ဘိုကိုဟရမ်ကို နိုက်ဂျီးရီးယားချေမှုန်းနိုင်ပြီ

မတ် ၂၈၊ ၂၀၁၅
M-Media

– ဘိုကိုဟရမ်က ၎င်းတို့ ခလီဖာနယ်မြေ ဌာနချုပ်အဖြစ် ကြေညာထားသည့် နိုက်ဂျီးရီးယားအရှေ့မြောက်ပိုင်းရှိ ဂိုဇာမြို့အား မိမိတို့တပ်ဖွဲ့များက သိမ်းပိုက်နိုင်ခဲ့ပြီဟု နိုက်ဂျီးရီးယားစစ်တပ်က ယမန်နေ့တွင် ကြေညာလိုက်သည်။

“ဒီမနက်မှာပဲ ရဲရဲတောက် နိုက်ဂျီးရီးယား တပ်ဖွဲ့တွေဟာ မြေပြင်နဲ့ လေကြောင်းက တိုက်ခိုက်မှုအတွင်းမှာ ခလီဖာရဲ့ ဌာနချုပ်လို့ သူတို့ခေါ်တဲ့ ဂိုဇာမြို့ကို လွတ်မြောက်စေခဲ့ပါတယ်” ဟု ယမန်နေ့က ထုတ်ပြန်ခဲ့သော နိုက်ဂျီးရီးယား ကာကွယ်ရေးဝန်ကြီးဌာန၏ ကြေညာချက်တွင် ဗိုလ်မှူး ခရစ် အိုလူကိုလာဒီက ပြောကြားခဲ့သည်။

ထိုတိုက်ခိုက်မှုအတွင်း အကြမ်းဖက်သမား အမြောက်အများ သေဆုံးခဲ့ပြီး အများစုကိုလည်း ဖမ်းဆီးရမိခဲ့ကြောင်း၊ လက်နက်ခဲယမ်းများ မြောက်များစွာ ရရှိခဲ့ကြောင်း၊ ဘိုကိုဟရမ်၏ အုပ်ချုပ်ရေးအဆောက်အဦးများကိုလည်း လုံးဝ ဖျက်ဆီးနိုင်ခဲ့ကြောင်း၊ ထွက်ပြေးသွားသည့်
အကြမ်းဖက်သမားများနှင့် ၎င်းတို့လက်ထဲတွင်ရှိသည့် ဓားစာခံများကို ဆက်လက်ရှာဖွေမှုများ ပြုလုပ်နေကြောင်း အဆိုပါ ကြေညာချက်တွင် ထည့်သွင်းဖော်ပြခဲ့သည်။

ဘိုကိုဟရမ်မှာ ၂၀၁၄ ခုနှစ် သြဂုတ်လက ဂိုဇာနှင့် ပတ်ဝန်းကျင်ရှိ ဒေသများ သိမ်းပိုက်ခဲ့ပြီးနောက် ခလီဖာဒေသအဖြစ် ကြေညာခဲ့ဖြစ်ပြီး၊ မကြာသေးမီကပင် ၎င်းတို့မှာ IS အဖွဲ့၏ မဟာမိတ်ဖြစ်သည်ဟု ကြေညာခဲ့သည်။

နိုက်ဂျီးရီးယားစစ်တပ်မှာ ဘိုကိုဟရမ်အား အမြစ်ဖြတ်ချေမှုန်းရေးအတွက် စစ်ဆင်ရေးကို ယခုလစောပိုင်းက စတင်ခဲ့ခြင်းဖြစ်သည်။

Ref: CNN