ချန်ပီယံလိဂ် ကွာတားဖိုင်နယ်အတွက် မဲခွဲ

မတ် ၂၁၊ ၂၀၁၅
M-Media

– ဥရောပ ချန်ပီယံလိဂ် ကွာတားဖိုင်နယ်ပွဲစဉ်အတွက် ယမန်နေ့က မဲခွဲခဲ့ရာ စိတ်ဝင်စားစရာကောင်းသည့် ရလဒ်များ ထွက်ပေါ်လာခဲ့သည်။

လက်ရှိချန်ပီယံ ရီးယဲလ်မက်ဒရစ်အသင်းမှာ ယမန်နှစ် ဗိုလ်လုပွဲတွင် တွေ့ဆုံခဲ့သည့် မြို့ခံပြိုင်ဘက် အက်သလက်တီကိုအသင်းနှင့် တွေ့ဆုံနေသည်။ ယခုနှစ်ရာသီတွင် ၎င်းတို့ ၂ သင်းမှာ ၆ ပွဲ တွေ့ဆုံယှဉ်ပြိုင်ထားပြီး အက်သလက်တီကိုက ၄ ပွဲနိုင်ထားက ၂ ပွဲမှာ သရေကျခဲ့သည်။

ဘာစီလိုနာအသင်းကလည်း ချယ်ဆီးအား ဖြုတ်ချကာ တက်လာခဲ့သည် ပီအက်စ်ဂျီအသင်းနှင့် တွေ့ဆုံနေသည်။ ၎င်းတို့ ၂ သင်းမှာ ၂၀၁၂-၂၀၁၃ ချန်ပီယံလိဂ်တွင်လည်း ကွာတားဖိုင်နယ်၌ တွေ့ဆုံခဲ့ဖူးပြီး အဝေးဂိုးဖြင့် ဘာစီလိုနာက နောက်တစ်ဆင့်သို့ တက်ရောက်နိုင်ခဲ့သည်။

အုပ်စုပွဲစဉ်များတွင် ရုန်းကန်ခဲ့ရပြီး ကွာတားဖိုင်နယ်အထိ ရောက်ရှိလာခဲ့သည့် ဂျူဗင်တပ်စ်မှာမူ ကွာတားဖိုင်နယ် တက်လာသည့် ၈ သင်းတွင် အင်အားအနည်းဆုံးဖြစ်သည့် မိုနာကိုအသင်းနှင့် တွေ့ဆုံနေပြီး နောက်တစ်ဆင့်တက်ရန် အခြေအနေ ကောင်းနေသည်။

ဘိုင်ယန်မြူးနစ်ကမူ ပေါ်တိုနှင့် တွေ့ဆုံနေသည်။ ပေါ်တိုမှာ ၁၉၈၇ ခုနှစ် ဥရောပ ချန်ပီယံကလပ်အသင်းများဖလား ပြိုင်ပွဲ နောက်ဆုံးဗိုလ်ပွဲတွင် ဘိုင်ယန်အား နောက်ဆုံး ၁၃ မိနစ် သွင်းဂိုး ၂ ဂိုးသွင်း၍ ၂ ဂိုး ၁ ဂိုးဖြင့် အနိုင်ရကာ ၎င်းတို့၏ ပထမဆုံး ဥရောပဖလားကို ဆွတ်ခူးနိုင်ခဲ့ဖူးသည်။

Ref: uefa.com