အမေရိကန်ရဲတပ်ဖွဲ့ လူမည်းလူငယ်တစ်ဦးအား သေနတ်ဖြင့် ပစ်ပြန်

မတ် ၈၊ ၂၀၁၅
M-Media

ပြီးခဲ့သည့်နှစ်က မစ်ဇူရီပြည်နယ် ဖာဂူဆန်မြို့တွင် ဖြစ်ပွားခဲ့သော ရဲတပ်ဖွဲ့ဝင်တစ်ဦး၏ ပစ်ခတ်မှုတွင် သေဆုံးသွားသော လူမည်းလူငယ် မိုက်ကယ်ဘရောင်း

– အမေရိကန်ပြည်ထောင်စု မက်ဒီဆင်မြို့တွင် ရဲတပ်ဖွဲ့ဝင်တစ်ဦးမှာ အသက် ၁၉ နှစ်အရွယ် လက်နက်မဲ့ လူမည်းလူငယ်အား သေနတ်ဖြင့် ပစ်သတ်မှုတစ်ခု ဖြစ်ပွားခဲ့သည်ဟု သိရသည်။

သောကြောနေ့ ညနေပိုင်းက ဖြစ်ပွားခဲ့ခြင်းဖြစ်ပြီး မိမိတို့ ရဲတပ်ဖွဲ့ဝင်မှာ အိမ်တစ်အိမ်တွင် လူတစ်ယောက် နှောက်ယှက်နေသည်ကို ကြားရသောကြောင့် သွားရောက်ကြည့်ရှုခဲ့ရာမှ အဆိုပါလူမည်းလူငယ်က လက်ရောက်ကျူးလွန်သောကြောင့် သေနတ်ဖြင့် ပစ်ခဲ့ရခြင်းဖြစ်သည်ဟု ရဲတပ်ဖွဲ့က ပြောကြားခဲ့သည်။

“အိမ်ထဲမှာ လူတစ်ယောက်ကို ထုရိုက်နေတယ်လို့ စွပ်စွဲခံထားရတဲ့ အဲဒီလူငယ်ဟာ ကျွန်တော်ရဲ့ တပ်ဖွဲ့ဝင်တစ်ယောက်ကို လက်ရောက်ကျူးလွန်ခဲ့ပါတယ်။ အဲဒီနောက် နှစ်ယောက်သား လုံးထွေးသတ်ပုတ်ကြရင်း ရဲက ခြောက်လုံးပြူးထုတ်ပြီး အဲဒီလူကို ပစ်လိုက်တာပါ” ဟု ရဲတပ်ဖွဲ့ အကြီးအကဲ မိုက် ကိုဗဲလ်က ပြောကြားခဲ့သည်

သေနတ်မှန်သွားသော အဆိုပါလူငယ်အား အဆိုပါ ရဲတပ်ဖွဲ့ဝင်က ရှေးဦးသူနာပြုနည်းဖြင့် ပြုစုပေးခဲ့ပြီး ဆေးရုံသို့ ခေါ်ဆောင်သွားကြောင်း၊ နောက်ပိုင်းတွင် အဆိုပါလူငယ်မှာ ဆေးရုံ၌ပင် သေဆုံးသွားခဲ့ကြောင်း၊ အခင်းဖြစ်ပွားရာနေရာတွင် ရှာဖွေမှုများအရ မည်သည့်လက်နက်မှ မတွေ့ရကြောင်း ကိုဗဲလ်က ထပ်လောင်းပြောကြားခဲ့သည်။

အဆိုပါအဖြစ်အပျက်အား မြို့၏ ရာဇ၀တ်မှုဆိုင်ရာ စုံစမ်းစစ်ဆေးရေးကောင်စီက စုံစမ်းစစ်ဆေးမှုများကို ပြုလုပ်နေသည်။ ထိုအဖြစ်အပျက် ဖြစ်ပွားပြီးနောက် ထိုမြို့မှ ပြည်သူများမှာ အခင်းဖြစ်ပွားရာနေရာအနီးသို့ လာရောက်စုဝေးခဲ့ကြပြီး ဆန္ဒပြမှုများ ပြုလုပ်ခဲ့ကြသည်။

ပြီးခဲ့သည့်နှစ်မှစ၍ အမေရိကန်တွင် လူမည်းများအား ရဲတပ်ဖွဲ့မှ ပစ်ခတ်မှုများ ဖြစ်ပွားခဲ့ပြီး ပြည်သူများကမူ ထိုအဖြစ်အပျက်များတွင် လူမျိုးရေးခွဲခြားမှု အကြောင်းအရင်းများ ပါဝင်လိ့မ်မည်ဟု ပြောကြားခဲ့ကြသည်။

Ref: Aljazeera