အီရန်မှာ သမိုင်းတစ်လျှောက် ဂျူးများကို သုံးကြိမ်တိုင်တိုင် ကယ်တင်ခဲ့သည်ဟု နိုင်ငံခြားရေးဝန်ကြီးပြော

မတ် ၆၊ ၂၀၁၅
M-Media

– မိမိတို့ အီရန်နိုင်ငံမှာ အစ္စရေးအား ဖျက်ဆီးပစ်ရန် ရည်ရွယ်ချက်မရှိဘဲ မိမိတို့လူမျိုးများမှာ သမိုင်းတလျှောက် ဂျူးများကို သုံးကြိမ်တိုင်တိုင် ကယ်တင်ခဲ့သည်ဟု အီရန်နိုင်ငံခြားရေးဝန်ကြီး ဂျာဗဒ်ဇာရစ်ဖ်က NBC သတင်းဌာနနှင့် အင်တာဗျူးတွင် ပြောကြားလိုက်သည်။

အစ္စရေးဝန်ကြီးချုပ်နေတန်ယာဟုမှာ ယခုတစ်ပတ်အတွင်း အမေရိကန်တွင် ပြောကြားခဲ့သည့် မိန့်ခွန်း ၂ ခုတွင် အီရန်အား ပုတ်ခတ်ပြောကြားမှုများ ပြုလုပ်ခဲ့ကာ အီရန်မှာ အစ္စရေးအား မြေပုံပေါ်မှ ဖယ်ပစ်ရန် ခြိမ်းခြောက်ထားသည်ဟု ထည့်သွင်းပြောကြားခဲ့သည်။

သို့သော်လည်း အီရန်နိုင်ငံခြားရေးဝန်ကြီးက နေတန်ယာဟုအနေဖြင့် သမိုင်းကြောင်းကို ပြန်လည်လေ့လာရန် တိုက်တွန်းခဲ့ပြီး ၎င်း၏ ပြောကြားချက်မှာ ယနေ့ ပကတိအခြေအနများကို ပုံဖျက်ပြောဆိုရုံသာမက ဘိုင်ဘယ်ကျမ်းနှင့် ဂျူးတို့၏ ကျမ်းစာများနှင့်လည်း ဆန့်ကျင်နေသည်ဟု ဆိုသည်။

“သူ့ရဲ့ ကိုယ်ပိုင်ကျမ်းစာကိုတောင် သူက ပုံဖျက်နေတာပါ။ Esther ကျမ်းကို ဖတ်ကြည့်ရင် ဂျူးတွေကို ကယ်တင်ခဲ့တာ အီရန်ဘုရင်ဆိုတာ ခင်ဗျားတွေ့ရပါလိမ့်မယ်” ဟု ဇာရစ်ဖ်က ပြောကြားခဲ့သည်။

ထို့ပြင် ဂျူးများကို သုံးကြိမ်တိုင်တိုင်ကယ်တင်ခဲ့သည့် နိုင်ငံတစ်ခုလုံးကို နေတန်ယာဟု၏ စော်ကားပြောဆိုမှုမှာ တကယ့်ကို ၀မ်းနည်းဖွယ်ရာဖြစ်သည်ဟု ဆိုသည်။

“ Esther ကျမ်းစာမှာပါတဲ့အတိုင်း ၀န်ကြီးတစ်ပါးဟာ ဂျူးတွေကိုသတ်ဖို့ကြိုးစားတဲ့အချိန်မှာ လက်ထက်မှာ အီရန်ဘုရင်က ဂျူးတွေကို ကယ်တင်ခဲ့ပါတယ်။ နောက်တစ်ကြိမ် ဆိုင်းရပ်စ် သယ် ဂရိတ် (Cyrus The Great) လက်ထက်မှာလည်း ဘေဘီလုံက ဂျူးတွေကို အီရန်ဘုရင်ကပဲ ကယ်တင်ခဲ့တာပါ။ ပြီးတော့ ဒုတိယကမ္ဘာစစ်မှာလည်း ဂျူးတွေကို အီရန်က ကယ်တင်ခဲ့ပါတယ်။ ကျွန်တော်တို့ဟာ ဂျူးတွေကို သုတ်သင်ချေမှုန်းဖို့ မရှိပါဘူး” ဟု ဇာရစ်ဇ်က ဆိုပြီး မိမိတို့နိုင်ငံတွင် ဂျူးလူမျိုး ၂၀၀၀၀ မှာ ငြိမ်းချမ်းစွာနေထိုင်နေပြီး လွှတ်တော်တွင်ပင် ဂျူးလူနည်းစု ကိုယ်စားပြုအမတ်များ ရှိနေသည်ဟု ထပ်လောင်းပြောကြားခဲ့သည်။

“ကျွန်တော်တို့နိုင်ငံက ဂျူးပြည်သူတွေနဲ့ရော ကမ္ဘာတစ်ဝှမ်းက ဂျူးလူမျိုးတွေနဲ့ပါ သမိုင်းကြောင်းနဲ့ချီပြီး သည်းခံခြင်းနဲ့ ပူးပေါင်းဆောင်ရွက်ခြင်း၊ အတူတကွ ငြိမ်းချမ်းစွာ အတူယှဉ်တွဲနေထိုင်ခြင်းတွေ ကျွန်တော်တို့မှာ ရှိနေပါတယ်။ တကယ်လို့ လူတွေဟာ ဒီလိုစိတ်မနှံ့တာမျိုးကို မြှောက်ပေးဖို့ ကြောက်ရွံ့နေတဲ့ ပုံစံမျိုး လုပ်လာရင်တော့ သူတို့ပဲ ထိခိုက်နစ်နာမှာပါ”

ထို့ပြင် ဇာရစ်ဖ်က ယခုလက်ရှိ အစ္စရေးအစိုးရမှာ အီရန်အား ခြိမ်းခြောက်နေပြီး အပြစ်မဲ့ကလေးငယ်များအား သတ်ဖြတ်ခြင်းနှင့် ရန်စခြင်းတို့ကိုလည်း ဆောင်ရွက်နေသည်ဟု ပြောကြားခဲ့သည်။

“နေ့စဉ်လိုလို အီရန်ကို အင်အားသုံးပြီး အစ္စရေးက ခြိမ်းခြောက်နေတာပါ။ တကယ်လို့ သူတို့က အီရန်အပေါ် အင်အားသုံးလာမယ် ဆိုရင်တော့ ကျွန်တော်တို့ဟာ ကိုယ့်ကိုယ်ကို ခုခံသွားမှာပါ။ ဘာ့ကြောင့်လည်းဆိုတော့ ကျွန်တော်တို့ဟာ အတိတ်မှာလည်း စွန့်လွှတ်စတေးခဲ့ဖူးပါတယ်။ ဒါပေမယ့် ကျွန်တော်တို့ကတော့ ကျူးကျော်သွားမှာမဟုတ်သလို၊ ဘယ်သူ့ကိုမှလည်း ခြိမ်းခြောက်သွားမှာ မဟုတ်ပါဘူး။ ကျွန်တော်တို့ ဘယ်သူ့ကိုမှ မငြိမ်းခြောက်တာ နှစ် ၂၅၀ ရှိပါပြီ”

Ref: RT