ဘရာဇီးလ်အရှုံးမှာ ကောင်းမွန်သော အလှည့်အပြောင်းဖြစ်မည်ဟု ပြင်သစ်နည်းပြဆို

မတ် ၂၇၊ ၂၀၁၅
M-Media

– ဘရာဇီးလ်အား ၃ ဂိုး ၁ ဂိုးဖြင့် ရှုံးနိမ့်ခဲ့ခြင်းမှာ ယူရို ၂၀၁၆ အတွက် တည်ဆောက်နေသည့် ၎င်းတို့အသင်းအတွက် အပြုသဘောဆောင်သော အလှည့်အပြောင်း ဖြစ်လာနိုင်သည်ဟု ပြင်သစ်နည်းပြ ဒီဒီယာ ဒက်စ်ချမ့်စ်က ပြောကြားလိုက်သည်။

ယမန်နေ့က ပြင်သစ်တွင် ကစားခဲ့သည့် ခြေစမ်းပွဲတွင် ပြင်သစ်က ဗာရိန်း၏ ဂိုးဖြင့် ဦးဆောင်ခဲ့သော်လည်း ဘရာဇီးလ်မှ အော်စကာ၊ နေးမာနှင့် လူးဝစ်ဂက်စတာဗိုတို့က ချေပဂိုးနှင့် အနိုင်ဂိုးများ ပြန်သွင်းကာ ကမ္ဘာ့ဖလားပွဲပြီးနောက်ပိုင်း အရေးပါသည့် နိုင်ပွဲတစ်ပွဲကို ပြန်ယူနိုင်ခဲ့သည်။

ကမ္ဘာ့ဖလားတွင် ပြင်သစ်အား ကွာတားဖိုင်နယ်သို့ ပို့ဆောင်ပေးနိုင်ခဲ့သည့် ဒက်စ်ချမ့်စ်က မိမိတို့အသင်းသားများမှာ စွမ်းဆောင်ရည်မကောင်းခဲ့ဟု ၀န်ခံခဲ့သော်လည်း ထိုအရှုံးက သင်ခန်းစာယူစရာ အလှည့်အပြောင်းတစ်ခုဖြစ်သည်ဟု ပြောကြားခဲ့သည်။

“သိပ်ခက်ခဲပါတယ်။ ကျွန်တော်တို့ရဲ့ အမှားအတွက် အပြစ်ပေးခံခဲ့ရတာပါ။ ဘရာဇီးလ်ရဲ့ အရမ်းမြန်တဲ့ ကစားပုံကြောင့် ကျွန်တော်တို့ အခက်တွေ့ခဲ့ရပါတယ်။ ကျွန်တော်တို့ သူတင်ကိုယ်တင် ကစားဖို့ အခွင့်အရေးတွေရတဲ့အချိန်မှာ ၂ ဂိုး ၁ ဂိုးဖြစ်နေပါတယ်။ ဒါပေမယ့် ပွဲက ၃ ဂိုး ၁ ဂိုးနဲ့ ပြီးခဲ့ပါတယ်” ဟု ဒက်စ်ချမ့်စ်က ပွဲအပြီးတွင် TF1 သို့ ပြောကြားခဲ့သည်။

သို့သော်လည်း အဆိုပါပွဲမှာ မိမိတို့အတွက် အပြုသဘောဆောင်သည့် ပွဲဖြစ်ခဲ့ကြောာင်း၊ အနာဂတ်ပွဲများတွင် ပို၍ကောင်းမွန်ရန်နှင့် စွမ်းဆောင်ရည်ပို ကောင်းစေရန် ဆောင်ရွက်ရမည်ဖြစ်ကြောင်း၊ ဘရာဇီးမှာ လာမည့် ဇွန်လတွင် ကစားမည့် ကိုပါအမေရိက ပြိုင်ပွဲအတွက် ရည်ရွယ်ပြင်ဆင်နေပြီး မိမိတို့မှာ ယူရို ၂၀၁၆ အတွက် ရည်ရွယ်ပြင်ဆင်နေကြောင်း ၎င်းက ထပ်လောင်းပြောကြားခဲ့သည်။

ဘရာဇီးလ်၏ အဆိုပါနိုင်ပွဲမှာ ကမ္ဘာ့ဖလားပြီးနောက် နည်းပြ စကိုလာရီလက်မှ ဒွန်ဂါ လွှဲပြောင်းယူပြီးနောက်ပိုင်း ၇ ပွဲဆက်တိုက် အနိုင်ရခဲ့ခြင်းလည်းဖြစ်ပြီး ပြင်သစ်မှာ ကမ္ဘာ့ဖလားနောက်ပိုင်း ပထမဆုံး ရှုံးပွဲလည်း ဖြစ်သည်။

Ref: Goal.com