မာလာဝီနိုင်ငံတွင် မီးဖွားစဉ် မိခင်များသေဆုံးမှုလျှော့ချရေး မွတ်စလင်များ ဦးဆောင်လှုပ်ရှား

ဖေဖော်ဝါရီ ၂၄၊ ၂၀၁၅
M-Media

– မီးဖွားစဉ် မိခင်များသေဆုံးမှုနှုန်း ကမ္ဘာ့အမြင့်ဆုံးဖြစ်နေသော အာဖရိကတောင်ပိုင်း မာလာဝီနိုင်ငံတွင် မိခင်သေဆုံးနှုန်းအား လျှော့ချရန် ရှေ့ဆောင်အစီအစဉ်တစ်ခုကို မာလာဝီ မွတ်စလင်လူ့အဖွဲ့အစည်းက စတင်ဆောင်ရွက်ခဲ့သည်ဟု သိရသည်။

“မာလာဝီက အမျိုးသမီးနဲ့ မိခင်တွေဖြစ်တဲ့ ကျွန်မတို့အနေနဲ့ နိုင်ငံအတွင်း မီးဖွားတဲ့အချိန် အမျိုးသမီးတွေသေဆုံးမှုနှုန်းနဲ့ ပတ်သက်လို့ စိုးရိမ်မကင်း ဖြစ်မိပါတယ်။ ဒီအကြောင်းအရင်းကြောင့်ပဲ အခြေအနေကိုကုစားဖို့ ကျွန်တို့ ဒီအစီအစဉ်ကို မဖြစ်မနေ ဆောင်ရွက်ခဲ့တာပါ။ မိခင်နဲ့ကလေး သေဆုံးမှုနှုန်းကို မြင့်တက်စေတဲ့ ယဉ်ကျေးမှုတွေနဲ့ ရုိုးရာဓလေ့ထုံးတမ်းတွေကို ရပ်တန့်ဖို့ ရပ်မိရပ်ဖတွေကို လှုံ့ဆော်ပေးနေပြီး တစ်ချိန်တည်းမှာပဲ မွတ်စလင်နဲ့ မွတ်စလင်မဟုတ်သူ အမျိုးသမီးတွေ မီးဖွားရာမှာ ခေတ်မီ ကျန်းမာရေးပစ္စည်းတွေကို ရယူအသုံးပြုကြဖို့ တိုက်တွန်းအားပေးနေပါတယ်” ဟု နိုင်ငံလုံးဆိုင်ရာ မာလာဝီမွတ်စလင်အမျိုးသမီးအသင်းမှ ဥက္ကဌဖြစ်သူ ဖာတီမာ အန်ဒိုင်လာက ပြောကြားခဲ့သည်။

မီးဖွားစဉ် အမျိုးသမီးများ သေဆုံးမှုမှာ သတိထားလောက်စရာဖြစ်နေပြီး ပစ္စည်းကိရိယာ အစုံအလင်ရှိသော ကျန်းမာရေးဝန်ထန်းများ နည်းပါးခြင်းနှင့် အဆင့်မြင့် ကျန်းမာရေး အထောက်အကူပြု ပစ္စည်းများ နေရာတိုင်းတွင် မရှိခြင်းကလည်း မိခင်များသေဆုံးမှုနှင့် သက်ဆိုင်နေသည်ဟု အန်ဒိုင်လာက ထပ်လောင်းပြောကြားခဲ့သည်။

“လူအများစုက ဝေးလံခေါင်သီတဲ့နေရာတွေမှာနေပြီး အဲဒီနေရာတွေမှာ အဆင့်မီတဲ့ သားဖွားကျန်းမာရေး စောင့်ရှောက်မှုတွေရဖို့အတွက် တော်တော်ဝေးဝေးကိုသွားဖို့ လိုအပ်နေပါတယ်။ အမျိုးသမီးအများစုကတော့ စိတ်ဓာတ်ကျနေကြပြီး ခေတ်မီဆေးဝါးတွေမရဘဲ အိမ်မှာမွေးတဲ့ နည်းလမ်းကိုသာ ရွေးချယ်နေကြပါတယ်။ ရလဒ်အနေနဲ့ကတော့ မာလာဝီဟာ ကမ္ဘာပေါ်မှာ မီးဖွားမှုကြောင့် သေဆုံးသူအရေအတွက် အမြင့်ဆုံးတွေထဲက တစ်နိုင်ငံ ဖြစ်လာတာပါပဲ”

မီးဖွားပြီးနောက် မိခင်များသေဆုံးမှုကို လျှော့ချရေးအတွက် မွတ်စလင်အမျိုးသမီးများ စတင်ခဲ့သည့် အဆိုပါ အစီအစဉ်တွင် မီးဖွားမှုနှင့်သက်ဆိုင်သည့် ခေတ်မီပစ္စည်းများကို မိခင်လောင်းများ အလွယ်တကူရရှိရေး စီစဉ်ပေးရန်အတွက် အာဏာပိုင်များအား တိုက်တွန်းခြင်း၊ ကိုယ်ဝန်ဆောင်ခြင်း၊ ကလေးမီးဖွားခြင်းနှင့် သက်ဆိုင်သည့် ဗဟုသုတများကို မာလာဝီအမျိုးသမီးများအား သင်တန်းပေခြင်းတို့ ပါဝင်မည်ဖြစ်သည်။

ကမ္ဘာ့ဘဏ်၏ အဆိုအရ မာလာဝီနိုင်ငံမှာ အာဖရိကရှိ ဆဟာရဒေသ နိုင်ငံများတွင် အဆင်းရဲဆုံးထဲမှ တစ်နိုင်ငံဖြစ်ပြီး ပြည်သူအများစုမှာ တစ်နေ့လျှင် တစ်ဒေါ်လာအောက်ဝင်ငွေဖြင့်သာ ရပ်တည်နေရကာ ကိုယ်ဝန်ဆောင်ခြင်းနှင့် မီဖွားခြင်းတို့ကဲ့သို့ ကျန်းမာရေးကိစ္စများတွင် အလွန်းဆိုးရွားသည့် အနေအထားတွင် ရှိနေသည်။

ကမ္ဘာပေါ်ရှိ ပဋိပက္ခ မဖြစ်ပွားသည့် နိုင်ငံများတွင် မာလာဝီမှာ မီးဖွားစဉ် မိခင်များသေဆုံးမှု အဆိုးဝါးဆုံးနိုင်ငံဖြစ်ပြီး ကလေးမီးဖွားမှု ၁ သိန်းတွင် သေဆုံးမှုမှာ ၄၆၀ ခန့်ရှိပြီး ကိုယ်ဝန်ဆောင်ခြင်းနှင့် ကလေးမွေးဖွားခြင်းတို့ကြောင့် နှစ်စဉ် အမျိုးသမီး ၃ ထောင်ခန့်မှာ သေဆုံးနေသည်။ ထို့ပြင် သေဆုံးမှု၏ ၂၉ ရာခိုင်နှုန်းမှာ HIV/AIDS နှင့် ဆက်စပ်သည့် ရောဂါများကြောင့် ဖြစ်သည်။

ချီးကျူးခံရ

မွတ်စလင်အမျိုးသမီးများ၏ အဆိုပါအစီအစဉ်ကို မာလာဝီအစိုးရက ချီးကျူးခဲ့ပြီး နိုင်ငံလုံးဆိုင်ရာ စိန်ခေါ်မှု၏ အလားအလာရှိသော အဖြေဖြစ်သည်ဟု ပြောကြားခဲ့သည်။

“လမ်းကြောင်းမှန်ပေါ်ရောက်ဖို့၊ ပြီးတော့ စီးပွားရေးကဏ္ဍအားလုံးကို ထိခိုက်စေတဲ့ နိုင်ငံလုံးဆိုင်ရာ စိန်ခေါ်မှုရဲ့ အလားအလာရှိတဲ့ အဖြေတစ်ခုဖြစ်လာဖို့ ဒီအစီအစဉ်ဟာ ခြေလှမ်းတစ်ခုပါပဲ။ ကျွန်တော်တို့နိုင်ငံမှာ မီးဖွားခြင်းဟာ သေဒဏ်လိုဖြစ်နေပါတယ်။ အစိုးရတွေဖြစ်တဲ့ ကျွန်တော်တို့ဟာ မီးဖွားစဉ်သေဆုံးနေတဲ့ အမျိုးသမီး အမြောက်များရဲ့ဘ၀ကို ကယ်တင်ဖို့၊ ဒီပုံရိပ်ဆိုးကို ပြောင်းလဲဖို့ စိတ်အားထက်သန်နေပါတယ်။ မွတ်စလင်လူ့အဖွဲ့အစည်း၊ အခြားသော ပါဝင်ပတ်သက်သူတွေနဲ့အတူ ပူးပေါင်းဆောင်ရွက်သွားဖို့ ကျွန်တော်တို့ အဆင်သင့်ရှိနေပါတယ်။ ဘာ့ကြောင့်လဲဆိုတော့ ကျွန်တော်တို့အားလုံးမှာ တူညီတဲ့အမြင်တွေ ရှိနေလို့ပါပဲ” ဟု နိုင်ငံလုံးအဆိုင်ရာ မိခင်များ အန္တရာယ်ကင်းရှင်းရေး အစီအစဉ်မှ ညွှန်ကြားရေးမှူး ချီမွေမွေ ချီပွန်ဂူက ပြောကြားခဲ့သည်။

ရရှီအာကျွမ်းကျင်ပညာရှင် အဟ်မဒ် ချင်ဒါကလည်း ထိုအစီအစဉ်မှာ မီးဖွားစဉ် မိခင်များသေဆုံးမှုကို အလေးထားခဲ့သည့် တမန်တော် မုဟမ္မဒ်သခင်၏ သွန်သင်ဆုံးမမှုနှင့် ညီညွတ်သည်ဟု ပြောကြားခဲ့သည်။

“မီးဖွားစဉ် မိခင်တွေသေဆုံးမှုကို ကိုယ်တော်က အလေးထားခဲ့ပါတယ်။ ဒါ့ကြောင့်ပဲ ကိုယ်တော်က ကလေးမီးဖွားစဉ် သေဆုံးခဲ့တဲ့အမျိုးသမီးတွေဟာ အာဇာနည်တွေဖြစ်ကြတယ်လို့ ဂုဏ်ပေး မိန့်ကြားခဲ့တာပါ။ ဒ့ါကြောင့် ကျွန်တော့်အနေနဲ့ ဒီအစီအစဉ်ကို ချီးကျူးပါတယ်” ဟု ချင်ဒါက ပြောကြားခဲ့သည်။

ထို့ပြင် မိမိတို့အနေဖြင့် မိခင်များသေဆုံးမှုအရေအတွက် လျော့ချရေး ဆောင်ရွက်ရန် အချိန်ရောက်လာပြီဖြစ်ကြောင်း၊ ထိုပြဿနာကို ဖြေရှင်းရန်အတွက် ဆောင်ရွက်မှုများ မရှိသည်မှာ ၀မ်းနည်းစရာဖြစ်ပြီး ယခုအစီအစဉ်က ရည်ရွယ်ချက်အောင်မြင်ရန် ခြေလှမ်းတစ်ရပ်ဖြစ်ကြောင်း ထည့်သွင်းပြောကြားခဲ့သည်။

မာလာဝီနိုင်ငံမှာ နိုင်ငံရေးနှင့် ဘာသာရေးကို ခွဲခြားထားသော နိုင်ငံတစ်ခုဖြစ်ပြီး နိုင်ငံ၏ လူဦးရေ ၁၆ သန်းတွင် အစ္စလာမ်ဘာသာဝင်မှာ ၃၆ ရာခိုင်နှုန်းရှိပြီး ခရစ်ယာန်ပြီးနောက် ဒုတိယ အများဆုံးလည်းဖြစ်သည်။

Ref: onislam