အာဘေးအား ဆန့်ကျင်ဆန္ဒပြမှု တိုကျိုတွင်ပြုလုပ်

မတ် ၂၃၊ ၂၀၁၅
M-Media

– ၀န်ကြီးချုပ်ရှင်ဇိုအာဘေး၏ စုပေါင်းကာကွယ်ခွင့် အခွင့်အရေးနှင့်ပတ်သက်သည့် ပေါ်လစီများ၊ နျူကလီးယား ဓာတ်ပေါင်းဖိုများ ပြန်လည်ပတ်ခြင်းနှင့် အိုကီနာဝါကျွန်းရှိ အမေရိကန်စစ်အေခြစိုက်စခန်အား နေရာပြောင်းမည့်အစီအစဉ် စသည်တို့ကို ဆန့်ကျင်သည့်အနေဖြင့် ဂျပန်ပြည်သူ ၁၄၀၀၀ ခန့်က ယမန်နေ့ နေ့လည်ပိုင်းတွင် တိုကျိုမြို့၌ ဆန္ဒပြခဲ့ကြသည်ဟု သိရသည်။

ငြိမ်းချမ်းစွာ ဆန္ဒပြခဲ့ကြခြင်းဖြစ်ပြီး အဆိုပါဆန္ဒပြမှုကို တိုကျိုအခြေစိုက်သည့် နျူကလီးယားစွမ်းအင် ဆန့်ကျင်ရေး အရပ်ဘက်အဖွဲ့က စီစဉ်ခဲ့ခြင်းဖြစ်သည်။

ဆန္ဒပြသူများမှာ စုပေါင်းကာကွယ်ခွင့်ကို ဆန့်ကျင်သည့်အနေဖြင့် လူတစ်ဦးက မိမိကိုယ်ကို မီးဖြင့်ရှို့ကာ ဆန္ဒပြခဲ့သည့် ဟီဘီယာ ပန်းခြံတွင် စုရုံးခဲ့ကြပြီး ၀န်ကြီးချုပ်နေထိုင်ရာ အိမ်ရာတစ်ဝိုက်သို့ ချီတက်ခဲ့ကြကာ “အာဘေးအုပ်ချုပ်မှု အလိုမရှိ” ဟူသည့် ဆိုင်းဘုတ်များကိုလည်း ကိုင်ဆောင်ခဲ့ကြသည်။

ချီဘာပြည်နယ်မှ ကျောင်းသူတစ်ဦးက ဂျပန်နိုင်ငံအနေဖြင့် စုပေါင်းကာကွယ်ခွင့်ကို ကျင့်သုံးပါက စစ်အတွင်းသို့ ၀င်ရောက်ခြင်း ဖြစ်သွားမည်ဟု ပြောကြားခဲ့သည်။

“ဒီပေါ်လစီကိုကျွန်မတို့ မဆန့်ကျင်ဘူးဆိုရင် စစ်ပွဲဆင်နွှဲဖို့ သူတို့ကို မသိကျိုးကျွန် ပြုသလို ဖြစ်နေမှာပါ” ဟု သူမက ပြောကြားခဲ့သည်။

ဝန်ကြီးချုပ်ရှင်ဇိုအာဘေးမှာ ယမန်နေ့ နံနက်ပိုင်းက ကာနာဂါဝါပြည်နယ် ယိုကိုဆူကာမြို့ရှိ ကာကွယ်ရေးတက္ကသိုလ်တွင် ပြုလုပ်သော ဘွဲ့နှင်းသဘင်အခမ်းအနားတွင် အစိုးရအနေဖြင့် စုပေါင်းကာကွယ်ခွင့်နှင့် ဆက်နွယ်သည့် ဥပဒေပြဌာန်းခြင်းကို တွန်းအားပေး ဆောင်ရွက်သွားမည်ဟု ပြောကြားခဲ့သည်။

ပစိဖိတ် ဖွဲ့စည်းပုံကို ပြန်လည်ပြင်ဆင်ခြင်းမှတစ်ဆင့် အာဘေး၏ ကက်ဘိနတ်မှာ နိုင်ငံ၏ ကာကွယ်ရေးအင်အားကို ပါင်းကာကွယ်ခွင့် ကျင့်သုံးရန် ပြီးခဲ့သည့်နှစ်က ခွင့်ပြုခဲ့သည်။ ထို့ပြင် ဂျပန်တပ်များ နိုင်ငံရပ်ခြားတွင် တရားဝင်ဖြန့်ကျက်နိုင်ရေးအတွက် ဥပဒေတစ်ခု ဖြစ်လာရန်လည်း ဂျပန်အစိုးရက အရှိန်မြှင့် ဆောင်ရွက်နေသည်။

Ref: Xinhua