အမေရိကန်ရောက် အစ္စရေးဝန်ကြီးချုပ် နေတန်ယာဟုအား ဂျူးများက ဆန္ဒပြ

မတ် ၃၊ ၂၀၁၅
M-Media

– အစ္စရေးဝန်ကြီးချုပ် ဘင်ဂျမင် နေတန်ယာဟု မိန့်ခွန်းပြောခဲ့သည့် အမေရိကန်-အစ္စရေး ပြည်သူ့ဆက်ဆံရေးကောင်စီ AIPAC အဆောက်အဦးရှေ့တွင် ဂျူးများအပါအ၀င် လူတစ်ချို့က ဆန္ဒပြခဲ့ကြည်ဟု သိရသည်။

ယမန်နေ့က မိန့်ခွန်းပြောကြားမှုအပြီး တက်ရောက်သူများထွက်ခွာစဉ် ဆန္ဒပြသူများက အဆောက်အဦးရှေ့၌ ကျွေးကြော်သံများကို ကျွေးကြော်ခဲ့ကြပြီး ဆန္ဒပြသူအချို့မှာ ပါလက်စတိုင်းနွယ်ဖွားများ ဖြစ်ကြကာ အချို့မှာ ဂျူးများဖြစ်ကြသည်။

အဆိုပါ ဆန္ဒပြမှုကို စီစဉ်သူများထဲမှ တစ်ဦးဖြစ်သူ ဂျူးဘုန်းတော်ကြီး ယစ္စရိုးလ် ဒိုဗစ် ၀စ်က နေတန်ယာဟုနှင့် ဒေးဗစ်ကြယ်အမှတ်အသားကို အသုံးပြုသော AIPAC အတွင်းရှိ အခြားသူများမှာ မည်သည့်နည်း၊ မည်သည့်ပုံစံနှင့်မျှ ဂျူးအယူဝါဒကို ကိုယ်စားမပြုဆိုသည်ကို ကမ္ဘာကြီးအား သိစေချင်သောကြောင့် ထိုကဲ့သို့ ဆန္ဒပြခဲ့ခြင်းဖြစ်သည်ဟု ပြောကြားခဲ့သည်။

AIPAC ၏ ညီလာခံတွင် ပြောကြားသော မိန့်ခွန်း၌ နေတန်ယာဟုက အီရန်နှင့် အင်အားကြီး ၆ နိုင်ငံတို့ ဆောင်ရွက်နေည့် နျူအရေး သဘောတူညီချက်မှာ အစ္စရေး၏ လုံခြုံရေးကို ခြိမ်းခြောက်နေသည်ဟု ပြောကြားခဲ့ပြီး အီရန်မှာ ကမ္ဘာကြီးတွင် အကြမ်းဖက်ဝါဒကို ထိပ်ဆုံးမှ အားပေးနေသော နိုင်ငံဖြစ်သည်ဟုလည်း စွပ်စွဲခဲ့သည်။

ရီပက်ဘလစ်ကန်ပါတီ၏ ဖိတ်ကြားမှုကြောင့်အမေရိကန်ပြည်ထောင်စုသို့ ရောက်ရှိနေသည့် နေတန်ယာဟုမှာ ယနေ့တွင် ရီပက်ဘလစ်ကန်များ ထိန်းချုပ်ထားရာ ကွန်ဂရက်တွင် မိန့်ခွန်းပြောကြားမည်ဖြစ်ပြီး ယနေ့တွင်လည်း ၎င်းအား ဆန့်ကျင် ဆန္ဒပြမှုများ ပိုမိုဖြစ်ပွားနိုင်ဖွယ် ရှိနေသည်။

Ref: Aljazeera