တရုတ်၏ လက်နက်တင်ပို့မှုက အမေရိကန်၏ သြဇာကို လျော့ကျနိုင်

မတ် ၂၄၊ ၂၀၁၅
M-Media

– တရုတ်နိုင်ငံမှ ထုတ်လုပ်သည့် အဆင့်မြင့်လက်နက်များမှာ နိုင်ငံတကာဈေးကွက်တွင် နောက်ထပ် ၁၀ နှစ်ခန့် ဆက်လက် ပြန့်နှံ့နေပါက မတည်မငြိမ် ဖြစ်လာနိုင်ပြီး အခြားသော နိုင်ငံများတွင် အမေရိကန်၏ ၀င်ရောက်စွက်ဖက်မှုမှာ ပို၍ ခက်ခဲသွားစေမည်ဟု Foreign Policy မဂ္ဂဇင်းတွင် ရေးသားဖော်ပြခဲ့သည်။

China’s Weapons of Mass Consumption ခေါင်းစဉ်ဖြင့် ရေးသားထားသော ဆောင်းပါးတွင် ထိုကဲ့သို့ သုံးသပ်ထားခြင်းဖြစ်ပြီး နိုင်ငံတကာ လက်နက်ဈေးကွက်တွင် တရုတ်နိုင်ငံ၏ အခန်းကဏ္ဍ တိုးမြင့်လာမှုကိုလည်း ဆန်းစစ်ထားသည်။

လက်နက်ငယ်များမှ အဆင့်မြင့်လက်နက်များအထိ တရုတ်နိုင်ငံ၏ တင်ပို့မှုကို ၂၀၁၁ ခုနှစ်က အာဖရိကနှင့် အရှေ့အလယ်ပိုင်းသို့ ဒရုန်းလေယာဉ်များ တင်ပို့ရောင်းချမှုက သက်သေပြနေပြီး ၂၀၁၂ ခုနှစ်က အလ်ဂျီးရီးယားသို့ ဖရီးဂိတ်သင်္ဘော ၃ စီး ရောင်းချရန်စာချုပ်နှင့် နေတိုးအဖွဲ့ဝင်နိုင်ငံဖြစ်သော တူရကီနိုင်ငံက အမေရိကန်၊ ရုရှားနှင့် ဥရောပနိုင်ငံများ၏ ကမ်းလှမ်းမှုကိုကျော်က တရုတ်ထုတ် လေကြောင်းနှင့် ဒုံးကျည်ကာကွယ်ရေးစနစ်ကို ရွေးချယ်မှုများကလည်း ထင်သာ မြင်သာ ရှိနေသည်။

မကြာသေးမီနှစ်များအတွင်း တရုတ်နိုင်ငံမှာ နိုင်ငံခြားလက်နက်များအား ပုံတူပြုလုပ်ခြင်း၊ ပြည်တွင်း လက်နက် သုတေသနနှင့် ဖွံ့ဖြိုးရေးအစီအစဉ်များ ဖော်ဆောင်ခြင်း စသည်တို့တွင် ငွေကြေးအမြောက်အများ ရင်းနှီးမြှုပ်နှံခြင်းဖြင့် နိုင်ငံ၏ ကာကွယ်ရေးပစ္စည်းများ ထုတ်လုပ်မှုကဏ္ဍတွင် ကိုယ်တိုင်ဆောင်ရွက်နိုင်အောင် ကြိုးစားအားထုတ်ခဲ့သည်။

ထိုကဲ့သို့ ကြိုးစားမှုက အောင်မြင်ခဲ့ပြီး လက်ရှိအချိန်တွင် အမေရိကန်နှင့် ရုရှားတို့ပြီးလျှင် တရုတ်နိုင်ငံမှာ ကမ္ဘာ့ တတိယအကြီးဆုံး လက်နက် တင်ပို့သည့်နိုင်ငံ ဖြစ်လာခဲ့သည်။

တရုတ်နိုင်ငံမှ လက်နက်များမှာ ဈေးပေါပြီး အရည်အသွေးမှာ အခြားသော လက်နက်တင်ပို့သည့် နိုင်ငံများထက် ပိုမကောင်းသော်လည်း အသုံးပြုရန်အတွက် လုံလောက်အောင် ကောင်းသည်ဟု Foreign Policy က ဆိုသည်။

ကျွမ်းကျင်သူ ဂျိုးဆက်ပ် အီ လင် ကမူ လာမည့်နှစ်များတွင် တရုတ်နိုင်ငံ၏ အဆင့်မြင့်လက်နက်များ၏ အရည်အသွေးမှာ တိုးတက်လာမည်ဖြစ်ပြီး ဈေးမှာလည်း ဆက်လက် လျော့ကျမည်ဟု ဆိုသည်။

မဂ္ဂဇင်းက တရုတ်နှင့် အိန္ဒိယနိုင်ငံများမှာ ကမ္ဘာ့လက်နက်တင်ပို့သည့် နိုင်ငံများအဖြစ် မြင့်တက်လာခြင်းက စိုးရိမ်စရာကောင်းသည့် လားရာ၏ အစိတ်အပိုင်းဖြစ်သည်ဟု ရေးသားထားသည်။ လင်ကလည် လက်နက်များ ဈေးပေါပေါနှင့် အလွယ်တကူ ရနိုင်ခြင်းက ကမ္ဘာ့နိုင်ငံများတွင် တည်ငြိမ်မှု ယိုယွင်းလာမည်ဟု ပြောကြားခဲ့သည်။

ထို့ပြင် တရုတ်နိုင်ငံ၏ လက်နက်တင်ပို့မှုများက နိုင်ငံတကာတွင် အမေရိကန်၏ လွတ်လပ်စွာ ပြိုင်ဘက်မရှိ လှုပ်ရှားမှုခေတ်ကိုလည်း ကုန်ဆုံးစေမည်ဖြစ်ကြောင်း တရုတ်နှင့် အိန္ဒိယတို့မှ ဈေးပေါသည့် လက်နက်များက ကမ္ဘာ့လက်နက်ဈေးကွက်ကို နှောက်ယှက်မည်ဖြစ်ပြီး အမေရိကန်၊ ရုရှားနှင့် ဥရောပတို့မှ လက်နက်မှာယူမှုများကို လျော့ကျသွားစေမည်ဖြစ်ကြောင်း လင်က ထည့်သွင်းပြောကြားခဲ့သည်။

“ဒီလက်နက်တွေဟာ ကာကွယ်ရေးအသုံးစားရိတ် အကန့်အသတ်ရှိတဲ့ နိုင်ငံတွေတောင်မှ ကာကွယ်ရေးလုပ်နိုင်စွမ်းကို ရရှိစေနိုင်ပါတယ်။ ပြီးတော့ အထိအခိုက် သိသိသာသာမရှိဘဲနဲ့ အမေရိကန်က စစ်ရေးအရ ၀င်ရောက်စွက်ဖက်မှုကိုလည်း ပိုပြီး ခက်ခဲသွားစေနိုင်ပါတယ်” ဟု အဆိုပါ မဂ္ဂဇင်းတွင် နိဂုံးချုပ် ရေးသားခဲ့သည်။

Ref: RT