အမေ တစ်ယောက်ရဲ့ဘဝ

မတ် ၁၉ ၊ ၂၀၁၅
M-Media
နှင်းဆီခင်ရေးသည်။

မိန်းမသားတစ်ယောက်ရဲ့ဘဝတစ်ခုမှာ သမီးပြီးတော့အမေ၊ အဲဒီကနေတစ်ဆင့် အဘွား စသည်ဖြင့် ကူးပြောင်းကြတာ ဖြစ်ရိုးဖြစ်စဉ် တစ်ခု။ ဒါပေမယ့် လက်တွဲဖော်မလို တစ်ကိုယ်တည်း ကျင်လည်နေသူတွေအတွက်တော့ တစ်မျိုးပေါ့။ သမီးကညာမို့ အချိန်မလင့်ချင်တဲ့ စိတ်ရင်းစေတနာကြောင့် လူကြီးမိဘတွေက သင့်ရာတော်ရာ အိမ်ထောင်ဖက်တစ်ဦးဦးကို ရွေးချယ်ပေးတာလည်းရှိတယ်။ တိုးတက်ခေတ်မှီပါတယ်ဆိုတဲ့ ဒီကနေ့ အိုင်တီခေတ်ကြီးထဲမှာလည်း တချို့တချို့တွေက အမေရှာပေးသူကိုပဲ ခေါင်းညိမ့်ရွေးချယ် တတ်ကြပါသေးတယ်။ အမေရွေးပေးတာပဲဖြစ်ဖြစ် နှလုံးသားရဲ့ရင်ခုန်ခံစားတာကြောင့်ပဲဆိုဆို အိမ်ထောင်သည် ဘဝကို ရောက်ရှိခဲ့ကြတယ်။

သားသမီးငယ်လေးတွေ ပွားစည်းလာတဲ့အခါ အမေဆိုတဲ့ ဝိသေသနတစ်ခုကို ပိုင်ဆိုင်ခွင့်ရသည်ပဲပေါ့။ အမေရယ်လို့ဖြစ်လာတဲ့အခါ အတွေးအမြင်နှင့် အသိစိတ်တွေဟာ တဖြည်းဖြည်းချင်းမဟုတ်ဘဲ ဗြုန်းစားကြီးဆိုသလို ပြောင်းလဲသွားတတ်တယ်။ သားကိုသခင်လို့ ဆိုထားတာမို့ အရာရာမှာ သားသမီးတွေအတွက်ပဲ ဦးစားပေးချင်စိတ်ဟာ အမေတိုင်းရဲ့နှလုံးသားမှာ အလိုလိုဖြစ်လာတတ်တာကိုး။ ကိုယ့်ရင်ထဲမှာ အကြာကြီးကြာအောင်ထားပြီးမှ လူ့လောကထဲကိုပို့ပေးခဲတဲ့ ဒီသား၊ သမီး မချစ်ဘယ်သူ့ရှိပါ့မလဲနော်။ ချစ်သမျှတုန်နေအောင်၊ ရူးလောက်အောင်ချစ်ရတာလေ။ အမေကသားသမီးတွေကိုချစ်တာ ဘွဲ့တွေ ဂုဏ်တွေ၊ ငွေကြေးဓနတွေ ဘယ်လိုပဲကွာခြားပါစေ အချစ်စိတ်က တစ်သားတည်း အဆင့်ခွဲလို့ကိုမရပါဘူး။ ငွေကြေးချို့တဲ့တဲ့ မိန်းမသားတစ်ယောက်အတွက် သူမရဲ့ရင်သွေးအပေါ်ထားတဲ့အချစ်က အခြားသူတွေလောက်တော့ မလျော့တာအသေချာပဲပေါ့။ ထိတွေ့ကိုင်တွယ်နိုင်စွမ်းမရှိပေမယ့် အမေနှင့်သားသမီးကြားက သံယောဇဉ်ကြိုးဆိုတာ ခိုင်မှခိုင်။

အမေတစ်ယောက်ကပြောဖူးတယ်။ သူမရဲ့အဝေးရောက်သမီးလေးက Message လေးတစ်ခုပို့လိုက်တယ်။
“အမေ… အမေ့ကိုသမီးချစ်တယ်” တဲ့။
စကားလုံးနည်းနည်းလေးပေမယ့် ရင်ထဲ ထိ လောက်အောင် ထွင်းဖောက်သွားလိုက်တာ။ ပြီးတော့ ရှိသေးတယ်။ သမီးကဆက်ပြီးရေးထားတာက

မေ နှင့် ဖေ
သမီးသက်တမ်းတစ်လျှောက်လုံး မေနှင့်ဖေ နှစ်ဦးစလုံးကို ဘယ်တော့မှမမေ့ဘူး။ ရင်ထဲအမြဲရှိနေခဲ့ပါတယ်။ သမီးဘဝအနာဂတ်လှပဖို့ စီမံကိန်းချပြီး တအားကြိုးစားပေးခဲ့ကြတယ်နော်။ အစစအရာရာ ချိုးခြံချွေတာခဲ့တာတွေ သမီးသိတာပေါ့။
မေနှင့်ဖေရယ်   သမီးရဲ့စာတိုလေးဟာ သတိရနေပါတယ်ဆိုတဲ့ အမှတ်အသားလေးတစ်ခုပါ။ သမီးဟာ မေတို့ဖေတို့ကို သိပ်ချစ်တဲ့ သမီးဆိုတာ ယုံပါနော်။

အဲဒီအမေက သူ့သမီးရေးလိုက်တဲ့စာတိုလေးအတွက် အားရကျေနပ်ဖြစ်ခဲ့ရတယ်လို့ ပြောပါတယ်။

တကယ်တမ်းပြောရရင် အမေဆိုတာ မိသားစုလေးတစ်ခုအတွက် မရှိမဖြစ်လိုအပ်တဲ့ အိမ်ထောင်ရဲ့အရှင်သခင်မပဲလို့ ဆိုရမယ်။ (မိသားစု စားဝတ်နေရေးကို အဓိကတာဝန်ယူတဲ့အဖေက အိမ်ဦးနတ်ဆိုရင်ပေါ့) အမေတစ်ယောက်ရှိခြင်း မရှိခြင်းဟာ အဲဒီမိသားစု အတွက် တကယ့်ကိုအရေးပါတယ်ဆိုတာတော့ လက်တွေ့သိနိုင်တာမျိုး နွေးထွေးတဲ့အမေ့ရင်ခွင်ကို တမ်းတမ်းတတဖြစ်ကြတာ မဆန်းပါဘူး။

အနေတည်ပြီးရှိန်ရတဲ့ (များသောအားဖြင့်) အဖေထက် အမေ့နားကပ်ပြီး တိုးတိုးမွတ်မွတ်နေဖြစ်ကြတယ်။ လိုအပ်တာမှန်သမျှ အမေ့အနားကပ်ပြီး ပူဆာရသလို အဖေ့ကို တိုက်ရိုက်မချဉ်းကပ်ဝံ့တာမှန်သမျှ အမေ့ကိုပဲနားပူနားဆာလုပ်ရရော။ အမေဆိုတာ မျိုးကလည်း သည်းခံနိုင်စွမ်းရှိတဲ့ အံ့သြစရာကောင်းလောက်တဲ့ မိန်းမသားတစ်ဦးပဲပေါ့။ လူပုံနွဲ့ပေမယ့် သားတွေသမီးတွေ အတွက် ခြင်္သေ့လိုရဲရင့်တဲ့ နှလုံးသားပိုင်ရှင်မျိုးပေါ့။

အမေတစ်ယောက်ဟာ သူငယ်ငယ်က ကြီးပြင်းလာခဲ့ရတဲ့ ဘဝအတွေ့အကြုံကို အရင်းခံပြီး သားသမီးလေးတွေအလှည့်မှာ အကောင်းဆုံးဖြစ်အောင် ဖြည့်ဆည်းပေးနိုင်ပြီး သားသမီးတွေရဲ့ရင်ကို (မပြောဘဲနဲ့) ထွင်းဖောက်မြင်နိုင် သိနိုင်တာအမေပဲ၊ သားသမီးတွေကို စိတ်ဓာတ်ခွန်အားပေးနိုင်တာလည်း ဒီအမေပဲ။ အားငယ်နေချိန်မှာ အမေ့ရင်ခွင်ကိုတိုးဝင်ပြီး ငိုလိုက်ရရင် သောကမှန်သမျှ ပြေပျောက်သွားအောင် ချော့မော့နှစ်သိမ့်ပေးနိုင်တာလည်း ဒီအမေပဲပေါ့။

တချို့ ထက်မြတ်ကျော်ကြားတဲ့ မိန်းမသားတွေဟာ သူတို့ရဲ့မိခင်ဘဝကို သိပ်ပြီးတန်ဖိုးထားဂုဏ်ယူကြတယ်။ လူလွတ်ဘဝကထက် အိမ်ထောင်ရှင်မိခင်ဘဝမှာ လောကကြီးအပေါ် ​ရှုထောင့်အမြင်တွေအများကြီး ကွာခြားသွားတယ်။ ပိုပြီးရင့်ကျက်တည်ငြိမ်လာတယ်။ သားသမီးတွေရဲ့ စံထားလောက်တဲ့ အမေတစ်ယောက်ဖြစ်အောင် အစွမ်းကုန်ကြိုးစားသလို သူတို့ရဲ့သားသမီးလေးတွေအတွက်လည်း အမြဲဂုဏ်ယူတယ်။ အချစ်ဆိုးချစ်သလို နားလည်စာနာနိုင်ဆုံးသူတစ်ဦးဖြစ်အောင်နေတယ်။

သားသမီးလေးတွေကို နားဝင်အောင်သွန်သင်ဆုံးမတတ်သလို  လောကကြီးကို အလှဆင်တဲ့လူသားတစ်ယောက်ဖြစ်အောင် သိမ်သိမ်မွေ့မွေ့လေး ဆွဲဆောင်နိုင်တာ မိခင်ကောင်းတစ်ဦးရဲ့ အရည်အချင်းလို့ ပြောပါရစေ။ အမေဟာ မိသားစုဝင်တွေအတွက် အနီးဆုံးနှင့်အချစ်တတ်ဆုံး သူတစ်ဦးအဖြစ် တစ်သက်လုံး ရှိသွားမှာပါ။ အမေရှိနေခြင်းဟာ ကိုယ့်အတွက်ကြီးမားတဲ့ ခွန်အားတစ်မျိုးကို ပိုင်ဆိုင်ခွင့်ရတာနှင့် အတူတူပါပဲ။ လောကကြီးမှာ တိုးဝင်လှုပ်ရှားရုန်းကန်ဖို့ မဝံ့မရဲမဖြစ်အောင် အဓိကတွန်းအားပေးနေတာ၊ အမေရဲ့အားမာန်ပါလို့ဆိုရင်….

စာဖတ်သူမှာ “အမေ” ဆိုတာ သက်ရှိထင်ရှားရှိနေသလား။ ဒါဆိုရင် ကံကောင်းလိုက်တာ။

နှင်းဆီခင်