ပေါ့ဘာ၏ တိုးတက်မှုအတွက် မိမိတို့အသင်းသာလျှင် အကောင်းဆုံဟု ဂျူဗင်ပ်စ်နည်းပြဆို

မတ် ၇၊ ၂၀၁၅
M-Media

– တိုက်စစ်မှူး ပေါ့ဘာအနေဖြင့် ကမ္ဘာ့အကောင်းဆုံး ဘောလုံးသမားတစ်ဦး ဖြစ်လာရန်အတွက် ဂျူဗင်တပ်စ်သာ အကောင်းဆုံး နေရာဖြစ်သည်ဟု နည်းပြ ဂူဆက်ပီ မာရော့တာက ပြောကြားလိုက်သည်။

အသင်း၏ တိုက်စစ်တွင် အကောင်းဆုံး ခြေစွမ်းပြနေသည့် ပေါ့ဘာမှာ ယခုနှစ်ရာသီကုန်တွင် ပြောင်းရွှေ့ကြေး ယူရိုသန်း ၁၀၀ ခန့်ဖြင့် အသင်းပြောင်းရန် အလားအလာရှိနေပြီး ရီးယဲလ်၊ မန်ယူ၊ ပီအက်စ်ဂျီနှင့် မန်စီးတီးတို့က ခေါ်ယူရန် ဆက်သွယ်နေကြသည်။ သို့သော်လည်း မာရော့တာကမူ မိမိတို့မှာ ပေါ့ဘာအား ထိန်းသိမ်းထားနိုင်မည်ဟု မျှော်လင့်နေသည်။

“သူ့ရဲ့ အားကစားနဲ့ပတ်သက်တဲ့ အခွင့်အရေးဟာ ဂျူဗင်တပ်စ်လက်ထဲမှာပဲ ရှိပါတယ်။ ဒါ့ကြောင့် အသင်းကပဲ ဆုံးဖြတ်မှာပါ။ ဒါပေမယ့် ကစားသမားရဲ့ ဆုံးဖြတ်ချက်ကတော့ တကယ့်ကို အရေးပါပါတယ်။ကျွန်တော်တို့ဟာ အသက် ၂၁ နှစ်အရွယ် ကစားသမားအကြောင်းကို ပြောနေတာပါ။ သူဟာ အရမ်းငယ်ပါတယ်။ သူဟာ တစ်ပွဲပြီးတစ်ပွဲ တိုးတက်လာနိုင်တယ်လို့ ကျွန်တော်ထင်ပါတယ်” ဟု မာရော့တာက ပြောကြားခဲ့သည်။

ပေါ့ဘာနှင့် ဂျူဗင်တပ်စ်တို့မှာ မကြာသေးမီကပင် သက်တမ်းတိုးထားခြင်းဖြစ်ပြီး မာရော့တာကမူ မိမိတို့အသင်းမှာ ပေါ့ဘာ၏ တိုးတက်မှုနှင့် ဖွံ့ဖြိုးမှုတို့အတွက် နေရာမှန်ဖြစ်သည်ဟု ထပ်လောင်း ပြောကြားခဲ့သည်။

Ref: Goal.com