THAAD ဒုံးကျည်ကာကွယ်ရေးစနစ်ကို အရှေ့အလယ်ပိုင်းတွင် ချထားရန် အမေရိကန် စဉ်းစားနေ

မတ် ၅၊ ၂၀၁၅
M-Media

– မိမိတို့၏ THAAD ဒုံးကျည်ကာကွယ်ရေးစနစ်ကို အရှေ့အလယ်ပိုင်းတွင် ချထားရန် စဉ်းစားနေသည်ဟု ပစိဖိတ်ဆိုင်ရာ အမေရိကန်စစ်ဌာနချုပ်မှ တပ်မှူး ဗိုလ်ချုပ် ဗင်းဆင့် ဘရွက်စ်က ပြောကြားလိုက်သည်။

Reuters သတင်းဌာနနှင့် အင်တာဗျူးတွင် ထိုကဲ့သို့ ပြောကြားလိုက်ခြင်းဖြစ်ပြီး ဒုံးကျည်စနစ်များ ရှိနေကာထိုဒုံးကျည်များကို သုံးစွဲရန် ဆန္ဒရှိနေသည့် ရန်သူများကို ပြန်လည်တုံ့ပြန်ရန် အရေးတကြီးလိုအပ်နေကြောင်း၊ ချထားရမည့်နေရာမှာ အရှေ့အလယ်ပိုင်းနှင့် မြောက်ကိုရီယား၏ ခြိမ်းခြောက်မှုများရှိနေသည့် တောင်ကိုရီးယားတို့၌ဖြစ်ကြောင်း ဘရွက်စ်က ထည့်သွင်းပြောကြားခဲ့သည်။

“လိုအပ်တာကတော့ အဲဒီနှစ်နေရာဖြစ်ပြီး အရေးတကြီး လိုအပ်နေတာပါ။ ဘာ့ကြောင့်လည်းဆိုတော့ အစွမ်းအစတွေရှိတဲ့ ပြိုင်ဘက်တွေကြောင့်ဖြစ်ပြီး သူတို့တွေကလည်း ဒီအစွမ်းအစတွေကို သုံးချင်တဲ့ဆန္ဒ ရှိနေပါတယ်” ဟု ဘရွက်စ်က ပြောကြားခဲ့သည်။

ဘရွက်စ်မှာ အီရန်နိုင်ငံအား ထည့်သွင်းပြောကြားခဲ့ခြင်း မရှိသော်လည်း အမေရိကန် စစ်ဘက်တာဝန်ရှိသူများမှာ အီရန်၏ အစ္စရေးနှင့် ဥရောပတို့အထိ ရောက်ရှိအောင် ပစ်လွှတ်နိုင်သည့် တာဝေးပစ်ဒုံးကျည်များ ထုတ်လုပ်မှုနှင့်ပတ်သက်၍ စိုးရိမ်မှုများ ရှိခဲ့သည်။

ဘရွက်စ်ကမူ ထိုသို့ချထားရန်ကိုမူ မဆုံးဖြတ်ရသေးကြောင်း အဆိုပါစနစ် ချထားမှုအတွက် ငွေကြေးအမြောက်အများ ကုန်ကျမည်ဖြစ်သောကြောင့် အမေရိကန်စစ်တပ်အနေဖြင့် ချင့်ချိန်ရမည်ဖြစ်ကြောင်း၊ ထို့ပြင် လေဆာလက်နက် ခြိမ်းခြောက်မှုအား ကာကွယ်ရေးအတွက်လည်း အမေရိကန်စစ်တပ်က ရှာဖွေစူးစမ်းမှုများ ပြုလုပ်နေကြာင်း ဘရွက်စ်က အင်တာဗျူးတွင် ထည့်သွင်းပြောကြားခဲ့သည်။

ဝေဖန်သူများကမူ ထိုကဲ့သို့ ချထားခြင်းကို တရုတ်နှင့် ရုရှားတို့က ၎င်းတို့၏ လုံခြုံရေးကို ခြိမ်းခြောက်သည်ဟု မှတ်ယူနိုင်သောကြောင့် ထိုနိုင်ငံများနှင့် တင်းမာမှုများ ဖြစ်ပေါ်လာနိုင်သည်ဟု ပြောကြားခဲ့ကြသည်။

Ref: Channelnewsasia