မွတ်စလင်တို့၏ အီဒ်းပွဲတော် ၂ ရက်ကို တရားဝင်ကျောင်းပိတ်ရက်အဖြစ် နယူးယောက်တွင် သတ်မှတ်

မတ် ၇၊ ၂၀၁၅
M-Media

– ကျောင်းပြက္ခဒိန်မှာ မွတ်စလင်တွေရဲ့ အီဒ်းပွဲတော်ရက် ၂ ရက်ကို ပိတ်ရက်အဖြစ် ထည့်သွင်းဖို့ နယူးယောက်မြို့တော်ဝန် ဘီလ် ဒီ ဘလာစီယိုက ပြီးခဲ့တဲ့တစ်ပတ်မှာ ဆုံးဖြတ်ခဲ့ပြီး ဒါဟာ မျှတမှုကို ဆောင်ကျဉ်းပေးလိုက်တာလို့ ပြောကြားခဲ့ပါတယ်။

“ဒီပိတ်ရက်တွေကို ထည့်သွင်းလိုက်တာက မွတ်စလင်တွေဟာ အမေရိကရဲ့ နိုင်ငံရေးနဲ့ လူမှုရေးတွေမှာ အခန်းကဏ္ဍတစ်ခု ရရှိတဲ့ လက္ခဏာပါပဲ” လို့ အမေရိကန်ရဲ့ အကြီးဆုံး မွတ်စလင်အဖွဲ့ဖြစ်တဲ့ အမေရိကန်-အစ္စလာမ် ဆက်ဆံရေးကောင်စီ CAIR က ပြောရေးဆိုခွင့်ရှိသူ အီဗရာဟင် ဟူပါက ပြောဆိုလိုက်ပါတယ်။

မြို့တော်တစ်ဝှမ်း မွတ်စလင်ကျောင်းသား ၁၀ ရာခိုင်နှုန်းလောက်ရှိတဲ့ နယူးယောက်မှာ ဒီလို အသိအမှတ်ပြုဖို့အတွက် မွတ်စလင်တွေဟာ လှုပ်ရှားမှုတွေ၊ အသိပညာပေးမှုတွေကို ၉ နှစ်လောက် လုပ်ခဲ့ရတာ ဖြစ်ပါတယ်။

ယခင် မြို့တော်ဝန်ဟောင်း မိုက်ကယ် ဘလွန်းဘာ့ဂ်ရဲ့ လက်ထက်မှာ ဒီတောင်းဆိုမှုကို ပယ်ချခဲ့ပြီး ကျောင်းသားတွေဟာ ကျောင်းမှာ အချိန်ပိုပေးဖို့လိုတယ်လို့ ပြောခဲ့ဖူးပါတယ်။ ဒါပေမယ့် ဘလာစီယိုကတော့ မြို့တော်အတွင်းမှာ သည်းခံမှုနဲ့ အားလုံးစုံပါဝင်နိုင်မှုရှိအောင် လုပ်ဆောင်သွားမယ်လို့ ထည့်သွင်းကတိပြုခဲ့ပါတယ်။

ဥရောပနဲ့ အမေရိကတစ်ဝှမ်းမှာ မွတ်စလင်ဆန့်ကျင်ရေးလှုပ်ရှားမှုတွေ မြင့်တက်လာတဲ့အချိန်မှာ ဒီလို ရဲရဲဝင့်ဝင့် သတ်မှတ်ပေးလိုက်တဲ့အတွက် မွတ်စလင်ကျောင်းသားတွေနဲ့ မိဘတွေက ကြိုဆိုခဲ့ကြပါတယ်။

“မွတ်စလင်တွေဟာ လူနည်းစုဆိုတာ ကျွန်တော်သိပါတယ်။ ဒါပေမယ့် ကျွန်တော်တို့ဟာ အသိအမှတ်ပြု ခံသင့်ပါတယ်” လို့ မော်ရိုကိုဖွားဖြစ်ပြီး ဘရွတ်ကလင်းမှာနေထိုင်တဲ့ အီလ်ဟမ် အတ်မာနီက ဆိုပါတယ်။

ဘရွတ်ကလင်း နည်းပညာအထက်တန်းကျောင်းက အသက် ၁၅ နှစ်အရွယ် ကျောင်းသား ဟီလာလ် ချောင်ဒရီက သူ့အနေနဲ့ အီဒ်းပွဲတော်နေ့မှာ ပွဲတော်ပွဲ ဆင်နွှဲရမလား ကျောင်းပဲ တက်ရမလားဆိုတာကို နှစ်နဲ့ချီပြီး လွန်ဆွဲခဲ့ရတယ်လို့ ပြောခဲ့ပါတယ်။

“ဒါဟာ ခြေလှမ်းကြီးတစ်ခု ရှေ့တိုးလိုက်တာပါ။ ကျွန်တော်တို့ဟာ ဒါအတွက် အချိန်အတော်ကြာ စောင့်ခဲ့ရပါတယ်”

မွတ်စလင်တွေရဲ့ အီဒ်းပွဲတော်ကို တရားဝင်ကျောင်းပိတ်ရက်အဖြစ် သတ်မှတ်ခဲ့သလိုပဲ တရုတ်လူမျိုးတွေရဲ့ နှစ်သစ်ကူးကိုလည်း ကျောင်းပိတ်ရက်အဖြစ် သတ်မှတ်ပေးမယ်လို့ ဘာလာစီယိုက ကတိပြုခဲ့ပြီး ဒီလိုသတ်မှတ်ဖို့အတွက် ဆောင်ရွက်နေကြောင်း ပြောကြားခဲ့ပါတယ်။

လက်ယာစွန်းရောက်တွေရဲ့ ဝေဖန်မှုတွေ ရှိနေပေမယ့် ဘလာစီယိုကတော့ ဒါဟာ အမေရိကန် အခြေခံဥပဒေက အာမခံထားတဲ့ တန်းတူညီမျှအခွင့်အရေးကို ပေးအပ်လိုက်တာလို့ဆို ပါတယ်။

“ဝေဖန်နေကြတဲ့သူတွေအနေနဲ့ အမေရိကန်ရဲ့ အခြေခံဥပဒေကို ပြန်ကြည့်သင့်တယ်လို့ ကျွန်တော်ထင်ပါတယ်။ ကျွန်တော်တို့နိုင်ငံဟာ ယဉ်ကျေးမှုပေါင်းစုံ၊ ဘာသာပေါင်းစုံနဲ့ တည်ဆောက်ထားတဲ့ တိုင်းပြည်ပါပဲ” လို့ ဘလာစီယိုက ပြတ်ပြတ်သားသား ပြောခဲ့ပါတယ်။

မွတ်စလင်တွေရဲ့ ပွဲတော်ရက် ၂ ရက်ကို ပိတ်ရက်အဖြစ် နယူးယောက်မှာ အခုမှ သတ်မှတ်ခဲ့ပေမယ့် ဘော့စတွန်က ထိပ်တန်း ကျောင်းတစ်ကျောင်းဖြစ်တဲ့ ကိန်းဘရစ်ခ်ျ ကိုယ်ပိုင်ကျောင်းကတော့ ၂၀၁၀ ခုနှစ်ကတည်းက ပိတ်ရက်အဖြစ် သတ်မှတ်ခဲ့တာပါ။

နယူးဂျာစီပြည်နယ်က မြို့အများအပြားမှာလည်း မွတ်စလင်တွေရဲ့ ပွဲတော်ရက် ၂ ရက်ကို ပိတ်ရက်အဖြစ် သတ်မှတ်ထားပြီး မီချီဂန်ပြည်နယ်က ဒါဘွန်မြို့ကတော့ မွတ်စလင်တွေရဲ့ ပွဲတော်ရက် ၂ ရက်ကို ပိတ်ရက်အဖြစ် အစောဆုံးသတ်မှတ်ခဲ့တဲ့ မြို့ဖြစ်ပါတယ်။

CAIR က “ဆရာများအတွက် အစ္စလာမ်ဘာသာရေးလိုက်နာမှု လမ်းညွှန်” ဆိုတဲ့ စာအုပ်ငယ်တစ်အုပ်ကို ထုတ်ဝေဖြန့်ချီခဲ့ပြီး ဒီစာအုပ်မှာ ကျောင်းတာဝန်ရှိသူတွေအနေနဲ့ မွတ်စလင်ကျောင်းသားတွေအတွက် အပြုသဘောဆောင်တဲ့ ပတ်ဝန်းကျင်ကို ဖန်တီးပေးဖို့ ကျောင်းဆရာတွေကို လမ်းညွှန်ချက်တွေ ဖော်ပြပေးထားပါတယ်။

မွတ်စလင်တွေရဲ့ ပွဲတော်ရက် ၂ ရက်ကတော့ ဥပုသ်သီလ တစ်လတိတိ စောင့်ထိန်းပြီးတဲ့နောက်မှာ ကျင်းပတဲ့ အီဒွလ်ဖစ်သီရ်နဲ့ အသားဝတ္ထု စွန့်လှူဒါနပြုတဲ့ အီဒွလ်အသွဟာ ပွဲတော်တို့ပဲ ဖြစ်ပါတယ်။

Ref: Onislam