ပြင်သစ်ရှိ အိမ်တစ်အိမ်တွင် လသားအရွယ် ကလေးအလောင်းများ တွေ့ရှိ

မတ် ၂၀၊ ၂၀၁၅
M-Media

– ပြင်သစ်နိုင်ငံ အနောက်တောင်ပိုင်း မြို့တစ်မြို့ရှိ အိမ်တစ်အိမ်တွင် ရဲတပ်ဖွဲ့ဝင်များက လသားကလေးငယ် ၅ ဦး၏ အလောင်းများကို တွေ့ရှိခဲ့ရပြီး နှစ်ပေါင်းများစွာအတွင်း နို့စို့ကလေးငယ်သတ်မှုတွင် အဆိုးရွားဆုံး အဖြစ်အပျက်လည်း ဖြစ်သည်။

ဘော့ဒိုးမြို့အနီး လူချက်စ်မြို့တွင် ကြာသာပတေးနေ့ နံနက်ပိုင်းက အသက် ၄၀ အရွယ် အမျိုးသားတစ်ဦး ကိုင်ဆောင်လာသော ရေနွေးအိပ်အတွင်း မွေးကင်းစကလေးငယ်၏ အလောင်းကို တွေ့ရှိခဲ့ရပြီးနောက် ရဲတပ်ဖွဲ့ဝင်များက လိုက်လံရှာဖွေရာမှ နောက်ထပ် လသားကလေးငယ် ၄ ဦး၏ အလောင်းများကို ၎င်း၏နေအိမ်ရှိ ရေခဲသေတ္တာထဲတွင် တွေ့ရှိခဲ့ရခြင်းဖြစ်သည်။

အဆိုပါ အမျိုးသား၏ အသက် ၃၅ နှစ်အရွယ် ဇနီးသည်မှာ အဆိုနေအိမ်တွင်ပင် မီးဖွားခဲ့သည်ဟု ယူဆရပြီး ထိုအမျိုးသားအား ထိန်းသိမ်းထားကာ အမျိုးသမီးကိုမူ ဆေးစစ်မှုများ ပြုလုပ်ရန်အတွက် ဆေးရုံသို့ ပို့ဆောင်ခဲ့ကာထိုအမျိုးသမီးတွင် စိတ်ပိုင်းဆိုင်ရာ ချို့ယွင်းမှုများ မရှိဟု ဆိုသည်။ ကလေးငယ်များမှာ အသက်ရှင်လျက်မွေးဖွားခဲ့ခြင်း ဟုတ်၊ မဟုတ်ကို ယနေ့တွင် စစ်ဆေးသွားမည်ဖြစ်သည်။ ၎င်းတို့ ဇနီးမောင်နှံ ၂ ဦးတွင် အသက် ၁၃ နှစ်နှင့် ၁၅ နှစ်အရွယ် သမီး ၂ ဦးလည်း ရှိနေသည်။

ယခုဖြစ်စဉ်မှာ ပြင်သစ်ရှိ ကလေးငယ်များ သတ်ဖြတ်ခံရမှုသမိုင်းတွင် အဆိုးဆုံးဖြစ်ပြီး ၂၀၁၀ ခုနှစ်ကလည်း မိခင်တစ်ဦးက ၎င်းမှာ မွေးကင်းစ ကလေးငယ် ၈ ဦးကို အသက်ရှူကြပ်အောင်လုပ်၍ သတ်ဖြတ်ခဲ့သည်ဟု ၀န်ခံခဲ့သည်။

၂၀၀၉ ခုနှစ်က ပြင်သစ်မိခင်တစ်ဦးမှာ တောင်ကိုရီးယားရှိ နေရာတစ်ခုတွင် လျှို့ဝှက်စွာမွေးခဲ့သည့် မွေးကင်းစ ယောက်ျားလေး ၂ ဦးအား အသက်ရှူကြပ်အောင်လုပ်၍ သတ်ဖြတ်ခဲ့ပြီး ပြင်သစ်၌ မွေးသော တတိယကလေးကိုလည်း သတ်ဖြတ်ကာ ရေခဲသတ္တောထဲတွင်ထည့်ထားခဲ့သည်ဟု ရဲတပ်ဖွဲ့က စုံစမ်း သိရှိခဲ့သည်။

Ref: Aljazeera