မြန်မာနိုင်ငံတွင် အမျိုးသားရေးဝါဒီများ အမုန်းတရား မီးထိုးပေးနေ

မတ်လ ၂၁ ၊ ၂၀၁၅
M-Meida

၂၀၁၃ ခုနှစ် နိုဝင်ဘာ ၁၅ရက်နေ့ တွင် ပြုလုပ်ခဲ့သည့် OIC ဆန္ဒပြပွဲတွင် အစ္စလာမ်ဘာသာကို စော်ကားသည့် အသုံးအနှုန်းများ အသုံးပြုခဲ့ပုံ

– စာရေးဆရာတစ်ယောက်ဖြစ်ပြီး အဓိက အတိုက်အခံပါတီဖြစ်သော အမျိုးသားဒီမိုကရေစီအဖွဲ့ချုပ်မှ ပြန်ကြားရေး တာဝန်ရှိသူ ဦးထင်လင်းဦးမှာ  ပြီးခဲ့သည့်နှစ် အောက်တိုဘာလက နိုင်ငံအတွင်း ဘာသာရေးအစွန်းရောက်မှုကို ရှုတ်သော ဟောပြောမှုတစ်ခု ပြုလုပ်ခဲ့သည်။ လူပေါင်း ၅၀၀ ၀န်းကျင်ခန့် တက်ရောက်ခဲ့ကြသည့် ထိုဟောပြောပွဲတွင် ပြောကြားခဲ့သည်များက သဘောရိုးဖြင့်ပြီး အချို့သောအုပ်စုများက လူမျိုးရေးခွဲခြားမှုအား မီးထိုးပေးရန် ဘာသာတရားကို မည်သို့အသုံးချနေသည်ကိုလည်း ဦးထင်လင်းဦးက ဝေဖန်ခဲ့သည်။

သို့သော်လည်း နောက်ပိုင်းတွင် ဦးထင်လင်ဦး ပြောကြားခဲ့မှုများမှ ကောက်နှုတ်ချက်အတိုတစ်ခုမှာ မြန်မာဗုဒ္ဓဘာသာ အမျိုးသားရေးအဖွဲ့များ ထုနှင့်ထည်နှင့် ရှိနေသည့် ဆိုရှယ်မီဒီယာများတွင် ပြန့်နှံ့သွားလေသည်။ ထိုပြောကြားမှုများက ဒေါသူပုန်ထစေ ခဲ့ပြီး သိပ်မကြာခင်မှာပင် ဦးထင်လင်ဦးအား ဖမ်းဆီးမှုဆီသို့ ဦးတည်ခဲ့လေတော့သည်။ ယနေ့တွင်တော့ ၎င်းမှာ မြန်မာနိုင်ငံအလယ်ပိုင်း စစ်ကိုင်းမြို့ရှိ အကျဉ်းထောင်ထဲတွင် ဆင်းရဲဒုက္ခ ခံနေရပြီး ဘာသာရေးခံစားချက်များကို ထိခိုက်နစ်နာစေမှုဖြင့် တရားရင်ဆိုင်နေ ရလေသည်။

ဦးထင်လင်းဦး၏ မှတ်ချက်များအတွက် အုတ်အော်သောင်းနင်းဖြစ်ခြင်းမှာ အံ့အားသင့်စရာမဟုတ်။ ပြီးခဲ့သည့်နှစ်များတွင် မြန်မာနိုင်ငံ အတွင်း ဘာသာရေးသည်းမခံနိုင်မှုများ စိုးရိမ်ဖွယ်ရာ မြင့်တက်လာမှုကို မြင်တွေ့ခဲ့ကြရသည်။ အဆိုပါ သည်းမခံနိုင်မှုများကို သဘောထားတင်းမာသည့် ဗုဒ္ဓဘာသာ အမျိုးသားရေးအဖွဲ့များက မကြာခဏ မီးထိုးပေးပြီး အထူးသဖြင့် မွတ်စလင်များသို့ တိုက်ရိုက်ရည်ညွှန်းကြလေသည်။

မီးလောင်ရာလေပင့်
———————–
ထိုပြဿနာများကို ထိပ်တိုက်ရင်ဆိုင်၍ တင်းမာမှုများကို ဖြေလျော့အောင် ဆောင်ရွက်ရမည့်အစား မြန်မာအာဏာပိုင်များက အဆိုပါသည်းမခံနိုင်မှု မီးတောက်ကို ပိုမိုတောက်လောက်စေမည့် ခြေလှမ်းများကို ဆက်၍ လှမ်းခဲ့သည်။

ယခုအချိန်တွင် အမျိုး၊ ဘာသာ၊ သာသာနာကို ကာကွယ်ရန် ရည်ရွယ်သည်ဟူသော အကြောင်းပြချက်ဖြင့် ဖိနှိပ်ချုပ်ချယ်သည့် ဥပဒေမူကြမ်းများကို လွှတ်တော်၌ တင်သွင်းဆွေးနွေးနေကြသည်။ ထိုမူကြမ်းများ ဥပဒေဖြစ်လာပါက ဘာသာရေးလူနည်းစုများကို ထပ်မံခွဲခြားဆက်ဆံရန် အာဏာပိုင်များအား ဇက်ကြိုးဖြည်ပေးလိုက်သည်သာမက လူမျိုးရေးအကြမ်းဖက်မှု ထပ်မံဖြစ်ပွားရန်အတွက်လည်း မီးပွားတစ်ခု ဖန်တီးပေးလိုက်ခြင်း ဖြစ်ပေလိမ့်မည်။

ထိုဥပဒေများမှာ မည်သည့်အတွက်ကြောင့် ပြဿနာဖြစ်စေနိုင်သည်ကို နားလည်ရန် မြန်မာနိုင်ငံအတွင်းမှ အခြေအနေကို စဉ်းစားဖို့လိုသည်။ မြန်မာနိုင်ငံတွင် သဘောထားတင်းမာသည့် ဗုဒ္ဓဘာသာ အမျိုးသားရေးအဖွဲ့က ထောက်ခံမှုရနေပြီး ၎င်းတို့၏ သြဇာမှာလည်း မြင့်တက်လာသကဲ့သို့ အမုန်းတရားများပြည့်နေသည့် သွေးထိုးမှုများလည်း တိုးလာခဲ့သည်။ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် ယန်ဟီး လီက ယခုနှစ် ဇန်န၀ါရီလအတွင်း မြန်မာနိုင်ငံသို့ လာရောက်လည်ပတ်စဉ်က အဆိုပါအကြောင်းတရားများကို ထိတွေ့ခံစားခဲ့ရပြီး အမျိုးသားရေးဝါဒီ ခေါင်းဆောင် ဆရာတော်ကြီးက “ဖာသည်မ” ဟု သမုတ်သည်ကိုပင် ခံခဲ့ရသည်။ ယန်ဟီးလီက မွတ်စလင်လူနည်းစုများ၏ လူ့အခွင့်အရေး အခြေအနေကို ရဲ့ရဲ့ဝံ့ဝံ့ ဖော်ပြခဲ့ခြင်းကြောင့် ဖြစ်သည်။

အမုန်းတရားများပြည့်နေသည့် သွေးထိုးစကားများက မြန်မာနိုင်ငံရှိ ဗုဒ္ဓဘာသာဝင်မဟုတ်သည့် လူအုပ်စုများကို ရည်ရွယ်ပြီး အထူးသဖြင့် လူနည်းစု ရိုဟင်ဂျာမွတ်စလင်များကို ဖြစ်သည်။ ရိုဟင်ဂျာများမှာ သီးသန့်ခွဲခြားဆက်ဆံမှုကို ဆယ်စုနှစ်နှင့်ချီ၍ ခံစားခဲ့ရသည်။ နိုင်ငံသားဖြစ်ခွင့် ငြင်းပယ်ခံရပြီး အခြေခံရပိုင်ခွင့်များကိုလည်း ငြင်းပယ်ခံထားရသည်။ (ရခိုင်ပြည်နယ်တွင်) ၂၀၁၂ ခုနှစ်က စခဲ့သည် အကြမ်းဖက်မှု လှိုင်းလုံးများက လူအများအပြားကို သေဆုံးစေခဲ့ပြီး ထောင်သောင်းချီသော ပြည်သူများမှာလည်း ဆိုးရွားသည့် အခြေအနေမျိုး ဖြစ်နေသည့် ဒုက္ခသည်စခန်းများတွင် နေထိုင်နေရကာ ယနေ့အချိန်အထိ ဆင်းရဲဒုက္ခများကို ခံစားနေရဆဲဖြစ်သည်။ ၎င်းတို့ထဲတွင် အဓိကခံစားနေရသူများမှာ ရိုဟင်ဂျာများဖြစ်သည်။

အဆိုးရွားဆုံး စွပ်စွဲချက်များ
———————————-
အမျိုးသားရေးအဖွဲ့များ၏ သွေးထိုးစကားများတွင် စိုးရိမ်စရာကောင်းသည့် လိင်ပိုင်းဆိုင်ရာ ကိစ္စများလည်း ပါဝင်သည်။ မွတ်စလင်ဆန့်ကျင်ရေး သဘောထားနှင့် တိုက်ခိုက်မှုများမှာ မွတ်စလင်အမျိုးသားက ဗုဒ္ဓဘာသာဝင်အမျိုးသမီးကို ကျူးလွန်သော မုဒိမ်းမှုအပါအ၀င် အခြေအမြစ်မရှိသော စွပ်စွဲချက်များကြောင့် ဖြစ်လာရသည်။ အခြားသော ဘာသာရေးလူအုပ်စုများ၏ လက်မှ ခိုကိုးရာမဲ့ ဗုဒ္ဓဘာသာအမျိုးသမီးများကို ကာကွယ်ရန် လိုအပ်နေသည်ဟူသော သဘောထားများကိုလည်း မကြာမကြာ ၀ါဒဖြန့်ကြသည်။

လွှတ်တော်တွင် လက်ရှိဆွေးနွေးနေကြသည့် ဥပဒေမူကြမ်းများမှာ အဆိုးဝါးဆုံး စွပ်စွဲချက်များမှ အချို့ကြောင့်ဖြစ်ပြီး မွတ်စလင်များ၊ အထူးသဖြင့် အမျိုးသမီးများနှင့် ပတ်သက်၍ ပြောပြောနေသည့် စွပ်စွဲချက်များမှာ သိသိသာသာပင် မှားယွင်းနေသည်။

အကယ်၍ ထိုဥပဒေမူကြမ်းများကို ပြဌာန်းလိုက်လျှင် လူတစ်ဦး၏ ယုံကြည်ကိုးကွယ်မှု ရွေးချယ်ခွင့်ကို နိုင်ငံတကာဥပဒေတွင် အာမခံပေးထားသော်လည်း အဆိုပါ ဥပဒေထဲမှတစ်ခုတွင် တစ်ဦးတစ်ယောက်အနေဖြင့် ဘာသာပြောင်းလိုပါက အစိုးရအဖွဲ့သို့ လျှောက်ထားရန် လိုအပ်မည်ဖြစ်သည်။

ဘာသာပြောင်းလျှောက်ထားမှုကို အစိုးရတာဝန်ရှိသူများနှင့် လူ့အဖွဲ့အစည်းမှ ပုဂ္ဂိုလ်များပါဝင်သော “မှတ်ပုံတင်ရေး ဘုတ်အဖွဲ့များ” က အသိအမှတ်ပြုရမည်ဖြစ်ပြီး အခြေခံအားဖြင့် လူနည်းစုများအား နောက်ထပ် ခွဲခြားဆက်ဆံမှု ပြုလုပ်ရန် တံခါးဖွင့်ပေးလိုက်ခြင်းပင် ဖြစ်သည်။

အခြားမူကြမ်းတစ်ခုဖြစ်သော ဗုဒ္ဓဘာသာအမျိုးသမီးများ အထူးထိမ်းမြားခြင်းဆိုင်ရာ ဥပဒေတွင်လည်း ဗုဒ္ဓဘာသာဝင် အမျိုးသမီးကို လက်ထပ်သည့် ဗုဒ္ဓဘာသာဝင်မဟုတ်သော အမျိုးသားများအပေါ် ကန့်သတ်ချက် အမြောက်အများကို သတ်မှတ်ထားသည်။ ထိုကဲ့သို့သော ကန့်သတ်ချက်များကို အမျိုးသမီးများအပေါ်တွင် သတ်မှတ်ထားခြင်း မရှိသောကြောင့် အဆိုပါ ဥပဒေမှာ ပင်ကိုယ်အားဖြင့် လိင်အခြေခံ ခွဲခြားခြင်းသာဖြစ်သည်။ ထိုဥပဒေမှာ ဗုဒ္ဓဘာသာဝင်မဟုတ်သော ခင်ပွန်းအနေဖြင့် ၎င်း၏ ဗုဒ္ဓဘာသာဝင် ဇနီးသည်များကို မတင်းအဓမ္မဘာသာပြောင်းခိုင်းသည်ဟူသည့် တစ်ဖက်သက်စွပ်စွဲချက်များမှ ဖြစ်ပေါ်လာခြင်းလည်းဖြစ်သည်။

လူဦးရေ ထိန်းချုပ်မှုဥပဒေ
——————————–
လွတ်တော်တွင် တင်ထားသည့် မူကြမ်းများမှ တစ်ခုဖြစ်ပြီး အဆိုပါ ဥပဒေမှာ အပြင်ပန်းအားဖြင့် ဆင်းရဲမွဲတေသော ဒေသများ၌ နေထိုင်ကြသည့် လူ့အဖွဲ့အစည်း အတွက် မိသားစုစီမံကိန်းကို ဖော်ဆောင်ရန် ရည်ရွယ်သည်ဟု ဆိုသည်။ သို့သော်လည်း နိုင်ငံလူဦးရေထိန်းချုပ်ရေး အတွက် အဆိုးဝါးဆုံး အစီအစဉ်ဖြစ်လာနိုင်သည်။ နိုင်ငံအတွင်းရှိ လူနည်းစုများက ဗုဒ္ဓဘာသာဝင် လူများစုထက် ကလေးများပိုမွေးသည်ဆိုသော စိုးရိမ်ကြောက်ရွံ့မှုမှ ဖြစ်ပေါ်လာသည့် အဆိုပါမူကြမ်းတွင် အမျိုးသမီးများအတွက် ကလေးတစ်ဦးနှင့် တစ်ဦးကြား သားဆက်ခြားကာလကို ၃၆ လ (၃ နှစ်) သတ်မှတ်ထားသည်။ သို့သော်လည်း ထိုဥပဒေအား ချိုးဖောက်သည့် အမျိုးသမီးများကို မည်သို့မည်ပုံ အရေးယူအပြစ်ပေးမည်ဆိုသည်ကို ဖော်ပြထားခြင်းမရှိ။

နိုင်ငံတစ်နိုင်ငံတွင် မိသားစုစီမံကိန်းကို အားပေးရမည်ဖြစ်သော်လည်း နိုင်ငံတော်အစိုးရက ပြန်ဌာန်းခြင်း မပြုသင့်။ လူ့အခွင့်အရေး ကာကွယ်မှု လုံးဝနီးပါး ရှိမနေခြင်းက နိုင်ငံတော်မှ ဥပဒေဖြင့် သန္ဓေတားဆေးများကျွေးခြင်း၊ ကိုယ်ဝန်ဖျက်ချခြင်း သို့မဟုတ် သားကြောဖြတ်ခြင်းတို့ ဖြစ်ပေါ်လာစေရန် အဆိုပါ ဥပဒေက လမ်းခင်းပေးသလို ဖြစ်စေနိုင်သည်။

နိုဝင်ဘာလတွင်ပြုလုပ်မည့် ရွေးကောက်ပွဲများနှင့် အတူ မြန်မာနိုင်ငံမှာ အရေးကြီးသည့် နှစ်တစ်နှစ်ထဲသို့ ၀င်ရောက်နေသည်။ နိုင်ငံအနေဖြင့် ပြင်းထန်သော နိုင်ငံရေးနှင့် စီးပွားရေးပြဿနာ  တစ်သီတစ်တန်းကြီးကိုလည်း ရင်ဆိုင်နေရသည်။ ဆင်းရဲမွဲတေမှု ကြီးမားခြင်းမှသည် ၂၀၁၁ ခုနှစ်က စတင်ခဲ့သည့် နိုင်ငံရေးပြုပြင်ပြောင်းလဲမှု၏ တိုးတက်မှုနှင့် ပတ်သက်၍ မေးခွန်းများ အထိ ဖြစ်သည်။ လွှတ်တော်တွင် တင်သွင်းထားသည့် အမျိုးစောင့်ဥပဒေမှာ ဆိုးရွားသော ပြဿနာများမှာ အာရုံပြောင်းခြင်းသာဖြစ်ပြီး အဓိကထားဆွေးနွေးမှု မပြုလုပ်သင့်သည့်၊ ပစ်ပယ်ပစ်ရမည့် ဥဒေမျိုးသာ ဖြစ်လေသည်။

မြန်မာအာဏာပိုင်များကလည်း အမုန်းတရားနှင့် ကြောက်ရွံ့မှုတို့ကို နှပ်ကြောင်းပေးခြင်း၊ ကျယ်ကျယ်ပြန့်ပြန့်ရှိပြီးသားဖြစ်နေသည့် ခွဲခြားဆက်ဆံမှုများကို ခိုင်မာလာအောင် လုပ်ခြင်းတို့ကို မပြုလုပ်ဘဲ ဘာသာရေးနှင့် တိုင်းရင်းသားအုပ်စုများ အကြား ပြန်လည်ရင်ကြားစေ့ရေးကို ဆောင်ရွက်သင့်ပြီး တိုင်းပြည်က ရင်ဆိုင်နေရသည့် ပြဿနာ တစ်ပုံတစ်ပင်ကို ဖြေရှင်းသင့်ပေသည်။

Aljazeera တွင် Richard Bennett ရေးသားသည့် “Buddhist nationalists stoke hatred in Myanmar” ဆောင်းပါးကို မိုးဝေ ဆီလျော်အောင် ဘာသာပြန်ဆိုပါသည်။

http://www.aljazeera.com/indepth/opinion/2015/03/buddhist-nationalists-stoke-hatred-myanmar-150317083018615.html