အမုန်းကို အပြုံးဖြင့်တုန့်ပြန်မည့် အမေရိကန်မှ မွတ်စလင်များ

မတ် ၂၃၊ ၂၀၁၅
M-Media

– အမုန်းတရားကို မေတ္တာဖြင့် တုံ့ပြန်သည့် လှုပ်ရှားမှုအဖြစ် အမေရိကန် မွတ်စလင်များမှာ နိုင်ငံတစ်ဝှမ်း အစားသောက် လှူဒါန်းဝေငှမှု လှုပ်ရှားမှုတစ်ခုကို စတင်လိုက်ပြီး ထိုအစီအစဉ်တွင် နိုင်ငံတစ်ဝှမ်းရှိ ဗလီဝတ်ကျောင်းတော်များနှင့် အမေရိကန်မွတ်စလင် ထောင်ပေါင်းများစွာတို့ ပူးပေါင်းပါဝင်ကြမည်ဖြစ်သည်။

အဆိုပါအစီအစဉ်ကို FeedTheirLegacy ဟု အမည်ပေးထားပြီး နိုင်ငံအတွင်း အိမ်ယာမဲ့ ချို့တဲ့သူများအား စည်သွပ်ဘူး အစားသောက်များ ဝေငှသွားမည်ဖြစ်ကာ ဖေဖော်ဝါရီလက မြောက်ကိုရိုလိုင်းနားတွင် အသတ်ခံခဲ့ရသည့် ပရဟိတလုပ်ငန်းများ ဆောင်ရွက်နေသူ မွတ်စလင်လူငယ်သုံးဦး (ဒီယာ၊ ယူဆိုးရ်နှင့် ရာဇန်) တို့အား ဂုဏ်ပြုသည့်အနေဖြင့် ဆောင်ရွက်ခြင်းလည်းဖြစ်သည်။

“ငယ်ရွယ်ပြီး ထူးခြားတဲ့ အမေရိကန် မွတ်စလင်လူငယ် ၃ ဦးကို ဆုံးရှုံးခဲ့ရတာနဲ့ သူတို့ ရက်ရက်စက်စက် အသတ်ခံခဲ့ရလို့ ၀မ်းနည်းနေပေမယ့်လည်း ကုန်အာန်ကျမ်းတော်မြတ်က ‘မကောင်းမှုကို အကောင်းဖြင့်သာ တုံ့ပြန်လော့’ လို့ ကျွန်တော်တို့ကို သွန်သင်ထားပါတယ်။ IS တို့လို အစွန်းရောက်အဖွဲ့တွေက နေ့စဉ် သတင်းစာတွေမှာ လွှမ်းမိုးနေတဲ့အချိန် ဒီယာ၊ ယူဆိုးရ်နဲ့ ရာဇန်တို့လို မွတ်စလင်တွေကသာ ကျွန်တော်တို့ကို အမှန်တစ်ကယ် ကိုယ်စားပြုတယ်ဆိုတာ အမေရိကကို ကျွန်တော်တို့ မြင်စေချင်ပါတယ် ” ဟု အဆိုပါ FeedTheirLegacy အစီအစဉ်၏ နိုင်ငံလုံးဆိုင်ရာ စီမံခန့်ခွဲရေးမှူး တာရစ်က် အလ်-မက်ဆီဒီက ပြောကြားခဲ့သည်။

အမေရိကန်နိုင်ငံတစ်ဝှမ်း စည်သွပ်ဘူး အစားအေသာက်များ ဝေငှလှူဒါန်းမည့် အဆိုပါ စိတ်ကူးကို မက်ဆီဒီတို့အဖွဲ့က ပြီးခဲ့သည့် မတ်လ ၁၀ ရက်နေ့တွင် စတင်ဆော်သြခဲ့ခြင်းဖြစ်ပြီး FeedTheirLegacy အမည်ဖြင့် ၀ဘ်ဆိုက်တစ်ခုကိုလည်း လွှင့်တင်ခဲ့သည်။ ထို့နောက် အမေရိကန်တစ်ဝှမ်းမှ မွတ်စလင်များက ပါဝင်လာခဲ့ကြသည်။

အဆိုပါလှုပ်ရှားမှုမှာ ဒီယာ၊ ယူဆိုးရ်နှင့် ရာဇန်တို့၏ အခြားသူများကို ကူညီဖေးမသော လုပ်ရပ်များကို ပြန်လည်အမှတ်ရစေရန် ရည်ရွယ်ခြင်းလည်း ဖြစ်သည်။

“သူတို့သုံးယောက်ဟာ အိမ်နီးချင်းရဲ့ သတ်ဖြတ်မှုကို ခံခဲ့ရတာပါ။ ဒါပေမယ့် ကျွန်တော်တို့ကတော့ အမေရိကန်တစ်ဝှမ်းက ကျွန်တော်တို့ရဲ့ အိမ်နီးချင်းတွေကို လှူဒါန်းကျွေးမွေးခြင်းနဲ့ တုန့်ပြန်သွားပါမယ်။ ဒီလိုလုပ်ခြင်းအားဖြင့် ကျွန်တော်တို့ဟာ သူတို့ရဲ့ ပရဟိတအမွေအနှစ်ကို အသက်သွင်းတာလည်း ဖြစ်ပါတယ်” ဟု မက်ဆီဒီက ထပ်လောင်းပြောကြားခဲ့သည်။

ုမွတ်စလင်လူ့အဖွဲ့အစည်းမှ နိုင်ငံတစ်ဝှမ်းရှိ ချို့တဲ့သူများအား စည်သွပ်ဘူးအစားသောက်များ ဝေငှမည့် FeedTheirLegacy လှုပ်ရှားမှုတွင် ဒီယာ၊ ယူဆိုးရ်နှင့် ရာဇန်တို့၏ မိသားစုဝင်များကလည်း ပူးပေါင်းပါဝင်ခဲ့ကြသည်။

“တစ်လကြာသွားပေမယ့်လည်း ကျွန်မတို့မိသားစုရဲ့ ဆုံးရှုံးမှုအတွက် ပူဆွေး ၀မ်းနည်းနေရတုန်းပါပဲ။ FeedTheirLegacy လို အားထုတ်မှုတွေကတော့ ဒီဖြစ်ရပ်ဆိုးထဲက ဖြေသိမ့်စရာလေးတွေပါ။ သူတို့ရဲ့ လုပ်ရပ်တွေကို အောက်မေ့သတိရတဲ့အနေနဲ့ အစားအသောက်တွေ ဝေငှတာမျိုးဟာ ကျွန်မတို့ကို အတော်လေး စိတ်သက်သာရာ ရစေပြီး သူတို့ရဲ့ဘ၀မှာ မွန်မြတ်တဲ့အလုပ်တွေ အများကြီးလုပ်ခဲ့ပါလားဆိုတာ ကျွန်မတို့ကို သိရှိစေပါတယ်” ဟု ဒီယာ၏ ညီမဖြစ်သူ ဆူဇန်နီ ဘရကသ်က ပြောကြားခဲ့သည်။

မတ်လ ၁၀ ရက်နေ့က စတင်ဆော်သြခဲ့ပြီး ၂ ပတ်တာကြာခဲ့ပြီးနောက် FeedTheirLegacy လှုပ်ရှားမှုတွင် အမေရိကန်နိုင်ငံတစ်ဝှမ်းမှ ဗလီဝတ်ကျောင်းတော်များ၊ မွတ်စလင်ကျောင်းသားအသင်းများ၊ ခရစ်ယာန်ဘုရားကျောင်းများနှင့် စာသင်ကျောင်း စုစုပေါင်း ၂၃၀ ကျော်က ပါဝင်မည်ဟု စာရင်းပေးသွင်းခဲ့ကြသည်။

ဗလီဝတ်ကျောင်းတော်များကလည်း ၀တ်ပြုရန်လာရောက်ကြသူများအား ထိုလှုပ်ရှားမှုတွင် ပါဝင်ရန် တိုက်တွန်းနှိုးဆော်ခဲ့ပြီး အလှူရှင်များထံမှ စည်သွပ်ဘူးများ စုဆောင်းမှုကိုလည်း လုပ်ဆောင်နေကြသည်။

ယခုအချိန်အထိ အလှူရှင်များက လှူဒါန်းထားသည့် စည်သွပ်ဘူး ၆၀၀၀၀ ခန့်ကို ရရှိထားပြီး ထိုပမာဏမှာ မြောက်ကယ်ရိုလိုင်းနားရှိ အိမ်ယာမဲ့ချို့တဲ့သူများကို ၅ ခါပြန် ကျွေးမွေးနိုင်သည့် ပမာဏလည်း ဖြစ်သည်။

Ref: Onislam