နိုင်ငံတကာ သတင်းတို (ဖေဖော်ဝါရီ ၂၃၊ ၂၀၁၅)

ဖေဖော်ဝါရီ ၂၃၊ ၂၀၁၅
M-Media

– တောင်အာဖရိကနိုင်ငံ ကာလီတန်ဗီလီမြို့အနီးရှိ ဟာမိုနီဂိုးလ်မိုင်းတွင် ယမန်နေ့က မီးလောင်မှုတစ်ခု ဖြစ်ပွားခဲ့ပြီး မိုင်းလုပ်သား ၅၀၀ ကျော်ရှိသည့်အနက် ၄၈၆ ဦကို ကယ်တင်နိုင်ခဲ့ကာ ၁၈ ဦးပျောက်ဆုံးနေသည်ဟု မိုင်းကုမ္ပဏီက ပြောကြားလိုက်သည်။ မြေအောက် ၂.၃ ကီလိုမီတာအနက်တွင် လေအေးပေးစက် ပြုပြင်ရာမှ မီးလောင်ခဲ့ခြင်းဖြစ်ပြီး ရဲတပ်ဖွဲ့က စုံစမ်းစစ်ဆေးမှုများ ပြုလုပ်နေသည်။

– လာမည့်ဧပြီလတွင် မြို့တော်ပြုံးယမ်၌ ပြုလုပ်ရန် စီစဉ်ထားသည့် မာရသွန်ပြိုင်ပွဲတွင် နိုင်ငံတကာမှ အပြေးသမားများအား အီဘိုလာပြန့်နှံ့မည်ကို စိုးရိမ်သည့်အတွက်ကြောင့် ပါဝင်ယှဉ်ပြိုင်ခွင့်မပြုဟု မြောက်ကိုရီးယား အာဏာပိုင်များက ပြောကြားလိုက်သည်။ အီဘိုလာဖြစ်ပွားသည့် အနောက်အာဖရိကနှင့် ကီလိုမီတာ ထောင်ပေါင်းများစွာ ဝေးကွာသော်လည်း မြောက်ကိုရီးယားမှာ အီဘိုလာကူးစက်ပြန့်နှံ့မည်ကို စိုးရိမ်နေပြီး ပြီးခဲ့သည့်နှစ် အောက်တိုဘာလမှစ၍ နိုင်ငံခြား ခရီးသွားများ ၀င်ရောက်ခွင့်ကို ပိတ်ပင်ခဲ့သည်။

– ဒေသအတွင်း လေတပ်အင်အား သာလွန်ရန်အတွက် ကန်ဒေါ်လာ ၃ ဘီလီယံ သုံးစွဲ၍ F 35 တိုက်လေယာဉ် ၁၄ စီးကို အမေရိကန်မှ ၀ယ်ယူမည်ဟု အစ္စရေးက အတည်ပြုခဲ့သည်။ အဆိုပါလေယာဉ်များထဲမှ ပထမဆုံး ၂ စီးမှာ ၂၀၁၆ ခုနှစ်တွင် ရောက်ရှိလာမည်ဖြစ်ပြီး ၂၀၂၁ ခုနှစ်တွင် ကျန်ရှိသည့် အစီးရေများကို ပို့ဆောင်မည်ဖြစ်ကာ အားလုံးရောက်ရှိပါက အစ္စရေးလေတပ်တွင် F 35 တိုက်လေယာဉ်စီးရေ ၃၃ စီးအထိ ရှိလာမည်ဖြစ်သည်။

– တရုတ်နိုင်ငံမှ ၀ယ်ယူထားသည့် ကန်ဒေါ်လာ ၃.၄ သန်းတန် တာဝေး လေကြောင်းရန်ကာကွယ်ရေးစနစ်ကို နေတိုး ကာကွယ်ရေးစနစ်များနှင့် လျော်ညီအောင် ဆောင်ရွက်၍ တပ်ဆင်အသုံးပြုသွားမည်ဟု တူရကီ သမ္မတရုံး ပြောရေးဆိုခွင့်ရှိသူ အီဘရာဟင် ကာလင်က ယနေ့တွင် ပြောကြားလိုက်သည်။

– အင်အား ၄.၅ မဂ္ဂနီကျုရှိသော ငလျင်တစ်ခုမှာ ဂျပန်နိုင်ငံအရှေ့ပိုင်း ချီဘာပြည်နယ်သို့ ဦးတည်ကာ ယနေ့တွင် လှုပ်ခတ်ခဲ့ပြီး သေဆုံးဒဏ်ရာရမှုများ မရှိသော်လည်း ဂျပန် မိုးလေ၀သဌာနက ဆူနာမီကြေညာချက် ထုတ်ပြန်ခဲ့သည်။

– ပြင်သစ်လေယာဉ်တင်သင်္ဘော ချားလ်စ် ဒီ ဂေါလ်မှနေ၍ အီရတ်နိုင်ငံရှိ IS အဖွဲ့များကို လေကြောင်းမှတိုက်ခိုက်ရန် စစ်ဆင်ရေးကို ယနေ့တွင် စတင်ခဲ့သည်ဟု ပြင်သစ်စစ်ဘက်ဆိုင်ရာ သတင်းရင်းမြစ်များက ပြောကြားခဲ့သည်။ ပြင်သစ်မှာ IS အဖွဲ့အား အမေရိကန်ဦးဆောင်သည့် လေကြောင်းတိုက်ခိုက်ရေး မဟာမိတ်အဖွဲ့တွင် ပထမဆုံး ၀င်ပါခဲ့သော နိုင်ငံလည်းဖြစ်သည်။

Ref: news agencies