ယူတာတွင် သေဒဏ်ကျခံရသူများကို သေနတ်ဖြင့် အဆုံးစီရင်မည်

မတ် ၂၄၊ ၂၀၁၅
M-Media

– သေဒဏ်ကျခံရသည့် ရာဇ၀တ်သားများကို လက်ဖြောင့်တပ်ဖွဲ့ဖြင့် အဆုံးစီရင်ရန် ဥပဒေတစ်ခုကို ပြည်နယ်အုပ်ချုပ်ရေးမှူး ဂယ်ရီ အာရ်ဘာ့တ်က ယမန်နေ့တွင် လက်မှတ်ရေးထိုးခဲ့ပြီးနောက် ယူတာပြည်နယ်မှာ အမေရိကန်ပြည်ထောင်စုတွင် သေနတ်ဖြင့် သေဒဏ်စီရင်သည့် တစ်ခုတည်းသော ပြည်နယ် ဖြစ်လာခဲ့သည်။

ယခင်က သေဒဏ်ကျခံရသူများကို ဆေးထိုး၍ အဆုံးစီရင်သော်လည်း အဆိုပါဆေးဝါးများကို ကုမ္ပဏီအများစုက အကျဉ်းဦးစီးဌာနသို့ ရောင်းချရန် ငြင်းဆိုကြသောကြောင့် အခြားသော သေဒဏ်စီရင်သည့် နည်းလမ်းများကို ရှာဖွေပြီးနောက်ပိုင်းတွင် ယခုကဲ့သို လက်ဖြောင့်တပ်သားများ၏ သေနတ်ဖြင့် သေဒဏ်စီရင်ခြင်းကို ရွေးချယ်ခဲ့ခြင်းဖြစ်သည်။

သို့သော်လည်း ထိုနည်းလမ်းအား ရွေးချယ်ခြင်းကို သေဒဏ်အပြစ်ပေးမှု ဆန့်ကျင်ရေးအဖွဲ့များက ဆန့်ကျင်လျက် ရှိကြသည်။

“ဒါဟာ ယူတာပြည်နယ်ကို အရှက်ရစေတာပါပဲ” ဟု သေဒဏ်အတွက် အခြားနည်းလမ်း ရွေးချယ်ရေးအဖွဲ့မှ ရာ့လ်ဖ် ဒီလာပီယာနာက ပြောကြားခဲ့သည်။

လက်ရှိအချိန်တွင် ယူတာရှိ သေဒဏ်ကျခံနေရသော အကျဉ်းသားများကို လက်ဖြောင့်တပ်ဖွဲ့ဖြင့် အဆုံးစီရင်နိုင်မည် ဖြစ်သော်လည်း အကျဉ်းသားများအနေဖြင့် ဆေးထိုး အဆုံးစီရင်ခံမည်လား၊ သေနတ်ဖြင့် အဆုံးစီရင်ခံမည်လားဆိုသည်ကို ၎င်းတို့ကိုယ်တိုင် ရွေးချယ်ရမည်ဖြစ်သည်။ ပြည်နယ်အစိုးရကမူ သေနတ်ဖြင့် အဆုံးစီရင်မည့် လက်ဖြောင့်တပ်ဖွဲ့ကို ခန့်အပ်သွားမည်ဖြစ်သည်။

ယူတာတွင် သေဒဏ်ကျခံရသူအား သေနတ်ဖြင့် နောက်ဆုံး အဆုံးစီရင်ခြင်းကို ၂၀၁၀ ခုနှစ်တွင် ပြုလုပ်ခဲ့ပြီး ယခုကဲ့သို့ ဥပဒေပြဌာန်းပြီးနောက်ပိုင်း အမေရိကန်တွင် လက်ဖြောင့်တပ်ဖွဲ့ဖြင့် သေဒဏ်စီရင်မည့် တစ်ခုတည်းသော ပြည်နယ် ဖြစ်လာခဲ့သည်။

အခြားသော ပြည်နယ်များက အခြားနည်းလမ်းများကို ရွေးချယ်နေကြပြီး တန်နက်ဆီပြည်နယ်ကမူ ဆေးဖြင့်အဆုံးစီရင်ခြင်း မပြုနိုင်ပါက လျှင်စစ်ထိုင်ခုံဖြင့် အဆုံးစီရင်ခွင့်ပြုသည့် ပထမဆုံး ပြည်နယ် ဖြစ်လာခဲ့သည်။

Ref: RT