ယူရိုခြေစစ်ပွဲအောင်ရန် လုပ်စရာများ ရှိနေသေးသည်ဟု ဘေးလ်ပြော

မတ် ၂၉၊ ၂၀၁၅
M-Media

– အဝေးကွင်းတွင် အစ္စရေးအား ၃ ဂိုးပြတ်ဖြင့် အနိုင်ရခဲ့သော်လည်း ယူရိုခြေစစ်ပွဲအောင်ရေး လုပ်စရာများ မပြီးဆုံးသေးဟု ဝေးလ်စ်တိုက်စစ်မှူး ဂါရက်ဘေးလ်က ပြောကြားလိုက်သည်။

ယနေ့နံနက်က ကစားခဲ့သည့် အဆိုပါပွဲတွင် လာလီဂါ၌ ခြေစွမ်းမပြနိုင်မှုကြောင့် ဝေဖန်ခံနေရသည့် တိုက်စစ်မှူး ဂါရက်ဘေးလ်က ၂ ဂိုး သွင်းယူပေးခဲ့ကာ ၁ ဂိုး ဖန်တီးပေးခဲ့သည်။

အုပ်စုထိပ်ဆုံး ၂ သင်း တွေ့ဆုံခဲ့သည့် အဆိုပါပွဲတွင် အနိုင်ရရှိခဲ့ခြင်းကြောင့် ရှုံးပွဲမရှိသေးသည့် ဝေးလ်စ်မှာ အုပ်စု B ကို ဦးဆောင်နိုင်ခဲ့သော်လည်း ဘေးလ်ကမူ အားထုတ်မှုကို လျှော့ချလိုခြင်း မရှိပေ။

“အသင်းကို ကောင်းမွန်တဲ့အနေအထားကို ကျွန်တော်တို့ ပို့ဆောင်နိုင်ခဲ့ပါတယ်။ ဒါပေမယ့် လုပ်စရာတွေအများကြီး ကျန်ပါသေးတယ်။ ပြီးတော့ ကျွန်တော်တို့လုပ်နိုင်တာအားလုံးက ဆက်လက်တိုက်ပွဲဝင်သွားပြီး ဆက်လက်ကြိုးစားသွားဖို့ပါပဲ” ဟု ဘေးလ်က Sky Sports သို့ ပြောကြားခဲ့သည်။

ထိုပွဲတွင် ဘေးလ်မှာ ရမ်ဆေးနှင့် တွဲဖက်ညီစွာ ကစားနိုင်ခဲ့သည်။ ယူရို ၂၀၁၆ ပြိုင်ပွဲ နောက်ဆုံးအဆင့် ပြိုင်ပွဲဝင်အရေအတွက်ကို ယခင် ၁၆ သင်းမှ ၂၄ သင်းသို့ တိုးချဲ့ခဲ့ပြီးနောက် ပြိုင်ပွဲတိုင်း ၀င်ရောက်ယှဉ်ပြိုင်ခဲ့သော်လည်း အောင်မြင်မှုမရခဲ့သည့် ဝေးလ်စ်ကဲ့သို့ အလယ်အလတ်အသင်းများမှာ နောက်ဆုံးအဆင့် ပြိုင်ပွဲတွင် ၀င်ရောက်ကစားနိုင်ရန်အတွက် မျှော်လင့်ချက် ရှင်သန်လာခဲ့သည်။

ယခုနှစ် ယူရိုခြေစစ်ပွဲ အောင်ပါက ဝေးလ်စ်မှာ ၁၉၈၅ ခုနှစ်နောက်ပိုင်း အဓိက ပြိုင်ပွဲတွင် ပထမဆုံး ခြေစစ်ပွဲ အောင်မြင်ခြင်းလည်း ဖြစ်မည်ဖြစ်သည်။

အုပ်စုပတ်လည် အမှတ်ပေးစနစ်ဖြင့် ကစားသည့် ယူရိုခြေစစ်ပွဲတွင် အုပ်စု ၉ ခုမှ ပထမနှင့် ဒုတိယနေရာရသည့် အသင်းများနှင့် အကောင်းဆုံး တတိယအသင်းမှာ တိုက်ရိုက်ခြေစစ်ပွဲ အောင်မည်ဖြစ်ပြီး ကျန်ရှိသည့် အုပ်စု တတိယ ၈ သင်းမှာ မဲစနစ်ဖြင့် ရှုံးထွက်ပွဲကစားကာ ၄ သင်းမှာ ခြေစစ်ပွဲအောင်မည်ဖြစ်သည်။ အိမ်ရှင်အဖြစ် လက်ခံကျင်းပသည့် ပြင်သစ်အသင်းမှာ အလိုအလျောက်
ပါဝင်ကစားခွင့် ရထားသည်။

Ref: Goal.com