သတ္တိ ရှိတယ်တဲ့လား

မတ် ၂၈ ၊ ၂၀၁၅
M-Media
နှင်းဆီခင်ရေးသည်။

“သတ္တိရှိလိုက်တာ”လို့ လူတွေက တအံ့တသြချီးကျူးတာကို ခံရတဲ့အခါ လူ့သဘာဝအရ တအားကြီးကျေနပ်မိမှာပါ။ ယောက်ျားတွေက အားကျလေးစားတဲ့ အရည်အသွေးတွေထဲမှာ သတ္တိရှိခြင်းဆိုတာ ထိပ်ဆုံးကပါဝင်နိုင်ပါတယ်။ ရှေးခေတ် အခါသမယတုန်းက ဆိုရင် ယောင်္ကျားတစ်ယောက်ရဲ့ သတ္တိရှိခြင်းဟာ သူ့ရဲ့ယောက်ျားပီသမှုအတွက် ပြယုဂ်တစ်ခုပဲပေါ့။ ဓား၊ လှံ၊ လက်နက်ချင်းယှဉ်ရင်း လက်ရုံးရည်ကို ပြသခဲ့ကြသလို လူသာမန်တွေလုပ်နိုင်တဲ့ စွမ်းဆောင်မှုတွေကို ထုတ်ဖော်ပြသ ခဲ့ကြတယ်။

ဒီကနေ့ခေတ်မှာရော ယောင်္ကျားတွေဟာ သူတို့ရဲ့ကာယသတ္တိကို နည်းလမ်းမျိုးစုံနှင့် ပြသကြသည်ပဲပေါ့။ ကျယ်ပြောလှတဲ့ ပင်လယ်ပြင်ကြီးထဲမှာ တစ်ကိုယ်တော် ရွက်လွှင့်လား လွှင့်ရဲ့၊ မြင့်မားလှတဲ့ ချောက်ကမ်းပါးစွန်းထိပ်ကနေ ပင်လယ်ထဲကို ခုန်ချပြတာလည်းမရှား၊ ရှိသေးတယ်။ ဟိုးအမြင့်မှာ ကြိုးတန်း လမ်းလျှောက်ပြသလို မြန်နှုန်းမြင့်ပြိုင်ကားကို အရှိန်ပြင်းပြင်း မောင်းပြသူတွေလည်း ရှိပြန်ရော။ တချို့ကျပြန်တော့ သဘာဝဘေးအန္တရာယ် ကြုံတွေ့နေရသူတွေကို အသက်စွန့် ကြိုးပမ်းကယ်ဆယ်ပေးကြလို့ မီးလောင်နေတဲ့ အဆောက်အအုံထဲကို သက်စွန့်ကြိုးပမ်း ဝင်ရောက်ပြီး ပိတ်မိနေတဲ့သူတွေကို ကယ်ခဲ့ကြတယ်။ ဘယ်လိုပုံစံနှင့်ပဲဖြစ်ဖြစ် သတ္တိရှိခြင်းကို အသွင်အမျိုးမျိုးနှင့် ပုံဖော်ကြတဲ့သဘောပါ။ ဒီလုပ်ဆောင်ချက်တွေဟာလည်း မြင်သာထင်သာရှိတဲ့ သတ္တိရှိခြင်းတွေလို့ ဆိုနိုင်ပါတယ်။

ယေဘုယျအနေနှင့်ပြောရင် ကာယသတ္တိရှိခြင်းနှင့် စိတ်သတ္တိအစွမ်းဆိုပြီး ခွဲခြားသိရှိရသလို အဲဒီအတွက် ပြယုဂ်တွေကို အခွင့်အခါသင့်သလို ကြုံဆုံခံစားရလေ့ရှိပါတယ်။ တစ်ခါတစ်ရံကျပြန်တော့ သတ္တိအစစ်အမှန်ကို ထင်ရှားအောင် လက်တွေ့ဖော်ပြလို့ မရနိုင်ပေမယ့် ရင်ထဲကစူးနစ်သွားအောင် ခံစားလိုက်ရတဲ့ ဖြစ်ရပ်မျိုးမှာ တစ်စုံတစ်ဦးရဲ့ စိတ်သတ္တိအစွမ်းကို သိရှိလိုက်နိုင်သည်ပဲပေါ့။

ဆိုပါစို့။ ကိုယ်လက်အဂါင်္ချို့တဲ့နေသူတစ်ဦးဟာ လောကကြီးရဲ့ တစ်ထောင့်တစ်နေရာမှာ အကျိုးပြုနိုင်အောင် ပါဝင်ဆောင်ရွက်နိုင်ခြင်းဟာ စိတ်သတ္တိအင်အား ကြီးမားခြင်းပါပဲ။ မသန်ပေမယ့် စွမ်းသူတွေဟာ ဘဝကို အရှုံးမပေးဘဲ ရှင်သန်ရပ်တည်နေကြ ပါတယ်။ တစ်ခါတစ်ရံမှာတော့ လုပ်ချင်တာထက် လုပ်သင့် လုပ်ထိုက်တာတွေကို တာဝန်ကျေကျေ ဆောင်ရွက်ရတာမျိုးတွေရှိပါတယ်။ နာတာရှည်ဝေဒနာသည်တွေကို စိတ်ရှည်လက်ရှည်ပြုစုတာဟာ လက်တွေ့မှာ ထင်သလောက် မလွယ်လှပါဘူး။ ကိုယ်ပိုင်အချိန် တော်တော်များများကို လူမမာတစ်ယောက်နှင့် ကုန်ဆုံးရတာ တော်တော်လေး စိတ်ရှည်မှဖြစ်တာကိုး။ အထူးသဖြင့် စေတနာသက်သက်နှင့်ပဲ ပြုစုစောင့်ရှောက်ခြင်းမျိုးကို ဆိုလိုပါတယ်။ ကိုယ့်ရဲ့သွေးသားရင်းချာကိုပဲဖြစ်ဖြစ်၊ ခင်ရာဆွေမျိုးဖြစ်တဲ့ သံယောဇဉ်ရှိသူ သူစိမ်းတစ်ယောက်ကိုပဲဖြစ်ဖြစ် နေ့စဉ်ရက်ဆက်ပြုစုစောင့်ရှောက်နိုင်ခြင်းဟာ စိတ်သတ္တိစွမ်းအားကြီးမားခြင်းကို ဖော်ပြနေတယ်။

နောက်တစ်ခုကတော့ သက်ကြီးရွယ်အို မိဘဘိုးဘွားတွေကို မညည်းညူပြုစုခြင်းပါပဲ။ ဒါ့အပြင် ပြင်းထန်တဲ့ ဝေဒနာခံစားနေရတဲ့ မသန်စွမ်း သားသမီးကို (တစ်ဘဝလုံး) လုံးဝမညည်းညူဘဲ ပြုစုစောင့်ရှောက်ခြင်းဟာ မလွဲသာလို့ ထမ်းဆောင်ရတဲ့ (သားသမီးတာဝန်၊ မိဘတာဝန်) ပဲလို့ မပြောနိုင်ပါဘူး။ စေတနာ၊ မေတ္တာအပြင် ကြီးမားတဲ့ စိတ်သတ္တိမျိုးလည်း လိုအပ်သေးတာကြောင့်ပဲပေါ့။

တစ်ခါတုန်းကပေါ့။ ခရီးသည်တင် သဘောင်္ငယ်တစ်စင်းဟာ ရေစီးသန်တဲ့မြစ်တစ်ခုမှာ နစ်မြုပ်သွားတယ်။ ကယ်ပါယူပါ တစာစာအော်နေသူတွေကို မြစ်ကမ်းပေါ်မှာ ရှိသူတွေက မြစ်ထဲခုန်ဆင်းပြီး ကယ်ဖို့ကြိုးစားကြတယ်။ အဲဒီမှာ လူမမည်ကလေးတစ်ယောက်ရေထဲ မြုပ်ခါနီးဖြစ်နေတဲ့ မြင်ကွင်းကို လှမ်းမြင်လိုက်ရတဲ့ မြစ်ကမ်းပေါ်က လူတစ်ယောက်ဟာ ရေထဲကို တစ်ဟုန်တိုးခုန်ဆင်းပြီး ကလေးငယ်ရှိရာကို ရောက်အောင်သွားရင်း ကလေးကိုလှမ်းဆွဲနိုင်ခဲ့တယ်။ နောက်ပြီး တခြားကယ်ဆယ်ရေးသမားတစ်ဦးကို လှမ်းပေးလိုက်တယ်။ သူကိုယ်တိုင်ကတော့ ရေနစ်သေဆုံးသွားခဲ့တယ်။ သူရဲ့မိတ်ဆွေတွေ ပြန်ပြောပြလို့ သိကြရတာက အဲဒီသူဟာ ရေလုံးဝမကူးတတ်သူ မဟုတ်ဘူးဆိုတာပါပဲ။ လတ်တလော ဖြစ်ပေါ်လာတဲ့သတ္တိက သူများအတွက် အသက်စွန့်ကယ်ဆယ်ဖို့ တွန်းအားဖြစ်သွားတဲ့ သဘောပါ။

ရှိသေးတယ်။ အဲဒီသဘောင်္ပေါ်ပါလာတဲ့ ခရီးသည်တွေထဲမှာ မိန်းမနှင့်ကလေးတွေကို ရတတ်သရွေ့ အသက်ကယ်လှေတွေထဲ ချပေးကြတယ်။ (အသက်ကယ်လှေ အရေအတွက် နည်းတယ်) ။ ဒါပေမယ့် ယောက်ျားတွေကတော့ လှေထဲကို လုံးဝမဆင်းကြဘူး။ ယောင်္ကျားတော်တော်များများဟာ သူများအတွက် ကိုယ်ကျိုးစွန့်ရင်း အသက်ဆုံးရူံးခံခဲ့ကြတယ်။ မြင့်မြတ်တဲ့စိတ်သတ္တိကို ချီးကျူးမဆုံးဖြစ်ကြတဲ့အကြောင်း စူမတြာကျွန်းအနီးက အဖြစ်အပျက်တစ်ခုက ဖော်ပြနေပါတယ်။

ကနေဒီးယန်း စစ်ဆေးရုံတစ်ရုံမှာ တက်ရောက်ကုသနေတဲ့ စစ်ပြန် စစ်သားတစ်ဦးကတော့ တကယ့်ကို အထင်ကရပါပဲ။ သူ့ကို ကိုးရီးယားသေနတ်သမားတစ်ယောက်က စစ်မြေပြင်မှာ ပစ်လိုက်တဲ့ ကျည်တောင့်ဟာ တစ်မဆုံကအရိုးကိုထိမှန်ပြီး အဲဒီအရိုးဟာ အပိုင်းအစလေးပေါင်း (၁၀၀) လောက်အထိ ပဲ့စဉ်သွားခဲ့တယ်။ အရိုးအပိုင်းအစလေးတွေက ကိုယ်ခန္ဓာရဲ့တော်တော်များများကို စတီးရိုးတွေနှင့် ဖြည့်စွက်ခဲ့ရတယ်။ ခွဲစိတ်ကုသမှုပြီးလို့ သတိရလာတဲ့အခါ နာကျင်တဲ့ဝေဒနာကို အလူးအလိမ့်ခံစားရတာပေါ့။ သူဟာ အဲဒီဆေးရုံတစ်ခုလုံးမှာ ဒဏ်ရာအပြင်းအထန်ဆုံး ရရှိသူပဲ။ ဒါပေမယ့် ခံစားနေရတဲ့ဝေဒနာကို သတ္တိရှိရှိ ကြိတ်မှိတ်ခံစားရင်း ပြောတာက…
“ကျွန်တော်က သိပ်ကိုကံကောင်းတဲ့သူပါ။ ဘာဖြစ်လို့လဲဆိုတော့ ခြေတွေလက်တွေ ဖြတ်ပစ်ရသူတွေထက်စာရင် အများကြီးသက်သာတာပေါ့။ ကျွန်တော့်မှာ ကိုယ်ပိုင် ခြေတွေလက်တွေ ကျန်နေသေးတယ်လေ။ ခြေလက်တွေ ပြတ်နေရသူတွေကလည်း မျက်စိကန်းသွားသူတွေထက် ကံကောင်းတာပဲ။ ဟော – မျက်စိကန်းသူတွေကလည်း ကိုယ်ခန္ဓာ အောက်ပိုင်းသေသွားသူတွေ ထက်တော့ ကံကောင်းသေးတာပေါ့ဗျာ ” တဲ့။

အဲဒီစစ်သားဟာ သူ့ဝေဒနာကို သတ္တိရှိရှိရင်ဆိုင်ခဲ့တဲ့အပြင် တခြားဝေဒနာသည်တွေကို အားပေးစကားတရင်းတနှီးပြောခဲ့တယ်။ ဒါကြောင့် အဲဒီဆေးရုံမှာတော့ သူ့ရဲ့ဇွဲသတ္တိကို မှတ်တမ်းတင်ရတဲ့အထိပါပဲ။ ကျော်ကြားတဲ့သမားတော်ကြီးတစ်ဦးက “သတ္တိဆိုသော အရာကို ခြားစိတ်ဖြာခြင်း” ဆိုတဲ့စာအုပ်မှာရေးထားတယ်။ “သတ္တိဆိုတာ ခွန်အားမဟုတ်ဘူး၊ နှလုံးသားရဲ့အစွမ်း” လို့ဆိုတယ်။ ဒါကြောင့် ကာယသတ္တိရော စိတ်သတ္တိပါ ပြည့်စုံအောင်ကြိုးပမ်းသင့်တယ်ဆိုတဲ့အကြောင်း။