တမန်တော်မုဟမ္မဒ်သခင်၏ ထေရုပတ္တိနှင့် သွန်သင်မှုအား သိနားလည်မှုကို စစ်ဆေးသည့်ပြိုင်ပွဲ အာဖဂန်တွင် ပြုလုပ်

မတ် ၈၊ ၂၀၁၅
M-Media

– တမန်တော် မုဟမ္မဒ်သခင် (ငြိမ်းချမ်းသာယာမှုအပေါင်း သက်ရောက်ပါစေ)၏ ထေရုပတ္တိနှင့် သွန်သင်ဆုံးမချက်များအား နားလည်တတ်ကျွမ်းမှုကို စစ်ဆေးသော ပြိုင်ပွဲတစ်ခုကို အာဖဂန်နစ္စတန်နိုင်ငံ မြို့တော် ကဘူးလ်တွင် ပြီးခဲ့သည့်သောကြာနေ့က ကျင်းပပြုလုပ်ခဲ့သည်ဟု သိရသည်။

“Star for Seerat-e-Nabi” ခေါင်းစဉ်ဖြင့် ပြုလုပ်သည့် အဆိုပါပြိုင်ပွဲကို အကျိုးအမြတ်မယူသော အဖွဲ့ Nehad Jawanan-e-Musalman (NJM – မွတ်စလင်လူငယ်များအသင်း) က စီစဉ်ကာ ကဘူးလ်မြို့ရှိ အီဒ်ဂါကွင်းပြင်ကြီးတွင် ကျင်းပပြုလုပ်ခဲ့ခြင်းဖြစ်ပြီး ထိုကဲ့သို့ ပြိုင်ပွဲများအနက် အကြီးဆုံး ပြိုင်ပွဲလည်း ဖြစ်ခဲ့သည်။

“ကျွန်တော်တို့ရဲ့ အဓိကရည်ရွယ်ချက်က ပြည်သူတွေကို တရားပြဖို့ဖြစ်ပြီး အထူးသဖြင့် လူငယ်တွေကို ကိုယ်တော့်ရဲ့ သွန်သင်မှုတွေနဲ့ ကိုယ်တော်ဟာ ဘ၀အသက်တာကို ဘယ်လိုကုန်ဆုံးခဲ့သလဲဆိုတာနဲ့ ပတ်သက်ပြီး အသိတရားရစေဖို့ ဖြစ်ပါတယ်” ဟု NJM ၏ ဒါရိုက်တာဖြစ်သူ ဒေါက်တာ ရဟ်မသွလ္လာဟ်ဇာဟစ်က ပြောကြားခဲ့သည်။

အဆိုပါပြိုင်ပွဲတွင် လူငယ်များ၊ အမျိုးသား၊ အမျိုးသမီး ရာနှင့်ချီ၍ ပါဝင်ခဲ့ကြပြီး ချမ်းအေးသော ရာသီဥတုကို အံတု၍ တက်တက်ကြွကြွ ယှဉ်ပြိုင်ခဲ့ကြသည်။

“ကျွန်တော်ဟာ ပါရ်ဝမ်နဲ့ ကဘူးလ်က ပြိုင်ပွဲအသေးလေးတွေမှာ အရင်က ယှဉ်ပြိုင်ခဲ့ဖူးပါတယ်။ ဒါပေမယ့် ဒီပြိုင်ပွဲကတော့ အကြီးဆုံးပြိုင်ပွဲတွေထဲက တစ်ခုပါပဲ” ဟု အဆိုပါ ပြိုင်ပွဲတွင် ၀င်ရောက်ယှဉ်ပြိုင်ခဲ့သူ ကိုယ်ပိုင်ကျောင်းတစ်ကျောင်းမှ ကျောင်းသား ဆွဘ်ဟာနွဒ်ဒင်းက ပြောကြားခဲ့သည်။

ထို့ပြင် အဆိုပါပြိုင်ပွဲများမှာ နိုင်ငံ၏ နာမ်ပိုင်းဆိုင်ရာနှင့် ကိုယ်ကျင့်တရားများကို ရှင်သန်လာစေရန်အတွက် လိုအပ်သည့်ပြိုင်ပွဲဟု မှတ်ယူကြောင်း ၎င်းက ပြောကြားခဲ့သည်။

ပြိုင်ပွဲအား ပထမဆုံး ၀င်ရောက်ယှဉ်ပြိုင်ခဲ့သည့် ဂျမီလာဆိုသူ အမျိုးသမီးငယ်တစ်ဦးကလည်း အစ္စလာမ်သာသနာ၏ စည်းကမ်းနည်းလမ်းများကို မီးမောင်းထိုးပြခဲ့ပြီး အာဖဂန်လူငယ်များမှာ တမန်တော် မုဟမ္မဒ်သခင်၏ သင်ကြားမှုများနှင့် လက်တွေ့ကျင့်သုံးခဲ့မှုများကို လေ့လာလိုက်စားရန် တိုက်တွန်းခဲ့ကာ ထိုသို့ ဆောင်ရွက်မှသာလျှင် ၎င်းတို့အနေဖြင့် ယခုဘ၀နှင့် နောင်တမလွန်တွင် ကောင်းမွန်သော ဘ၀ကို ရရှိမည်ဟု ပြောကြားခဲ့သည်။

တမန်တော်မုဟမ္မဒ်သခင်၏ ဘ၀တစ်သက်တာတွင် ရိုးသားမှု၊ အနေအထိုင်ရိုးရှင်းမှု၊ ရက်ရောမှု၊ အကျင့်သီလ စင်ကြယ်မှု၊ ဘာသာတရားကိုင်းရှိုင်းမှု၊ သာတူညီမျှရှိမှု၊ အမှန်တရားအား မြတ်နိုးမှု၊ သည်းခံခွင့်လွှတ်မှုနှင့် အခြားသူများအား အလေးထားမှု စသဖြင့် ပြည့်ဝသည့် အပြုအမူနှင့် လူမှုဆက်ဆံရေးကို တွေ့မြင်နိုင်မည် ဖြစ်သည်။

ထို့ပြင် ကိုယ်တော်မှာ အစ္စလာမ်၏ သွန်သင်ဆုံးမချက်များကို နောက်လိုက်များအား လိုက်နာဆောင်ရွက်ရန်သာ
ပြောကြားခဲ့ခြင်းမဟုတ်ဘဲ ကိုယ်တော်တိုင်လည်း လိုက်နာကျင့်သုံးပြခဲ့သည်။

အာဖဂန်မှာ ဘာသာတရားကိုင်းရှိုင်းသော မွတ်စလင်လူ့အဖွဲ့အစည်းအဖြစ် ထင်ရှားသော်လည်း ၁၀ စုနှစ် တစ်ခုကျော်ကြာ ဖြစ်ပွားခဲ့သည့် စစ်ပွဲများနှင့် ဆက်စပ်ဖြစ်ပွားသော အကြမ်းဖက်မှုများကြောင့် အသိပညာရှာဖွေမှု ပုံစံများမှာ ပျက်သုဉ်းခဲ့ရသည်။

NJM ဒါရိုက်တာ ဒေါက်တာဇာဟစ်ကမူ ကဘူးလ်တွင် အောင်မြင်ခဲ့သည့် အဆိုပါပြိုင်ပွဲမျိုးကို အခြားသော မြို့များတွင်လည်း ပြုလုပ်သွားရန် စီစဉ်နေသည်ဟု ပြောကြားခဲ့သည်။

“လာမယ့်လ လိုဂါပြည်နယ်မှာကျင်းပမယ့် “Seerat-e-Nabi” ပြိုင်ပွဲမှာ ပါဝင်ဖို့ အမျိုးသားတွေ၊ အမျိုးသမီးတွေ အပါအ၀င် ထောင်နဲ့ချီတဲ့ လူငယ်တွေက စာရင်းပေးထားကြပါတယ်” ဟု ဇာဟစ်ကဆိုပြီး NJM မှာ နောက်ပိုင်းတွင် သင်္ချာ၊ အထွေထွေသိပ္ပံနှင့် လူမှုသိပ္ပံ ဘာသာရပ်များအတွက် ပြိုင်ပွဲများကို ကျင်းပပြုလုပ်ရန် အစီအစဉ်ရှိနေသည်ဟု ထည့်သွင်းပြောကြားခဲ့သည်။

ုမုဟမ္မဒ်သခင်၏ ထေရုပတ္တိနှင့် ကိုယ်တော်၏ သွန်သင်ချက်များအား မည်မျှနားလည်တတ်ကျွမ်းသည်ကို ယှဉ်ပြိုင်ရသည့် အဆိုပါပြိုင်ပွဲမှ အနိုင်ရရှိသူများကို ဟဂ်ျနှင့် အွမ္မရာဘရားဖူးခရီးစဉ်အတွက် စီစဉ်ပေးမည်ဟု အာဖဂန် သာသနာရေးရာဝန်ကြီးဌာနက ကြေညာခဲ့သည်။

သမ္မတသစ် မိုဟာမက် အက်ရ်ှရက်ဖ် ဂါနီ၏ လက်ထက်တွင် အာဖဂန်အစိုးရမှာ နိုင်ငံအတွင်း ဗလီဝတ်ကျောင်းတော်များ၏ တန်ဖိုးများကို မြှင့်တင်ကာကွယ်ပေးမည်ဟု ကြေညာထားသည်။ ထို့ပြင် ဘာသာရေးခေါင်းဆောင်များကိုလည်း နိုင်ငံ၏ မြို့ကြီးများနှင့် တောတောင်ထူထပ်သော ဒေသများတွင်ပါ ငြိမ်းချမ်းရေးနှင့် အသိပညာများရရှိရေးကို တိုးမြှင့်ဆောင်ရွက်ရန် လေ့ကျင့်သင်ကြားပေးလျက် ရှိနေသည်။

Ref: Onislam