ကုရ်အာန်အား မီးရှို့သည်ဟု စွပ်စွဲ သတ်ဖြတ်ခံရသည့် အမျိုးသမီးငယ်အတွက် အာဖဂန်ပြည်သူများ ဆန္ဒပြ

မတ် ၂၅၊ ၂၀၁၅
M-Media

– ကုရ်အာန်ကျမ်းတော်မြတ်အား မီးရှို့သည်ဟု စွပ်စွဲကာ လူအုပ်ကြီးက ရိုက်နှတ်သတ်ဖြတ်မှုကို ခံခဲ့ရသည့် အာဖဂန် အမျိုးသမီးငယ်အတွက် တရားမျှတမှုကို တောင်းဆိုသည့်အနေဖြင့် မြို့တော်ကဘူးလ်တွင် ထောင်ပေါင်းများစွာသော ပြည်သူများက ယမန်နေ့တွင် ချီတက်ဆန္ဒပြခဲ့သည်ဟု သိရသည်။

အချိုပါ ချီတက်ဆန္ဒပြမှုတွင် အမျိုးသား၊ အမျိုးသမီး အရွယ်စုံပါဝင်ပြီး တစ်ချို့မှာ ထိုလုပ်ရပ်အား ဆန့်ကျင်သော ပိုစတာများကို ကိုင်ဆောင်ခဲ့ရကြကာ အချို့မှာ အသတ်ခံခဲ့ရသည့် အသက် ၂၇ နှစ်အရွယ် အမျိုးသမီး ဖာ့က်ဟန်ဒါ၏ သွေးများပေကျံနေသော မျက်နှာပုံစံ အနီရောင်များ ချယ်သခဲ့သည်။

ဖာ့က်ဟန်ဒါမှာ ဘာသာရေး ပညာရှင်တစ်ဦးဖြစ်ပြီး ကုရ်အာန်ကျမ်းတော်မြတ်အား မီးရှို့သည်ဟု စွပ်စွဲခံခဲ့ရကာ ပြီးခဲ့သည့် တစ်ပတ်က လူအုပ်ကြီး၏ ရိုက်နှက်သတ်ဖြတ်ခြင်းကို ခံခဲ့ရသည်။ ထို့နောက် ၎င်း၏အလောင်းအား မီးရှို့ကာ ကဘူးလ်မြစ်ထဲသို့ ပစ်ချခဲ့ကြသည်။

ယမန်နေ့က ပြုလုပ်ခဲ့သည့် ချီတက်ဆန္ဒပြမှုကို စီစဉ်သူများကမူ လူပေါင်း ၃၀၀၀ ခန့် ပါဝင်ခဲ့ကြသည်ဟု ဆိုသည်။ ဆန္ဒပြသူများမှာ “ဖာ့က်ဟန်ဒါအတွက် တရားမျှတမှုပေး” “သတ်ဖြတ်သူများကို သေဒဏ်ပေး” စသည့် ကျွေးကြော်သံများကို ကျွေးကျော်ခဲ့ကြသည်။

အဆိုပါ ချီတက်ဆန္ဒပြမှုမှာ ထိုအဖြစ်အပျက်ဖြစ်ပွားပြီးနောက်ပိုင်း ဒုတိယမြောက် အကြီးအကျယ် ဆန္ဒပြခြင်းလည်း ဖြစ်သည်။

ထောက်လှမ်းရေး ဒါရိုက်တာဟောင်းဖြစ်ပြီး ယခုတွင် နိုင်ငံရေးခေါင်းဆောင်တစ်ဦးဖြစ်သူ အမ်ရူလ်လာဟ် ဆာလေဟ်က ဖာ့က်ဟန်ဒါအား “မတရားမှု၊ လူအုပ်စုဖြင့် အပြစ်ပေးမှု၊ လမ်းမပေါ် အကြမ်းဖက်မှု၊ အမျိုးသမီးများအပေါ် အကြမ်းဖက်မှု၊ တရားမဲ့မှု၊ အစွန်းရောက်ဝါဒ” တို့အား ရုန်းကန်တွန်းလှန်နေရသည့် အမှတ်အသားတစ်ခုဖြစ်အောင် လူအုပ်ကြီးက ဆောင်ရွက်ကြခြင်းဖြစ်ပြီး အထူးသဖြင့် အမျိုးသမီးများ ခံစားနေရသည့် မတရားမှုများအတွက် ဖြစ်သည်ဟု ပြောကြားခဲ့သည်။

“သူမဟာ တရားမျှတမှုကို လိုချင်သူတွေ၊ တရားဥပဒေ စိုးမိုးချင်သူတွေနဲ့ အစွန်းရောက်အမြင်ရှိနေသူတွေ၊ ဥပဒေပ လုပ်ရပ်တွေကို ပေါ်ပေါက်စေသူတွေအကြား သူ့ရဲ့သွေးနဲ့ စည်းတစ်ခု ခြားလိုက်တာပါပဲ” ဟု ဆာလေဟ်က AP သတင်းဌာနသို့ ပြောကြားခဲ့သည်။

ထိုကဲ့သို့ လုပ်အုပ်ကြီးက ရိုက်နှက်သတ်ဖြတ်မှုကို ရဲတပ်ဖွဲ့က ၀င်ရောက်ဖြေရှင်းခြင်းမပြုဘဲ ရပ်ကြည့်နေသည်ဟု သတင်းများက ဖော်ပြခဲ့သည်။

အာဖဂန် ပြည်ထဲရေးဝန်ကြီး ဌာနကမူ အဆိုပါအဖြစ်အပျက်အတွက် လူပေါင်း ၂၈ ဦးကို ဖမ်းဆီးထားပြီး ရဲတပ်ဖွဲ့ဝင် ၁၃ ဦးကိုလည်း တာဝန်မှ ရပ်ဆိုင်းထားကာ စုံစမ်းစစ်ဆေးမှုများကို ပြုလုပ်နေသည်ဟု သတင်းထုတ်ပြန်ခဲ့သည်။

ဖာ့က်ဟန်ဒါအသတ်ခံရမှုအား ဆိုရှယ်မီဒီယာမှတစ်ဆင့် အားပေးအားမြှောက်ပြုခဲ့သည့် ကဘူးလ်မြို့ ရဲတပ်ဖွဲ့မှ ပြောရေးဆိုခွင့်ရှိသူ ဟက်ရ်ှမတ် စတာနစ်က်ဇိုင်ကိုလည်း ရာထူးမှ ထုတ်ပယ်ခဲ့သည်။

ဖာ့က်ဟန်ဒါမှာ အစ္စလာမ့်ရေးရာနှင့်ပတ်သက်၍ မကြာသေးခင်က ဘွဲ့ရရှိထားသူဖြစ်ပြီး ဆရာမအဖြစ် တာဝန်ထမ်းဆောင်ရန် စီစဉ်နေသူဖြစ်သည်။ သူမမှာ ကဘူးလ်မြို့ရှိ ထင်ရှားသော Shah-Do Shamshera နေရာရှိ အဆောင်လက်ဖွဲ့ရောင်းသူများထံမှ ငွေကုန်ခံပြီး အဆောင်လက်ဖွဲ့များကို မ၀ယ်ရန် သူငယ်ချင်းများအား တိုက်တွန်းခဲ့သောကြောင့် အဆောင်လက်ဖွဲ့ရောင်းသူများက ဖာ့က်ဟန်ဒါမှာ ကုရ်အာန်ကျမ်းတော်မြတ်အား မီးရှို့သည်ဟု ၀ါဒဖြန့်ခဲ့ကာ ထိုကဲ့သို့ ရိုက်နှက် သတ်ဖြတ်ခဲ့ခြင်းဖြစ်ကြောင်း
ဖခင်ဖြစ်သူ မိုဟာမက် နဒီရ်က ပြောကြားခဲ့သည်။

ယမန်နေ့ကပြုလုပ်ခဲ့သော ချီတက်ဆန္ဒပြမှုတွင် အာဖဂန်အမျိုးသမီးကောင်စီအကြီးအကဲ ဖာတမာ ဂီလာနီအပါအ၀င် ထင်ရှားသည့် လူ့အခွင့်အရေး တက်ကြွလှုပ်ရှားသူ အများအပြား ပါဝင်ခဲ့ကြသည်။ ဂီလာနီကမူ ထိုအဖြစ်အပျက်မှာ စစ်ကြောင့် စိတ်ဒဏ်ရာရနေသော၊၊ ချစားနေသော၊ ခေါင်းဆောင်မှုကင်းမဲ့နေသော အာဖဂန်လူ့အဖွဲ့အစည်းတွင် ပြောင်းလဲရန်အတွက် အကြောင်းတရား
ဖြစ်လိမ့်မည်ဟု ပြောကြားခဲ့သည်။

Ref: Aljazeera