Twitter တွင်ဆဲရေးခဲ့သည့် ကာလ်တန်ကိုးလ် ဒဏ်ငွေ ရိုက်ခံရ

မတ် ၁၃၊ ၂၀၁၅
M-Media

– ဘောလုံသမားတစ်ယောက်အနေဖြင့် မသင့်တော် မလျော်ကန်သည့် မှတ်ချက်မျိုးကို ဆိုရှယ်မီဒီယာတွင် ရေးသားခဲ့သည့် ၀က်စ်ဟမ်းတိုက်စစ်မှူး ကာလ်တန်ကိုးလ်အား FA က ပေါင် ၂၀၀၀၀ ဒဏ်ငွေရိုက်ခဲ့သည်ဟု သိရသည်။

ပြီးခဲ့သည့်လက စပါးအသင်းနှင့် ကစားခဲ့သည့်ပွဲတွင် ၀က်စ်ဟမ်းမှာ ၂ ဂိုးပြတ်ဖြင့် ဦးဆောင်နိုင်ခဲ့သော်လည်း ၂ ဂိုးပြန်ပေးလိုက်ရကာ သရေကျသည့် ပွဲအပြီးနောက် ဖြစ်ပွားခဲ့ခြင်းဖြစ်ပြီး ၎င်း၏ Twitter စာမျက်နှာတွင် ပေးထားသော ပြိုင်ဘက်ပရိတ်သတ်တစ်ယောက်၏ မှတ်ချက်ကို ကာလ်တန်ကိုးလ်က ဆဲရေးတိုင်းထွာကာ ပြန်လည် တုံ့ပြန်ခဲ့ခြင်းဖြစ်သည်။

ထိုအပြုမှုမှာ FA ၏ စည်းမျဉ်းစည်းကမ်းများဖြင့် ငြိစွန်းသည်ဟုမှတ်ယူသောကြောင့် FA က ထိုကဲ့သို့ အရေးယူခဲ့ခြင်ဖြစ်ပြီး ယမန်နေ့က ထုတ်ပြန်သော အစီရင်ခံစာတွင် “အနာဂတ်အပြုအမူအတွက် ပြင်းပြင်းထန်ထန် သတိပေးခံထားရတဲ့ ၀က်စ်ဟမ်းကစားသမား (ကာလ်တန်ကိုးလ်) က သူ့ရဲ့ Twitter မှာရေးတဲ့မှတ်ချက်ဟာ FA ရဲ့ ဥပဒေ E3 ကို ချိုးဖောက်တဲ့ ဆဲရေးသော သို့မဟုတ် စော်ကားသော၊ သို့မဟုတ် မသင့်လျော်သော သို့မဟုတ် ပြိုင်ပွဲအား မလေးမစားဖြစ်စေသော မှတ်ချက်ဆိုတာ ၀န်ခံခဲ့ပါတယ်” ဟု ဖော်ပြခဲ့သည်။

ကာလ်တန်ကိုးလ်မှာ ဆိုရှယ်မီဒီယာတွင် မှတ်ချက်ရေးခဲ့မှုအတွက် အရေးယူခံရခြင်းမှာ ယခုအချိန်သည် ပထဆုံးအကြိမ်မဟုတ်ဘဲ ၂၀၁၁ ခုနှစ် မေလအတွင်းက အင်္ဂလန်နှင့် ဂါနာတို့၏ ခြေစမ်းပွဲအပြီး လူမျိုးရေး ထိခိုက်စေသော မှတ်ချက်ကို Twitter တွင်ရေးသားခဲ့သည့်အတွက် ဒဏ်ငွေရိုက်ခဲ့ရပြီး ၎င်းက နောက်ပိုင်းတွင် ပြန်လည်တောင်းပန်ခဲ့သည်။

Ref: Goal.com