ်ခုကို ပြုလုပ်လိုက်တာဖြစ်ပြီး ဒီအလှူဒါနကို ပြုလုပ်တဲ့သူဟာ
အဲဒီရဲ့ အကျိုးကျေးဇူးကို ထာဝရခံစားရမှာပါပဲ။ ဥပမာအားဖြင့် ၀တ်ပြုရာနေရာတည်ဆောက်လိုက်တာမျိုး ဒါမှမဟုတ်
စာသင်ကျောင်းတစ်ခု ဆောက်လုပ်လိုက်တာမျိုးပေါ့ဗျာ” ဟု ယူဆက်ဖ်က ထပ်လောင်းပြောကြားခဲ့သည်။

Ref: onislam