မွတ်စလင်ဂုဏ်ဆောင် ပါမောက္ခ ဒေါက်တာအောင်ဇော် ဂုဏ်ပြုပွဲမှသည်

မတ် ၁၄ ၊ ၂၀၁၅
M-Media
K- (ရန်ကုန်တက္ကသိုလ်) ရေးသည်။

မြန်မာမွတ်စလင် သမိုင်းမှတ်တိုင်တွင်ကျန်ရစ်မည့် တိုင်းရင်းမွတ်စလင်စာပြုစာဆို ပုဂ္ဂိုလ်ကျော်များ စာအုပ်ကို ရေးသားပြုစုသူ စာရေးဆရာ သုတေသနပညာရှင် ပါမောက္ခ ဒေါက်တာအောင်ဇော် (ကိုဇော် ရန်ကုန်တက္ကသိုလ်) အားဂုဏ်ပြုပွဲ အခမ်းအနားကို ၂၀၁၅ ခုနှစ် မတ်လ (၄) ရက်နေ့တွင် နယူးဧရာဟိုတယ် ရန်ကုန်မြို့တွင် ကျင်းပခဲ့သည်။

မြန်မာစာပေသမိုင်း မှတ်တိုင်တွင် ကျန်ရစ်မည့် စာပေလက်ရာဟုဆိုရပါမည်။ ဤစာအုပ်မှာ အမျိုးသာစာပေဆု ရွေးချယ်ရာတွင် ပါဝင်ခဲ့သော်လည်း စာဆိုမှာ အစ္စလာမ်ဘာသာဝင်ဖြစ်နေသဖြင့် ထင်ပေါ်ပေငြားလည်း ရွေးချယ်မခံခဲ့ရပေ။

ဤစာပြုစာဆိုပုဂ္ဂိုလ်ကျော်များ စာအုပ်သည် သက္ကရာဇ် (၁၇၄၃ ) ခု သွေးသောက်ကြီး ဇေယျရန်ကင်းဦးတုံးဖြူမှသည် ခရစ်သက္ကရာဇ် (၁၉၄၈) ခု သတင်းထောက်သောင်းညွှန့် အထိ စာပြုစာဆိုပုဂ္ဂိုလ်ကျော် (၁၂၂) ဦး၏သမိုင်းကို ဖတ်ရသည်။

ဤဂုဏ်ပြုပွဲကိုစီစဉ်သူ မြန်မာစာဌာန ရန်ကုန်တက္ကသိုလ် အနောက်ပိုင်းတက္ကသိုလ် ပါမောက္ခ ဌာနမှူး ဒေါက်တာစိုးနိုင်က “ဆရာ၏စာအုပ်တွင် အချက်အလက်စုံ၊ အကြောင်းအရာစုံကို အစုံအလင်ဖတ်ရသောအခါ ရောင်စုံပန်းစကြာင်္ မှန်ပြောင်းကိုကြည့်ရသကဲ့သို့ ဝမ်းသာပီတိဖြစ်မိပါသည်” ဟု ဥဒါန်းချီးကျူးထားသည့် စကားကားအမှန်ပင်။

အစ္စလာမ်သာသနာဝင်တို့၏ အိမ်တိုင်းတွင်ရှိထားသင့်သည့် စာအုပ်ပင်။ ပြည်ထောင်စုဖွား တိုင်းရင်းသားများအားလုံး လက်ဆင့်ကမ်းဖြန့်ဝေဖတ်ရှုရမည့် စာအုပ်ဖြစ်ပေသည်။

မောင်ခင်မင် (ဓနုဖြူ) ကလည်း သုတေသနရလာဒ်ကောင်းတစ်ခုဟူသော ခေါင်းစဉ်ဖြင့် စာဆိုဒေါက်တာအောင်ဇော်အား ချီးကျူးဂုဏ်ပြုစကား မြွတ်ကြားခဲ့ရာတွင်  “ပါမောက္ခဒေါက်တာအောင်ဇော် ရေးသားပြုစုသော တိုင်းရင်း မွတ်စလင်မ် စာပြုစာဆို ပုဂ္ဂိုလ်ကျော်များကျမ်းကို ဖတ်ပြီးသည်နှင့် ကျွန်တော့်စိတ်ထဲတွင် ခံစားချက်နှစ်မျိုး ပေါ်ပေါက်လာသည်။ ခိုင်ခိုင်မာမာ အကိုးအထောက်ပြုရမည့် စာပေအတ္တိုပ္ပတ္တိကျမ်းကောင်းတစ်ကျမ်း ပေါ်ပေါက်လာသည့်အတွက်ကြောင့်ဖြစ်ပြီး အံ့သြခြင်းမှာ ပြုစုသူ၏ ကြိုးစားအားထုတ်မှု အတိုင်းအဆကို ထင်းခနဲမြင်တွေ့လိုက်ရသောကြောင့် ဖြစ်သည်”ဟု ဆိုသည်။

မအူပင်တက္ကသိုလ် မြန်မာစာပါမောက္ခ ဌာနမှူးအဖြစ်မှ သူ့အနားယူပြီးနောက် မှတ်မှတ်ရရ၊ လုံးလုံးခဲခဲ အကောင်အထည်ပေါ်လာသော အားထုတ်မှုမှာ “တိုင်းရင်းမွတ်စလင်မ် စာပြုစာဆို ပုဂ္ဂိုလ်ကျော်များ” ဟူသော ဤကျမ်းကြီးပင်ဖြစ်ပါသည်။

ထိုသို့သော ပုဂ္ဂိုလ်များ ဤမျှအရေအတွက်ရှိကြောင်း ဤကျမ်းကို ဖတ်ရမှသိခွင့်ရပြီး အံ့သြရသည်။ အရေအတွက်မှာ ၁၂၂-ဦးအထိ ရှိသည့်အတွက် အံ့သြရခြင်းဖြစ်သည်။ ထိုပုဂ္ဂိုလ်များမှာ ကဗျာစာဆိုများ၊ ဝတ္တုစာဆိုများ၊ အထ္တုပ္ပတ္တိစာဆိုများ၊ ကျမ်းပြုပုဂ္ဂိုလ်များ၊ သုတေသီများ၊ ဂီတစာဆိုများ၊ ပန်းချီကာတွန်းဆရာများ၊ ရုပ်ရှင်ပညာသည်များ၊ နိုင်ငံရေးခေါင်ဆောင်များ၊ ဘာသာရေးခေါင်းဆောင်များ၊ ပညာရေးခေါင်းဆောင်များ စသည်ဖြင့် နယ်ပယ်အမျိုးမျိုးမှ ပုဂ္ဂိုလ်များဖြစ်သည်။ ထိုပုဂ္ဂိုလ်အားလုံး တူညီသော အချက်မှာ ကိုးကွယ်သည့်ဘာသာ တူညီခြင်းနှင့် စာပေများ ရေးသားပြုစုခြင်းပင်ဖြစ်သည်။ ထို့ကြောင့် ဤကျမ်းတွင် “တိုင်းရင်းမွတ်စလင်မ် စာပြုစာဆို ပုဂ္ဂိုလ်ကျော်များ” အဖြစ် စုစည်းမိခြင်းဖြစ်သည်။

ဤကျမ်းကိုဖတ်ရသောအခါ ကျွန်တော်ယခင်က လုံးဝမသိသော စာပြုစာဆိုများ၏ အကြောင်းနှင့် အတန်အသင့်သာသိသော စာပြုစာဆိုများ၏အကြောင်းကို ထိုစာဆိုများ၏ လက်ရာများနှင့်တကွ အကျယ်တဝင့်သိခွင့်ရသည့်အတွက် အသိအမြင်တိုးပွားရပါသည်။ သာဓကအားဖြင့် ဘင်္ဂလာသွားမှတ်တမ်းလကာင်္ကို ရေးသူဟုသော ဦးနုမှာ ဘိုးတော်ဘုရား လက်ထက်တွင် မဇ္ဈိမဒေသို့သွား၍ ကျမ်းဂန်စာပေများကို ရှာဖွေစုဆောင်းခဲ့သော ရွှေတောင်သာဂသူဘွဲ့ရ စာဆိုတော်ကြီးပင်ဖြစ်ကြောင်း သိရသည့်အတွက် စာပေကွင်းဆက် ထင်ရှားလာရပါသည်။ ယခင်ကမသိသော စာဆိုတော်ဦးရွှေတောင်အကြောင်းလည်း လက်ရာများနှင့်တကွ သိလာရပါသည်။ ပျို့ကဏ္ဍတွင် “မေ့အ်ရာဂ်ျ ခန်းပျို့” “ယူစွတ်ကစွာပျို့” စသောပျို့များ အကြောင်းသိရသည်မှာလည်း စိတ်ဝင်စားစရာကောင်းပါသည်။ ဝတ္တုကဏ္ဍတွင် မောင်မင်းကျော်ဝတ္တု၊ ယာတင်တာယီဝတ္တုတော်ကြီး၊ ယူစွတ်နဗီသခင်ကစ်ဆွာ ဝတ္တုတော်ကြီး၊ ပသီပုံပြင်ဝတ္တု၊ ယူဆွတ်ဇိုလိုင်ခါ မင်းသား မင်းသမီးဇာတ်နိပါတ် ဝတ္တုတော်ကြီး၊ မိုဟမ္မကိအလိုင်ဟစ္စလာမ် ဝတ္တုတော်ကြီး စသည့်ဝတ္တုများအကြောင်း သိရခြင်းမှာ မြန်မာသမိုင်းအတွက် တန်ဖိုးကြီးမားပါသည်။ ပသီပုံပြင်ဝတ္တုနှင့် ဟာတင်တာယီ ဝတ္တုတို့မှလွဲ၍ ကျန်ဝတ္တုအမည်များကို ဤကျမ်းကိုဖတ်ရမှ သိရခြင်းဖြစ်ပါသည်။ သာဓကအချို့ကို ဖော်ပြခြင်းဖြစ်ပါသည်။ ယခင်သိပြီးသား စာဆိုများနှင့် စာအုပ်အကြောင်းကိုလည်း ကျယ်ကျယ်ပြန့်ပြန့် သိခွင့်ရသည့်အတွက် အကျိုးရှိခဲ့ပါသည်။

ကျမ်းပြုသူသည် စာပြုစာဆိုပုဂ္ဂိုလ်ကျော်များ၏ စာဆိုများကို အကျယ်တဝင့် သုံးသပ်ပြခြင်းမျိုးမှသည် တို့ကာထိကာ မိတ်ဆက်ပေးခြင်းမျိုးအထိ ရရှိသည့် သုတေသနအထောက်အထားအရ ပမာဏအရ ရေးသားပြုစုထားကြောင်း တွေ့ရသည်။ ပညာရှင်အစဉ်အဆက်ရေးသားပြုစုခဲ့ကြသော မြန်မာစာပေသမိုင်းများ၊ စာဆိုတော် အတ္ထိုပတ္တိများတွင် မပါဝင်သေးသည့် ဤကျမ်းတွင် တစ်စုတစ်စည်းတည်း ရေးသားထားခြင်းမှာ ကျမ်းပြုသူ၏ ကြိုးပမ်းအားထုတ်မှုကို သက်သေပြုရာရောက်သကဲ့သို့ စာပေအတ္ထိုပတ္တိကျမ်းတစ်ကျမ်းအဖြစ် မြန်မာစာပေလောကကို အင်အားကောင်းစွာ အားဖြည့်ပေးရာလည်ူ ရောက်ပါသည်။

ဒေါက်တာအောင်ဇော်၏ “တိုင်းရင်းမွတ်စလင်မ် စာပြုစာဆိုပုဂ္ဂိုလ်ကျော်များ” ကျမ်းသည် ယခင်က မဖော်ထုတ်ရသေးသော အသစ်တွေ့ရှိချက်များကို ဖော်ထုတ်ခြင်း၊ ယခင်က ဖော်ထုတ်ခဲ့သောအချက်များကို ဖြည့်စွက်ပေးခြင်းဟူသော ဂုဏ်ရည်များနှင့် ပြည့်စုံသည့် သုတေသနကောင်းရလဒ်တစ်ခုဖြစ်သည်ဟု ဆိုပါရစေ ဟု မောင်ခင်မင် (ဓနုဖြူ) ကဆိုထားသည်။

ပါမောက္ခဒေါက်တာအောင်ဇော် ကိုဇော် (ရန်ကုန်တက္ကသိုလ်) ကို ၁၉၄၄ ခုနှစ်တွင် ရန်ကုန်တိုင်း ကွမ်းခြံကုန်းမြို့၌ သမာဓိမြို့ဝန် ဦးသိန်းထွန်း၊ အမိဒေါ်သိန်းရှင်တို့မှ ဖွားမြင်သည်။ ညီအစ်ကို မောင်နှမ (၁၃) ဦးရှိသည်။

ဘာသာတရားနှင့်စာပေ နှစ်ပါးလုံးသည် ယဉ်ကျေးမှု၏သင်္ကေတများဖြစ်ကြသည်။ ဆရာသည် မိမိယုံကြည်ကိုးကွယ်ရာ အစ္စလာမ်ဘာသာတရား၏ အသိအလိမ္မာ စကားတို့ကို ကူညီမျှဝေရင်း စာပေတန်ဖိုးကိုပါ ထိန်းသိမ်းမြှင့်တင်ပေးသူပင်။ အမှန်ပင် ဂုဏ်ပြုထိုက်သည်သား။

“ပညာရှိများကို ဂုဏ်ပြုပေးခြင်းသည် ငါတမန်တော် မုဟမ္မဒ် (ဆွ) အားဂုဏ်ပြုခြင်းမည်၏” ဟူသော ဟဒီးဆ်တော်ကို ဤဂုဏ်ပြုပွဲမှ အမှန်တကယ် အကောင်အထည် ဖော်လိုက်ခြင်းပင်။

အမိမြေနှင့် ဝေးရာအရပ်တွင် ရောက်နေကြသော အစ္စလာမ်ဘာသာဝင်တို့မှာလည်း ဤတာဝန်ကြီးရှိသည်ကိုတော့ မမေ့စေချင်ပါ။

အမေ့ခံစာဆိုများ၏ ဂုဏ်ပြုပွဲများကို ဆက်တိုက်ခြိမ့်ခြိမ့်သဲကျင်းပပေးသွားမှသာလျှင် မိမိတို့၏ ဇာတိပုညဥာဏ်မာန (Identity) ကို ပိုမိုထွန်းတောက်လာပေမည်။

K (ရန်ကုန်တက္ကသိုလ်)