ဂျပန်နိုင်ငံရှိ မြို့တစ်မြို့တွင် ဓားထိုးမှုကြောင့် လူ ၅ ဦးသေဆုံး

မတ် ၉၊ ၂၀၁၅
M-Media

– ဂျပန်နိုင်ငံအနောက်ပိုင်း အာဝါဂျီရှီမာကျွန်းရှိ ရာဇ၀တ်မှုအဖြစ်နည်းသော ဆူမိုတိုမြို့ငယ်လေးတွင် လူတစ်ဦးက အိမ်နီးချင်းများအား ဓားဖြင့်ထိုးမှုကြောင့် လူ ၅ ဦး သေဆုံးခဲ့သည်ဟု သိရသည်။

ယနေ့တွင် ဖြစ်ပွားခဲ့ခြင်းဖြစ်ပြီး ရဲတပ်ဖွဲ့ဝင်များမှာ အိမ်တစ်အိမ်တွင် သတိလစ်နေသော အသက် ၅၀ ကျော်အရွယ်ရှိ အမျိုးသမီးနှစ်ဦးနှင့် ဒဏ်ရာအပြင်းအထန်ရနေသည့် အသက် ၆၀ ကျော်အရွယ် အမျိုးသားတစ်ဦး စုစုပေါင်း ၃ ဦးတို့ကို တွေ့ရှိခဲ့ရသည်။

ထိုနောက် ၎င်းတို့အား နီးစပ်ရာဆေးရုံသို့ တင်ပို့ခဲ့သော်လည်း နောက်ပိုင်းတွင် သေဆုံးသွားခဲ့သည်။ ထို့ပြင် အနီးအနားရှိ အိမ်တွင်လည်း အသက် ၈၀ ကျော် အမျိုးသားနှင့် အမျိုးသမီးနှစ်ဦးကို သေဆုံးသည်ကို ထပ်မံတွေ့ရှိခဲ့ရသည်။

တိုက်ခိုက်ခဲ့သူမှာ အသက် ၄၀ အရွယ်ရှိ အလုပ်လက်မဲ့တစ်ဦးဖြစ်သူ တာဆူဟီကို ဟီရာနိုဖြစ်ပြီး ရဲတပ်ဖွဲ့က ဖမ်းဆီးနိုင်ခဲ့သည်။ ဂျပန်မီဒီယာများကမူ ဟီရာနိုမှာ အခင်းဖြစ်ပွားရာ အနီးအနားတွင် အဘွားဖြစ်သူနှင့် နေထိုင်သူဖြစ်ပြီး သတ်ဖြတ်မှုကို ကျူးလွန်ခဲ့သည်ဟု ကနဦး ၀န်ခံထားသည်ဟု ဆိုသည်။

ဒေသခံများက ဟီရာနိုမှာ အိမ်အပြင်သို့ထွက်ခဲပြီး ငယ်ရွယ်စဉ် ကျောင်းနေကတည်းက လူ့အဖွဲ့အစည်းနှင့် သီးသီးခြားခြားနေထိုင်သူဖြစ်သည်ဟု ပြောကြားခဲ့သည်။

ထိုသို့ကျူးလွန်မှု၏ နောက်ကွယ်တွင် မည်သည့်အကြောင်းအရင်းရှိသည်ကို မသိရသေးသော်လည်း ရဲတပ်ဖွဲ့၏ မေးမြန်းမှုအရ ၎င်းမှာ ဟီကီကိုမိုရီ အခြေအနေတွင် နေထိုင်ခဲ့ရသည်ဟု ဟီရာနိုက ဆိုသည်။ ဟီကီကိုမိုရီ၏ အဓိပ္ပါယ်မှာ “ဖယ်ကျဉ်ခြင်း” ဖြစ်ပြီး မိဘများမှာ ၎င်းတို့၏ သားသမီးများအား ဆယ်ကျော်သက်နှောင်းပိုင်းနှင့် ၂၀ ကျော်အရွယ်များတွင် လူ့အဖွဲ့အစည်းနှင့် အဆက်အသွယ်ဖြတ်တောက်ကာ အိမ်ရှိ အခန်းကျဉ်းထဲတွင် နှစ်ပေါင်းများစွာ နေထိုင်စေသည့် အခြေအနေမျိုးဖြစ်သည်။

Ref: abc