မက္ကဆီကိုတွင် ဓာတ်ဆီကားတိမ်းမှောက်ပေါက်ကွဲရာမှ လူ ၄ ဦး သေဆုံး

မတ် ၂၉၊ ၂၀၁၅
M-Media

– မက္ကဆီကိုနိုင်ငံတွင် တိမ်းမှောက်သွားသော ဓာတ်ဆီတင်ယာဉ် မီးလောင်ပေါက်ကွဲမှုကြောင့် ကလေးငယ် ၂ ဦး အပါအ၀င် လူ ၄ ဦးသေဆုံးခဲ့ပြီး ၃၄ ဦး ဒဏ်ရာရရှိခဲ့သည်ဟု သိရသည်။

နိုင်ငံတောင်ပိုင်း တိုဘက်စ်ကို ပြည်နယ်ရှိ မြို့ ၂ မြို့အကြားရှိ လမ်းတစ်ခုတွင် ဓာတ်ဆီ ၁၅၈၅၀ ဂါလံ တင်ဆောင်လာသော ကားကြီးမှာ ယမန်နေ့က တိမ်းမှောက်ခဲ့ခြင်းဖြစ်ပြီး နောက်ပိုင်းတွင် မီးလောင် ပေါက်ကွဲခဲ့ခြင်း ဖြစ်သည်။

ကားတိမ်းမှောက်ရာမှ ဖိတ်စင်ကျလာသော ဓာတ်ဆီများကို အနီးတစ်ဝိုက်ရှိ ဒေသခံများက လာရောက် ယူဆောင်ခဲ့ကြပြီး အာဏာပိုင်များက ပေါက်ကွဲနိုင်သည်ဟု ဆိုကာ ထိုနေရာနှင့် အဝေးသို့သွားရန် သတိပေးခဲ့သော်လည်း အဆိုပါ သတိပေးချက်ကို ဒေသခံများက လိုက်နာခဲ့ခြင်းမရှိပေ။

သေဆုံးသူ ၄ ဦးတွင် ၂ ဦးမှာ အခင်းဖြစ်ပွားရာနေရာတွင်ပင် သေဆုံးခဲ့ကာ အခြား ၂ဦးမှာ ဆေးရုံတွင် သေဆုံးခဲ့သည်။

“လိုချင်တပ်မက်စိတ်နဲ့ အာဏာပိုင်တွေရဲ့ ညွှန်ကြားချက်တွေကို မလိုက်နာကြတဲ့ သူတွေဟာ အန္တရာယ်ကို မကြည့်ဘဲ ဓာတ်ဆီတွေကို ယူငင်ခဲ့ကြပါတယ်” ဟု လူထုလုံခြုံရေးအေဂျင်စီက ထုတ်ပြန်သော ကြေညာချက်တွင် ဖော်ပြခဲ့သည်။

ဒဏ်ရာရရှိသူ အများစုမှာ ပေါက်ကွဲမှုကြောင့် ပြင်းထန်သော မီးလောင်ကျွမ်းဒဏ်ရာများ ရရှိခဲ့သည်ဟု ပြည်နယ်ကျန်းမာရေး ၀န်ကြီးဌာနက သတင်းထုတ်ပြန်ခဲ့သည်။

Ref: RT