တရုတ်၏ တောင်တရုတ်ပင်လယ်ပိုင်ဆိုင်ကြောင်း ကြေညာမှု တရားမ၀င်ဟု အင်ဒိုသမ္မတ ပြော

မတ် ၂၃၊ ၂၀၁၅
M-Media

– တောင်တရုတ်ပင်လယ် ရေပိုင်နက်များအတွက် တရုတ်နိုင်ငံမှ ပိုင်ဆိုင်ကြောင်း ကြေညာမှုများထဲမှ တစ်ခုမှာ နိုင်ငံတကာ ဥပဒေအရ တရားမ၀င်ဟု အင်ဒိုနီးရှားသမ္မတ ဂျိုကိုဝီဒိုဒိုက ပြောကြားလိုက်ပြီ။ မိမိတို့အနေဖြင့် အာရှ၏ အထိမခံသော အဆိုပါ ပိုင်နက်အငြင်းပွားမှုအတွက် ရိုးသားသည့် ကြားဝင်စေ့စပ်သူ ဆက်ဖြစ်ချင်သည်ဟု ဆိုသည်။

ဂျပန်နှင့် တရုတ်နိုင်ငံများအသို့ အလည်အပတ်ခရီးစတင်ပြီးနောက် ဂျပန်နာမည်ကြီး သတင်းစာ Yomiuri နှင့် အင်တာဗျူးတွင် ၀ီဒိုဒိုက ထိုကဲ့သို မှတ်ချက်ပေးခဲ့ခြင်ဖြစ်ပြီး၊ ပြီးခဲ့သည့်နှစ် အောက်တိုဘာလက အာဏာရပြီးနောက်ပိုင်း ထိုပြဿနာတွင် ပါဝင်ရန်အတွက် ပထမဆုံး ပြောကြားခြင်းလည်း ဖြစ်သည်။

ရေနံနှင့် သဘာဝဓာတ်ငွေ့ ကြွယ်ဝသည်ဟု ယုံကြည်ရသော တောင်တရုတ်ပင်လယ်၏ ၉၀ ရာခိုင်နှုန်းကို တရုတ်နိုင်ငံက ၎င်းတို့ပိုင်ဆိုင်သည်ဟု ကြေညာထားပြီး ဘရူးနိုင်း၊ မလေးရှား၊ ဖိလစ်ပိုင်၊ ဗီယက်နမ်နှင့် ထိုင်ဝမ်တို့နှင့် ပိုင်ဆိုင်မှု အငြင်းပွားလျက် ရှိနေသည်။

အဆိုပါ အငြင်းပွားခြင်းမှာ အာရှ၏ ရတက်မအေးစရာ ပြဿနာများထဲမှ တစ်ခုဖြစ်ပြီး ထိန်းချုပ်မရနိုင်သည့် အန္တရာယ်လည်း ဖြစ်နိုင်ကာ နိုင်ငံများအနေဖြင့် ၎င်းတို့၏ ကြေညာမှုများကို တွန်းတွန်းတိုတိုက်လုပ်လာပါက ပဋိပက္ခများအထိ ဖြစ်သွားနိုင်သည်။

“အာရှ-ပစိဖိတ်ဒေသမှာ ကျွန်တော်တို့ဟာ ငြိမ်းချမ်းရေးနဲ့ တည်ငြိမ်အေးချမ်းရေးကို လိုအပ်ပါတယ်။ ကျွန်တော်တို့ရဲ့ စီးပွားရေးကို တိုးတက်အောင်လုပ်ဖို့ နိုင်ငံရေးနဲ့ လုံခြုံရေး တည်ငြိမ်မှုကလည်း အရေးပါပါတယ်။ ဒါ့ကြောင့် (တောင်တရုတ်ပင်လယ်ရဲ့) ကျင့်ဝတ်တွေကို ကျွန်တော်တို့ အားပေးထောက်ခံပြီး တရုတ်နဲ့ ဂျပန်၊ တရုတ်နဲ့ အာဆီယံတို့အကြား တွေ့ဆုံဆွေးနွေးဖို့ကိုလည်း အားပေးပါတယ်” ဟု ၀ီဒိုဒိုက ပြောကြားခဲ့သည်။

သို့သော်လည်း တောင်တရုတ်ပင်လယ်အတွက် တရုတ်၏ အဓိကတောင်းဆိုမှုဖြစ်သော နိုင်ငံ၏ ရေကြောင်းပိုင်နက် nine-dashed line ဧရိယာမှာ နိုင်ငံတကာဥပဒေနှင့် ညီညွတ်မှုမရှိဟု ဆိုသည်။ ရေကြောင်းဆိုင်ရာ ဥပဒေ အကျိုးဆောင်များကမူ တရုတ်နိုင်ငံမှာ တောင်တရုတ်ပင်လယ်၏ ၉၀ ရာခိုင်နှုန်းဖြစ်သည့် စကွဲယား ကီလိုမီတာ ၃.၅ သန်း ကျယ်ဝန်းသော အဆိုပါ nine-dashed line ကို မြေပုံများတွင် ထည့်သွင်း၍ ပိုင်ဆိုင်မှုအတိုင်းအတာကို အမြဲတစေ ပြောကြားနေသည်ဟု ဆိုသည်။

သို့သော်လည်း သမ္မတ ၀ီဒိုဒိုက တရုတ်နိုင်ငံ၏ အခြားသော တောင်းဆိုမှုများအကြောင်းကို ထည့်သွင်း ပြောကြားခဲ့ခြင်း မရှိချေ။ အဆိုပါ nine-dashed line နယ်နမိတ်ကို တောင်တရုတ်ပင်လယ်ပိုင်နက်အား ပိုင်ဆိုင်ကြောင်း ကြေညာနေသည့် အခြားသောနိုင်ငံများက ကျေနပ်ခြင်း မရှိပေ။ အင်ဒိုနီးရှားကမူ တောင်တရုတ်ပင်လယ် ပြဿနာတွင် ကြားဝင်ဖြန်ဖြေသူအဖြစ် ၎င်းတို့ကိုယ်တိုင် သတ်မှတ်ထားသည်။

Ref: Reuters