အကျင့်ကောင်းကလေးတွေ

မတ် ၃ ၊ ၂၀၁၅
M-Media
နှင်းဆီခင်

လူတွေကပြောကြတယ်။ ဗီဇဆိုတာ မွေးရာပါ။ ပြင်မရဘူး။ အကျင့်ဆိုတာက မကြာခဏ လုပ်လေ့လုပ်ထရှိရင်းက စွဲသွားတာ၊ ဒီတော့ ဖျောက်လို့ရတယ်တဲ့။ ဘယ်လိုပဲဆိုဆို လူဆိုတာ စွဲမိစွဲရာစွဲသွားရင်းက မလုပ်ရမနေနိုင်အောင် အကျင့်ဖြစ်သွား တတ်ကြတယ်လေ။ ကိုယ့်အတွက်ပဲဖြစ်ဖြစ် သူများတကာအတွက်ပဲဆိုဆို ကောင်းကျိုးပြုနိုင်တဲ့ အကျင့်ကောင်းလေးတွေရှိသလို ကိုယ်တိုင်ရောသူများပါ အကျိုးမဲ့စေတဲ့ အကျင့်ဆိုးလေးတွေလည်း လူ့ပတ်ဝန်းကျင်မှာ ရှိနေတတ်ပြန်တယ်။ ကိုယ့်မှာရှိတဲ့အကျင့်တွေကို ကိုယ်တိုင်ဆင်ခြင်ကြည့်ရင်တော့ ခွဲခြားသိနိုင်မှာပါ။ ပြင်ယူဖုိ့ကတော့ သူများတိုက်တွန်းတာထက် ကိုယ်တိုင်စိတ်ခိုင်ခိုင်ထားပြီး ဖျက်ဖို့ပဲလိုတယ်။

အထူးသဖြင့်ကတော့ လူငယ်တွေထဲမှာ ဘာရယ်မဟုတ်။ အသိုင်းအဝိုင်းရဲ့ အငွေ့အသက်ကြောင့် အကျင့်ဆိုးလေးတွေ စွဲမှန်းမသိစွဲသွားတတ်ကြတယ်။ ပြောစရာတော့ရှိတာပေါ့။ ဆင်ခြင်ဥာဏ်ကြီးတယ်ဆိုတဲ့ လူကြီးတွေမှာရော မကောင်းတဲ့အကျင့်တွေ ရှိနေတတ်တာပဲမဟုတ်လားလို့။ မှန်ပါတယ်၊ လူကြီးရော လူငယ်မှာပါ မကောင်းတဲ့အကျင့်တွေ စွဲတတ်တာပဲပေါ့။ ခက်တာက စိတ်ထဲမှာ မကောာင်းဘူးဆိုတာ သိသိကြီးနှင့်ပဲ အကျင့်ဖျောက်ဖို့က ခဲယဉ်းနေပြန်တယ်။

ဆိုပါစို့ ဆေးလိပ်သောက်တာ၊ ဆေးပညာရှင်တွေက ဆေးလိပ်သောက်ခြင်းရဲ့ဆိုးကျိုးတွေကို တဖွဖွပြောပြကြ ပညာပေးကြတဲ့ကြားက အဲဒီဆေးလိပ်ကိုပဲ စွဲစွဲလမ်းလမ်း သောက်ဖြစ်နေကြတယ်။ ဆယ်ကျော်သက်လေးတွေကလည်း အရွယ်ရောက်ပြီး လူလတ်ပိုင်းတွေကို အတုခိုးပြီး ဖွာရင်းရှိုက်ရင်းကပဲ တစ်စစနှင့်စွဲမှန်းမသိစွဲသွားကြတယ်။

ဒီအတိုင်းပါပဲ ဘာရယ်မဟုတ်စမ်းကြည့်ရင်းက ဘီယာ၊ အရက်အစ မူးယစ်ဆေးဝါးစွဲတဲ့အထိ ဖြစ်သွားကြသူတွေလည်း မရှားပါးလို့ မကောင်းဘူးလို့ အများကလက်ခံထားကြတဲ့ အကျင့်တွေထဲမှာတဝဲဝဲလည်လည် ဖြစ်နေကြတာပဲပေါ့။

ကောင်းပြီ။ လူအများစုက ဒီလိုမကောင်းတဲ့အကျင့်တွေကိုပဲ ခုံခုံမင်မင်ဖြစ်နေကြတာလား မဟုတ်ပါဘူး။ ဖြူစင်စိတ်ဓာတ်နှင့် မွန်မြတ်တဲ့အကျင့်ကောင်းလေးတွေကို အသက်လို တန်ဖိုးထားသူတွေဟာ လောကကြီးမှာ ရှိနေပါသေးတယ်။

ကျွန်မတို့ဝန်းကျင်မှာနေတဲ့ အသက်ကြီးပိုင်း အမျိုးသားကြီးတစ်ယောက်ဟာ မနက်စောစောတိုင်းမှာ လမ်းတစ်လျှောက်မှာရှိတဲ့ အမှိုက်သရိုက် (အထူးသဖြင့် ပလပ်စတစ်နှင့် ကြွပ်ကြွပ်အိတ်) တွေကို ညှပ်နှင့်ကောက်ပြီး ပလစ်စတစ်အိတ်တစ်လုံးထဲထည့် ပြီးရင်အမှိုက်ပုံးထဲထည့်တယ်။ ဝန်ထမ်း (အငြိမ်းစား) အရာရှိတစ်ယောက်က အခုလိုလုပ်ကိုင်နေတာကို အနီးအနားအိမ်တွေက လူငယ်လေးတွေကလည်း ဝိုင်းဝန်းကူညီပေးလာကြတယ်။ တစ်နည်းပြောရရင် အကျင့်ကောင်းလေးတွေ လက်ဆင့်ကမ်းတဲ့သဘော။ အခုချိန်မှာတော့ အဲဒီအမျိုးသားကြီး ဆုံးပါးသွားပါပြီ။ ဒါပေမယ့် လူငယ်လေးတွေက သူရဲ့လုပ်ရပ်တွေကိုဆက်ပြီး အကောင်အထည်ဖော်နေကြဆဲပါ။ လမ်းမကြီးမဟုတ်တဲ့ လမ်းသွယ်ထဲမှာ အခုလိုနည်းနှင့် ဖြေရှင်းဆောင်ရွက်ပေးတာကြောင့် ပတ်ဝန်းကျင်သန့်ရှင်းရေးကို တစ်နည်းတစ်လမ်း အထောက်အကူပြုနေတာပေါ့။

ပြောရဦးမယ်။ တစ်ရက်မှာပေါ့။ ဆရာမအသစ်တစ်ယောက် ကျွန်တော်တို့အတန်းထဲမှာ စာသင်တယ်။ အတန်းထဲမှာရှိတဲ့ ခပ်ဆိုးဆိုးကောင်လေးတစ်ယောက်က ဆရာမဆီကို စက္ကူမြှားပစ်လိုက်တယ်။ ဆရာမရဲ့ခေါင်းမှာ သွားစိုက်တော့ ဆရာမက ဘယ်သူပစ်တာလဲ၊ ဝန်ခံရင် အပြစ်ပေးတာသက်သာမယ်။ ဝန်မခံရင်တော့ တစ်တန်းလုံးကို အပြစ်ပေးမယ်လို့ပြောတယ်။ ဒါပေမယ့် အဲဒီသူက ဝန်မခံဘူး။ တစ်တန်းလုံးကလည်း ဗိုလ်ကျအနိုင်ကျင့်တတ်တဲ့သူကို ကြောက်လို့မပြောရဲကြဘူး။ နောက်ဆုံးတော့ အိမ်စာအဖြစ် စာကြောင်းရေ ငါးရာရေးခိုင်းလိုက်ရော။ အပြစ်ကိုဝန်မခံခြင်းသည် အကျင့်ကောင်းတစ်ခုမဟုတ်ပါတဲ့လေ။ အိမ်မှာ လက်အံသေအောင်ရေး လိုက်ရတာဗျာ။ ရေးမလာရင် ကျောင်းအုပ်ကြီးရုံးခန်းကို ပို့မှာလို့ဆရာမကပြောထားတော့ မရေးလို့လည်း မရဘူးပေါ့။ နောက်တစ်နေ့ကျတော့ အဲဒီကျောင်းသားက ဆရာမကသူလုပ်တဲ့ အကြောင်းဝန်ခံတော့ ဆရာမကတစ်တန်းလုံးရှေ့မှာ ချီးကျူးတယ်။ အပြစ်ရှိရင်ဝန်ခံတတ်တဲ့အကျင့်ကောင်းကို လေ့ကျင့်ပေးခဲ့တာလေ။ နောက်ပြီး အပြစ်လုပ်တဲ့အတွင်တော့ လက်ဝါးကိုသုံးချက်ရိုက်တယ် တဲ့။

တကယ်တော့ လူမှုရေးစိတ်ဓာတ်အပြည့်အဝရှိတဲ့ လူငယ်လေးတွေဟာ လောကကြီးကို အလှဆင်နေကြသူတွေထဲမှာ အရေးပါတဲ့ကဏ္ဍတစ်ခုအဖြစ် ပါဝင်နေပါတယ်။ ကားစီးတဲ့အခါ အသက်ကြီးသူတွေကို နေရာပေးတာ၊ လမ်းကူးရင် အကူအညီပေးတာတွေဟာ အသေးအဖွဲလို့ ထင်ရပေမယ့် အကူအညီပေးခံရသူတွေရင်ထဲမှာ စိမ့်ဝင်အောင် ကြည်နူးကျေနပ်မိကြတာတော့ အမှန်ပါပဲ။

အကျင့်ကောင်းရှိသူဟာ စိတ်ဓာတ်မြင့်မားတယ်။ ကိုယ်ကျင့်သိက္ခာကို စောင့်ထိန်းတယ်။ လူ့ဘောင်ကိုအကျိုးပြုတယ်။ မိဘဆရာသမားနှင့် တတ်သိနားလည်သူတွေက စေတနာစကားဆိုရင်း လေ့ကျင့်သင်ကြားပေးတဲ့အခါ လေးလေးစားစား နာယူလိုက်နာဖို့တော့လိုမယ်။ အမူအကျင့်ဆိုတာ ငယ်ငယ်တုန်းကတော့ ပင့်ကူမျှင်လေးပါပဲ။ ကြီးလာတဲ့အခါ ကျောက်ကြိုးတွေ ဖြစ်သွားရောဆိုတဲ့ ပညာရှင်အဆိုအမိန့်တစ်ခုလိုပေါ့။ ကိုယ်စွဲမိနေတဲ့ အကျင့်တွေထဲမှာ ကောင်းမကောင်း ခွဲခြားမြင်တတ်ပြီး စိတ်ဓာတ်ခိုင်ခိုင်ထားလို့ ပြုပြင်သွားရင် ပြင်မရဘူးဆိုတာ မရှိပါဘူး။ လိုနေတာက ပြုပြင်ချင်တဲ့စိတ်ဓာတ်။

နှင်းဆီခင်