လေကြောင်းခြေရာခံစနစ်သစ်ကို မလေး၊ အင်ဒိုနှင့် သြစတေးလျတို့ စမ်းသပ်အသုံးပြုမည်

မတ် ၂၊ ၂၀၁၅

M-Media

– သမုဒ္ဒရာအတွင်းသို့ ဖြတ်ကျော်ပျံသန်းသော ခရီးသည်တင်လေယာဉ်များ၏ ပုံမှမဟုတ်သည့် အခြေအနေများကို တာဝန်ရှိသူများ အလျင်အမြန်သိရှိစေရန်အတွက် ခြေရာခံစနစ်သစ်တစ်ခုကို အင်ဒိုနီးရှား၊ မလေးရှားနှင့် သြစတေးလျတို့က စမ်းသပ် အသုံးပြုတော့မည်ဟု သိရသည်။

သမုဒ္ဒရာများအပေါ် ပျံသန်းနေသည့် လေယာဥများအနေဖြင့် ယခုလက်ရှိတွင် နာရီဝက်နှင့် မိနစ် ၄၀ ကြာတစ်ကြိမ် အချက်ပြရာမှာ ယခုစနစ်သစ်မှာ ၁၅ မိနစ်တစ်ကြိမ် အချက်ပြမည်ဖြစ်သည်။ သြစတေးလျ ဒုတိယ၀န်ကြီးချုပ် ၀ါရန်ထရက်စ်က အဆိုပါစနစ်မှာ လေယာဉ်များ ပုံမှမဟုတ်သည့် အခြေအနေမျိုးကို ကြုံတွေ့ရသည့်အခါ အချိန်နှင့်အမျှ စောင့်ကြည့်ခြင်းကို တိုးမြှင့်လုပ်ဆောင်သွားနိုင်မည်ဟု ဆိုသည်။

“ကမ္ဘာမှာ ပထမဆုံးအနေနဲ့ သုံးနိုင်ငံစလုံးဟာ လေယာဉ်ခြေရာခံနည်းလမ်းသစ်တစ်ခုကို စမ်းသပ်မှာပါ။ အခု ဒီ ကနဦးအဆင့်ကို လက်ရှိ ရှိပြီးသားနည်းပညာနဲ့ ဆီလျော်အောင်လုပ်ထားပြီး ခရီးဝေးသွား ခရီးသည်တင်လေယာဉ် ၉၀ ရာခိုင်နှုန်းကျော်မှာ သုံးထားပါတယ်။ ပြီးတော့ လေကြောင်းထိန်းသိမ်းရေး အနေနဲ့ လေယာဉ်ဟာ ခက်ခဲတဲ့အခြေအနေကို ကြုံတွေ့တဲ့အခါ ဒါမှမဟုတ် ရှိပြီးသား ပျံသန်းမှုအစီအစဉ်ကို သွေဖည်သွားတဲ့အခါ ပိုပြီး မြန်မြန်ဆန်ဆန် တုံ့ပြန်နိုင်မလားဆိုတာကို ကြည့်ရမှာပါ” ဟု ထရက်စ်က
ပြောကြားခဲ့သည်။

မလေးရှားလေကြောင်းလိုင်းမှ လေယာဉ်အမှတ် MH 370 မှာ ပြီးခဲ့သည့်နှစ်မတ်လက ကွာလာလမ်ပူမှ ဘေဂျင်းသို့အသွား ပျောက်ဆုံးသွားခဲ့ပြီးနောက် လေယာဉ်များ ခြေရာခံစနစ်နှင့်ပတ်သက်၍ ပြုပြင်ပြောင်းလဲမှုများ ပြုလုပ်ရန် နိုင်ငံတကာမှ တိုက်တွန်းမှုများ ရှိလာခဲ့သည်။

ယခုစနစ်မှာ လေယာဉ်တစ်စီး ပုံမှန်သတ်မှတ်ထားသည့် လမ်းကြောင်းထက် ပေ ၂၀၀ သို့မဟုတ် မျှော်မှန်းထားသည့် လမ်းကြောင်းထက် ရေမိုင် ၂ မိုင်ခန့် သွေဖည်သွားပါက လေယာဉ်အား အလိုအလျောက် ပိုမိုအနီးကပ် စောင့်ကြည့်သွားမည်ဖြစ်ပြီး ၅ မိနစ်တစ်ကြိမ် သို့မဟုတ် အဆက်မပြတ် အချက်ပြသွားနိုင်မည်ဖြစ်သည်။

Ref: Alarabiya