ယီမင်သူပုန်များအား ဆော်ဒီနှင့် မဟာမိတ်နိုင်ငံများက လေကြောင်းမှတိုက်ခိုက်

မတ် ၂၆၊ ၂၀၁၅
M-Media

– ဆော်ဒီအာရေဗျနှင့် ဒေသတွင်း မဟာမိတ်နိုင်ငံများမှာ ယီမင်ရှိ ဟူသီသူပုန်များကို ပစ်မှတ်ထားသော လေကြောင်းတိုက်ခိုက်မှုကို စတင်လိုက်ပြီဟု အမေရိကန်နိုင်ငံဆိုင်ရာ ဆော်ဒီသံအတ်ကြီး အဒဲလ် အလ်- ဂျူဘီရ်က ပြောကြားခဲ့သည်။

အဆိုပါ တိုက်ခိုက်မှုတွင် ပင်လယ်ကွေ့ ပူးပေါင်းဆောင်ရွက်ရေးကောင်စီ GCC မှ နိုင်ငံများ အပါအ၀င် စုစုပေါင်း ၁၀ နိုင်ငံပါဝင်ခဲ့ပြီး ဒေသစံတော်ချိန် ယမန်နေ့ည ၇ နာရီက စတင်တိုက်ခိုက်ခဲ့ခြင်းဖြစ်သည်။

“ဒီစစ်ဆင်ရေးဟာ ယီမင်အစိုးရရဲ့ တရားဝင်မှုကို ထောက်ခံအားပေးဖို့နဲ့ အစွန်းရောက် ဟူသီသူပုန်တွေ တိုင်းပြည်သိမ်းပိုက်တာကို တားဆီးဖို့ဖြစ်ပါတယ်” ဟု ဂျူဘီရ်က ၀ါရှင်တန်တွင် သတင်းထောက်များအား ပြောကြားခဲ့သည်။

အဆိုပါလေကြောင်းတိုက်ခိုက်မှုမှာ ယီမင်သမ္မတအိမ်တော်၊ မြို့တော်ဆန်နာအတွင်းရှိ ရဲတပ်ဖွဲ့နှင့် အထူးတပ်ဖွဲ့ဝင်များ၏ ဌာနချုပ်အဆောက်အုံများကို ပစ်မှတ်ထား တိုက်ခိုက်ခဲ့ခြင်းဖြစ်သည်။

ထိုတိုက်ခိုက်မှုများအတွင်း ဟူသီသူပုန်တပ်မှူး ၃ ဦး သေဆုံးခဲ့သည်ဟု သတင်းများ ထွက်ပေါ်လာခဲ့သည်။ ဟူသီသူပုန်များကလည်း အဆိုပါတိုက်ခိုက်မှုကို အတည်ပြုခဲ့ပြီး ၎င်းတို့ကမှာ လေကြောင်းကာကွယ်ရေး ဒုံးကျည်များဖြင့် ပြန်လည်ပစ်ခတ်ခဲ့သည်ဟု ပြောကြားခဲ့သည်။

ဆော်ဒီ၊ ကာတာ၊ ကူဝိတ်၊ ဘာရိန်းနှင့် ယူအေအီးနိုင်ငံတို့၏ အမည်ဖြင့် ရီယာ့ဒ်မှ ထုတ်ပြန်သော ကြေညာချက်တွင် ယီမင်သမ္မတ အဘ်ဒ် ရာဘူ မန်ဆူရ် ဟာဒီ၏ ဒုက္ခပတ်လည်ဝိုင်းနေသော အစိုးရမှ တောင်းဆိုမှုကြောင့် ထိုကဲ့သို့ တိုက်ခိုက်ရခြင်းဖြစ်သည်ဟု ဆိုသည်။

အီဂျစ်ကလည်း ထိုတိုက်ခိုက်မှုအတွက် နိုင်ငံရေးနှင့် စစ်ရေးအရ အားပေးထောက်ခံသွားမည်ဖြစ်ကြောင်း၊ လိုအပ်ပါက အီဂျစ်လေတပ်၊ ရေတပ်နှင့် မြေပြင်တပ်များကလည်း ပူးပေါင်းပါဝင်သွားမည်ဖြစ်ကြောင်း ကြေညာချက် ထုတ်ပြန်ခဲ့သည်။

အဆိုပါတိုက်ခိုက်မှုများတွင် အမေရိကန်က နည်းပညာပိုင်းဆိုင်ရာနှင့် ထောက်လှမ်းရေးဆိုင်ရာ ပူးပေါင်းဆောင်ရွက်မှုးများဖြင့် အနီးကပ် ပါဝင်နေသည်။

ပြီးခဲ့သည့်လအတွင်း ဟူသီသူပုန်များက မြို့တော်ဆန်နာအား သိမ်းပိုက်ပြီးနောက်ပိုင်း ယီမင်နိုင်ငံအတွင်း မငြိမ်သက်မှုများ ဖြစ်ပွားလာခြင်းဖြစ်သည်။

Ref: Aljazeera