IS ၏ သမိုင်း အမွေအနှစ် ဖျက်ဆီးမှု အီရတ်ပြည်သူများ ဆန့်ကျင်

မတ် ၈ ၊ ၂၀၁၅
M-Media

– ဘဂ္ဂဒတ်မြို့၏ အလ်-မူတာနာဘီလမ်းမပေါ်တွင် အီရတ်ပြည်သူများက မူဆိုးလ်မြို့ရှိ နှစ်ပေါင်း ၃၀၀၀ သက်တမ်းရှိသော ရှေးဟောင်း ရုပ်တုများ ဖျက်ဆီးခံရခြင်းအတွက် ၀မ်းနည်းနေကြသည်မှာ ထိုရုပ်တုများက အသက်ရှိသူများသကဲ့သို့ပင် ဖြစ်နေ၏။

“ကျွန်မ တော်တော်လေး မကျေမနပ် ဖြစ်မိပါတယ်။ ဒါနဲ့ပတ်သက်ပြီး ပြောတောင် မပြောနိုင်တော့ပါဘူး” ဟု သူငယ်ချင်းဟောင်း တစ်ဦးက မျက်ရည်စမ်းစမ်းဖြင့် ပြောသည်။

အက်ဆီရီယန် နန်းတော်များ၏ ၀င်ပေါက်ရှိ လူ၏ ဦးခေါင်း တပ်ထားပြီး တောင်ပံပါသော နွား၏ ခန္ဓာကိုယ် ရုပ်ထုကြီးများမှာ ရှေးဟောင်း မက်ဆိုပိုတေးမီးယားတို့၏ အထူးခြားဆုံး အမှတ်သညာလည်းဖြစ်သည်။ အာမက်ဆူ (Iamassu) ဟု ခေါ်သည့် အဆိုပါ ရုပ်တုများမှာ အကာအကွယ်ပေးသည့် ၀ိဥာဉ်များဟု အဓိပ္ပါယ်ရသည်။ ထိုပုံများကို ကြေးပြားမှ နိုင်ငံရပ်ခြား သံရုံးနံရံများ၏ နံရံအထိ နေရာတိုင်းတွင် ထွင်းထု ပုံဖော်ကြသည်။

ကျောက်တုံးဖြင့်ထုလုပ်ထားသော အဆိုပါ ရုပ်ထုများမှာ  ဘီစီ ၇ ရာစု နန်းတော် စတင် ဆောက်လုပ်စဉ်ကတည်းက နိုင်ဗီဟ် (Nineveh) မြို့ (ယခု မူလဆိုးလ်မြို့) ၏ ဂိတ်ပေါက်ဝတွင် ရှိနေခဲ့ကြသည်။ ၎င်းတို့မှာ နိုင်ဗီဟ်မြို့အား ဖျက်ဆီးခံရစဉ်တွင်လည်းကောင်း၊ အက်ဆီရီယန်အင်ပါယာကြီး ပေါ်ထွက်လာပြီးသည့်နောက်တွင် လည်းကောင်း၊ ထို အင်ပါယာကြီး ပျက်ဆီးကာ နောက်ပိုင်း အင်ပါယာများ ပေါ်ထွက်လာသည့်အချိန်တွင် လည်းကောင်း တောက်လျှောက် တည်ရှိလာခဲ့ကြသည်။

၁၈၄၀ ပြည့်နှစ်များတွင် အဆိုပါနန်းတော်အား တူးဖော်သည့်အချိန်နှင့် ထိုနန်းတော်မှ အဖိုးတန်ပစ္စည်းများကို ဗြိတိန်နှင့် အမေရိကသို့ သယ်ဆောင်သွားသည့်အချိန်တွင်လည်း ထိုရုပ်တုများက ရှိနေခဲ့ကြသည်။ ပြီးခဲ့သည့် သီတင်းပတ်တွင်တော့ ထိုရုပ်ထုများမှာ အားကောင်းသည့် လွန်ပူကိုကိုင်ကာ အစ္စလာမ်မထွန်းကားခင် အီရတ်၌ရှိနေခဲ့သော ယဉ်ကျေးမှုများကို ဖျက်ဆီးဖယ်ရှားချင်သည့် လူများ၏လက်ထဲတွင် ပြိုကျ ပျက်ဆီးခဲ့ရလေသည်။

“ယုံမလားတော့မသိဘူးဗျာ။ ရုပ်တုတွေ ဖျက်ဆီးခံလိုက်ရတယ်ဆိုတဲ့ သတင်းကြားပြီး ကျွန်တော် ညဘက် အိပ်လို့တောင်မပျော်ပါဘူး” ဟု စို့၊ ကျောက်တုံး အပိုင်းအစများနှင့်အတူ ထိုင်ကာ ပန်းပုထုနေသူ အဘ်ဒူလာဟ် ဒို့စ်ဟန်က ဆိုသည်။

စစ်တပ်တွင် အမှုထမ်းစဉ် ၁၉၈၀ ပြည့်နှစ်များက ထိုပြတိုက်သို့ သွားရောက်လည်ပတ်၍ ကင်မရာဖြင့် ဓာတ်ပုံများ ရိုက်ယူလေ့ရှိသည်ဟု ၎င်းက ဖွင့်ဟခဲ့သည်။

“ကျွန်တော်ဟာ မူဆိုးလ်မြို့ တစ်မြို့လုံးကို လျှောက်သွားတယ်။ ပြီးတော့ နေ့တိုင်း ဒီရုပ်ထုတွေကို သွားကြည့်ပါတယ်။ လူတွေက ‘ဒီရုပ်တုတွေဟာ ခင်ဗျားအဖေလား’ လို့ မေးကြတဲ့အထိပါပဲ”

အက်ဆီရီယန်များ၏ ကျောက်သားထွင်းထုမှု အနုပညာလက်ရာက ယနေ့ခတ် ပန်းပုဆရာတို့ကို အံ့သြမှင်တက်စေသည်။ ခြင်္သေ့များနှင့် ဒရယ်ငယ်များက နံရံများမှ ခုန်ထွက်လာတော့ မယောင်ယောင်။ အနုစိပ်ထုထားသည့် မုဆိတ်များကလည်း အာမက်ဆူရုပ်ထု၏ ခြေသလုံးအထိ ပြေဆင်းသွားသည်။

“ကြည့်စမ်းပါအုံးဗျား။ ဘယ်လောက် အချိုးညီလိုက်သလဲ။ တကယ်လို့ ခင်ဗျား တိုင်းကြည့်မယ်ဆိုရင် ဘယ်လိုခြားနားချက်မှ တွေ့ရမှာ မဟုတ်ဘူး။ သူတို့က တစ်မျှင်ခြင်းကို ထွင်းထုထားတာလေ” ဟု  အာမက်ဆူရုပ်ထု၏ ဓာတ်ပုံကို ညွှန်ပြ၍ ဒို့စ်ဟန်က ပြောလေသည်။

တစ်ဂရစ်နှင့် ယူဖေရးတီး မြစ်နှစ်ခုအကြား တည်ရှိခဲ့သည့် မြေသြဇာကောင်းသော အဆိုပါ ရှေးဟောင်း မက်ဆိုပိုတေးမီးယားဒေသကို “ယဉ်ကျေးမှု ပုခက်” ဟု တင်စားခေါ်ဝေါ်ကြပြီး သိရှိခဲ့သမျှ သမိုင်းကြောင်းရှိ ကမ္ဘာ့ပထမဆုံး မြို့များထဲမှ တစ်မြို့လည်းဖြစ်သည်။ ပထမဆုံး စာရေးသားမှုကို အဆိုပါဒေသတွင် လွန်ခဲ့သည့် နှစ်ပေါင်း ၅၀၀၀ ကျော်က စတင်ခဲ့သည်ဟု ယုံကြည်ကြသည်။ အီရတ်ပြည်သူအများစုကတော့ အဆိုပါ အောင်မြင်မှုများကို ၎င်းတို့၏ သမိုင်းအမွေအနှစ်အဖြစ် ရှုမြင်ကြသည်။

“ဒါဟာ ကျွန်တော်တို့ တည်ဆောက်ခဲ့တဲ့ ကျွန်တော်တို့ရဲ့ ရိုးရာနဲ့ ယဉ်ကျေးမှုပါပဲ။ ဒါဟာ ကျွန်တော်တို့ရဲ့ အမှတ်သညာပါပဲ။ အခြားတိုင်းပြည်တွေကို ကျွန်တော်သွားတဲ့အခါ ‘ငါဟာ ဘေဘီလုံအင်ပါယာ၊ အက်ဆီရီယန် အင်ပါယာနဲ့ အီရတ်ရဲ့ သားကောင်းတစ်ယောက်ပဲ’ လို့ သူတို့ကို ပြောပြပါတယ်။ ကျွန်တော်တို့ နိုးထဖို့ လိုနေပါပြီ။ ကျွန်တော်တို့ ထပ်ပြီး ဆုံးရှုံးလို့မရတော့ပါဘူး” ဟု အနုပညာကျောင်းသားတစ်ဦးဖြစ်သူ ဟူဆမ် ဆာဘာဟ် ခါလီလ်က ပြောကြားခဲ့သည်။

IS က ဖျက်ဆီးခဲ့သည့် ရုပ်ထုများထဲတွင် ၄ ခုမှာ ပလာစတာ ပုံတူများဖြစ်ပြီး ကျန်ရုပ်တုများမှာ အော်ရီဂျင်နယ် များဖြစ်ကြသည်ဟု ပြတိုက် တာဝန်ရှိသူများက ပြောကြားခဲ့သည်။ သို့သော်လည်း ပြတိုက်ရှိ ၁၇၂ ခုသော ရုပ်ထုများတွင် မည်မျှ ဖျက်ဆီးခဲ့ပြီး၊ မည်မျှရောင်းချခဲ့သည်ကို ရှင်းရှင်းလင်းလင်း မသိရဟု ၎င်းတို့က ဆိုသည်။ ၁၉၉၁ ခုနှစ် ပင်လယ်ကွေ့စစ်ပွဲပြီးနောက် ရှေးဟောင်း သုတေသန နေရာများတွင် လုယက်မှုများ ကျယ်ကျယ်ပြန့်ပြန့် ဖြစ်ခဲ့သောကြောင့် ပြည်နယ်ပြတိုက်များမှ တန်ဖိုးအရှိဆုံး လက်ရာများကို ဘဂ္ဂဒတ်သို့ ပို့ဆောင်ခဲ့ကြသည်။

မူဆိုးလ်ပြတိုက်တွင် တာဝန်ထမ်းဆောင်ခဲ့ကြသူများကတော့ ယခုအချိန်အထိ ထိခိုက်ဒဏ်ရာရခြင်းမရှိဘဲ မူဆိုးလ်၌ပင် ဆက်ရှိနေသည်။ IS အဖွဲ့သားများက ပြီးခဲ့သည့်နှစ် ဇွန်လအတွင်း ပြတိုက်အား သိမ်းပိုက်ပြီးနောက်ပိုင်း ၎င်းတို့မှာ မိမိတို့၏ နေအိမ်တွင်သာ နေထိုင်နေကြ ကာ ထိုပြတိုက်အား စောင့်ရှောက်နေသည်ဟု ဆိုသည်။

“အီရတ်ပြည်သူအားလုံးနဲ့ မူဆိုးလ်မြို့ခံတွေတောင်မှ ဒီအတွက် ဆန္ဒပြချင်ကြပါတယ်။ ဒါပေမယ့် သူတို့မှာ စွမ်းအား မရှိပါဘူး။ သူတို့ ဆန္ဒပြဖို့ အပြင်ထွက်ပြီဆိုရင် သူတို့ အသတ်ခံရမှာပါ” ဟု ဒို့စ်ဟန်က ထပ်လောင်းပြောကြားခဲ့သည်။

ယဉ်ကျေးမှုအား ဖျက်ဆီးခြင်း

IS က ၎င်းတို့ သိမ်းပိုက်ထားသောဒေသ၏ မြို့အဖြစ် ကြေညာထားသော မူဆိုးလ်မှာ အစဉ်အလာအရ ကုန်သွယ်ရေးနှင့် ယဉ်ကျေးမှု အချက်အခြာမြို့ဖြစ်ပြီး ရှုပ်ထွေးလှသည့် အီရတ်ရှိမြို့များထဲမှ တစ်မြို့ဖြစ်ကာ ဘာသာရေး မတူကွဲပြားမှုနှင့်ပတ်သက်၍ အညီညွတ်ဆုံး မြို့လည်းဖြစ်သည်။

“အီရတ်ရဲ့ အကောင်းဆုံး ဂီတပညာရှင်တွေက မူဆိုးလ်မှာ မွေးတာပါ။ ဒါတင်မကသေးဘဲ အရေးအပါဆုံး သမိုင်းပညာရှင်တွေ၊ ပထမဆုံးအမျိုးသမီး တရားသူကြီး စတာတွေဟာလည်း မူဆိုးလ်မြို့က လာတာပါ။ အီရတ်စစ်တပ်က အရာရှိအများအပြားနဲ့ နိုင်ငံ အုပ်ချုပ်သူတွေဟာလည်း မူဆိုးလ်ကလာတာပါ။ အီရတ်ရဲ့ ယဉ်ကျေးမှုနဲ့ အီရတ်ရဲ့ သမိုင်းမှာဆိုရင် မူဆိုးလ်ဟာ အရေးပါတဲ့ မြို့ပါပဲ” ဟု အမျိုးသားစာကြည့်တိုက်၏ ဒါရိုက်တာဖြစ်သူ ဆအာ့ဒ် အက်စ်ကန်ဒါက ပြောကြားခဲ့သည်။

မူဆိုးလ်မြို့ပြတိုက်တွင် အဆိုပါ ရုပ်တုများအား ဖျက်ဆီးသည့် ဗီဒီယို မထုတ်ပြန်ခင် ရက်နည်းငယ်အရင်က ထိုအုပ်စုမှာ မူဆိုလ်းမြို့ရှိ စာကြည့်တိုက်ကိုလည်း မီးရှို့ဖျက်ဆီးခဲ့ကြသေးသည်။

အလ်-မွန်တာနာဘီလမ်းအနီးရှိ ယာယီဘဂ္ဂဒတ်ပြတိုက်တွင် စနေတနင်္ဂနွေနေ့များ၌ မိသားစုများက ပြတိုက်အတွင်းရှိ ခန်းမတွင် အက်ဆီရီယန်နှင့် ဆူမားရီးယန်း အနုပညာလက်ရာများ၏ အဖြူအမဲဓာတ်ပုံကိုသာ ကြည့်ရှုခွင့်ရကြသည်။

ခါလ်ဒွန် ဆလ်မန်တစ်ယောက် မူဆိုးလ်တက္ကသိုလ်တွင် တက်ရောက်စဉ်က မူဆိုးလ်ပြတိုက်သို့ သွားရောက် လည်ပတ်လေ့ရှိခဲ့သည်။

“စဉ်းစားလို့ မရနိုင်လောက်အောင်ပါပဲ။ သူတို့ဟာ ကျွန်တော်တို့ရဲ့ ယဉ်ကျေးမှုကို ဖျက်ဆီးနေတာပါ။ ကျွန်တော်တို့ရဲ့ သမိုင်းကို ဖျက်ဆီးနေတာပါ” ဟု ၎င်းက ပြောကြားခဲ့သည်။

Source: Al Jazeera
မိုးဝေ ဘာသာပြန်ဆိုသည်။