နေတန်ယာဟုအား ဆန့်ကျင်သည့် ဆန္ဒပြမှုတစ်ခု အစ္စရေးပြည်သူများ ပြုလုပ်

မတ် ၈၊ ၂၀၁၅
M-Media

– ထောင်ပေါင်းများစွာသော အစ္စရေးပြည်သူများမှာ မြို့တော်တလ်အဗီးရှိ ရင်ပြင်တွင် ယမန်နေ့က စုဝေးခဲ့ကာ မတ်လ ၁၇ ရက်နေ့တွင် ပြုလုပ်ရန် စီစဉ်ထားသည့် ရွေးကောက်ပွဲတွင် လက်ရှိဝန်ကြီးချုပ် နေတန်ယာဟုအား အစားထိုးရန်အတွက် တောင်းဆိုခဲ့သည်ဟု သိရသည်။

ရဲတပ်ဖွဲ့က တရားဝင်ထုတ်ပြန်ခဲ့ခြင်း မရှိသော်လည်း မီဒီယာများက အဆိုပါ ဆန္ဒပြမှုတွင် လူပေါင်း ၃ သောင်းခန့်ရှိမည်ဟု ဖော်ပြခဲ့ကြပြီး ၎င်းတို့မှာ “အစ္စရေးက အပြောင်းအလဲ လိုချင်တယ်” ဟူသော စာတမ်းများကိုလည်း ကိုင်ဆောင်ခဲ့ကြသည်။

အဆိုပါဆန္ဒပြပွဲတွင် မော့ဆက် ထောက်လှမ်းရေးအကြီးအကဲဟောင်း မီရ် ဒါဂန်က မိန့်ခွန်းပြောကြားခဲ့ပြီး ဆန္ဒပြသူများက “ဘီဘီ။ မင်းရှုံးသွားပြီ။ အိမ်ပြန်တော့” ဟု နေတန်ယာဟု၏ အမည်ပြောင်ကို ရည်ညွှန်း၍ ဟစ်အော်ခဲ့ကြသည်။

ဒါဂန်မှာ မကြာသေးမီကပင် နေတန်ယာဟု၏ လုပ်ရပ်များကို ဝေဖန်ခဲ့ပြီး နေတန်ယာဟုမှာ အစ္စရေးပျက်ဆီးခြင်း မဟာဗျူဟာကို ဖြစ်စေခဲ့သည်ဟု ပြောကြားခဲ့သည်။

စစ်တမ်းကောက်ယူမှုများအရ နေတန်ယာဟု၏ လက်ယာယိမ်း လီကွဒ်ပါတီမှာ ဇီယွန်အသင်း၏ ခေါင်းဆောင်ဖြစ်ပြီး လေဘာပါတီနှင့် ချိတ်ဆက်ထားသည့် အိုက်ဇက် ဟာဇော့ဂ်ပါတီနှင့် သူနိုင်၊ ကိုယ်နိုင်အနေအထားတွင် ရှိနေသည်ဟု ဆိုသည်။

နေတန်ယာဟုမှာ အစ္စရေး၏ လုံခြုံရေးကိစ္စများနှင့် အီရန်၏ နျူကလီးယား အစီအစဉ်ကို ပစ်မှတ်ထားကာ မဲဆွယ်မှုများ ပြုလုပ်နေသည်။

“၆ နှစ်လောက် မစ္စတာ နေတန်ယာဟုဟာ ၀န်ကြီးချုပ်အဖြစ် တာဝန်ထမ်းဆောင်ခဲ့ပါတယ်။ အခုအချိန်မှာတော့ ဒီ ၆ နှစ်ဟာ အစ္စရေး ပိုအကြပ်ရိုက်စေတဲ့ နှစ်တွေပါပဲ” ဟု ဒါဂန်က ပြောကြားခဲ့ပြီး ပါလက်စတိုင်းနှင့် ငြိမ်းချမ်းရေးဆွေးနွေးမှုကို မဆောင်ရွက်ခြင်းဖြင့် နေတန်ယာဟုမှာ ၎င်း၏ နိုင်ငံရေးအသက်ရှင်ရပ်တည်မှုကို ဆောင်ရွက်နေသည်ဟု စွပ်စွဲပြောကြားခဲ့သည်။

Ref: Aljazeera