လစ်ဗျားရေပိုင်နက် နိုင်ငံတကာမှ စောင့်ကြပ်ရန် လိုအပ်နေ

ဖေဖော်ဝါရီ ၂၇၊ ၂၀၁၅
M-Media

– နိုင်ငံအတွင်း၊ အပြင် လက်နက်နှင် ရေနံများ မှောင်ခိုရောင်းချနေမှုကို လစ်ဗျားအာဏာပိုင်များက တားဆီးနိုင်ခြင်းမရှိဘဲ ထိုပြဿနာအား ဖြေရှင်းရန် နိုင်ငံတကာ ရေကြောင်းတပ်ဖွဲ့ လိုအပ်နေသည်ဟု ကုလသမဂ္ဂ ပိတ်ဆို့မှု စောင့်ကြည့်ရေးအဖွဲ့က ပြောကြားလိုက်သည်။

ကုလသမဂ္ဂ လုံခြုံရေးကောင်စီ၏ လစ်ဗျားအရေး ကျွမ်းကျင်သူများအဖွဲ့က လျှို့ဝှက်ထုတ်ပြန်ခဲ့သော အစီရင်ခံစာတွင် ထိုကဲ့သို့ ဖော်ပြခဲ့ခြင်းဖြစ်ပြီး ထိုအစီရင်ခံစာက လစ်ဗျားတွင် ဖြစ်ပွားနေသော ပဋိပက္ခများအား ရပ်တန့်ရန်အတွက် ကမ္ဘာ့အင်အားကြီးနိုင်ငံများမှ ကြားဝင်ရေး တွန်းအားလည်း ဖြစ်လာမည်ဖြစ်သည်။

“(လက်နက်များ) လွှဲပြောင်းမှုကို ထိထိရောက်ရောက်တားဆီးဖို့ လစ်ဗျားဟာ စွမ်းဆောင်နိုင်မှု လုံးဝ မရှိပါဘူး။ ကျယ်ပြောတဲ့ပင်လယ်ပြင် ဒါမှမဟုတ် လေကြောင်းကနေ လက်နက်မှောင်ခိုသွင်းနေတာကိုလည်း တားဆီးဖို့ အာဏာမရှိပါဘူး” ဟု အဆိုပါ အစီရင်ခံစာတွင် ထည့်သွင်းရေးသားထားသည်။

လစ်ဗျားနိုင်ငံအတွင်း ဒီမိုကရေစီဆန္ဒပြမှုများဖြစ်ပွားနေစဉ် ၂၀၁၁ ခုနှစ်က အာဏာရှင် ကဒါဖီအစိုးရသို့ လက်နက်တင်ပို့မှုကို လုံခြုံရေးကောင်စီက ပိတ်ပင်ခဲ့ပြီး ယခုအချိန်ထိ ဖွင့်ပေးခြင်း မရှိသေးပေ။

ထိုကဲ့သို့ လက်နက်မှောင်ခို ၀င်ထွက်ခြင်းများကို တားဆီးရေး လစ်ဗျား၏ ရေပိုင်နက်ကို လုံခြုံစေရန်အတွက် နိုင်ငံတကာ ရေကြောင်းတပ်ဖွဲ့များက လစ်ဗျားအစိုးရကို ကူညီရန် ထိုအစီရင်ခံစာတွင် လုံခြုံရေးကောင်စီအားတိုက်တွန်းခဲ့သည်။

Ref: reuters