အစွန်းရောက်မှုကို တွန်းလှန်ရေး လူငယ်ပွဲတော်တစ်ခုကို ဗြိတိန် မွတ်စလင်များ ပြုလုပ်

မတ် ၃၀၊ ၂၀၁၅
M-Media

– မွတ်စလင်လူငယ်များ အစွန်းရောက်ခြင်းမှ သွေဖည်ပြီး ဗြိတိန်မွတ်စလင်ကောင်းတစ်ယောက် ဖြစ်လာရေး အာရုံစိုက်ရန်နှင့် မွတ်စလင်လူငယ်များ၏ တောက်ပသော စွမ်းရည်ကို ပြသရန်အတွက် ရာနှင့်ချီသော ဗြိတိန်မွတ်စလင်များက လူငယ်ပွဲတော်တစ်ခုကို ပြုလုပ်ခဲ့သည်ဟု သိရသည်။

အဆိုပါ လူငယ်ပွဲတော်ကို Muslim Youth Focus အဖွဲ့မှ စီစဉ်ကာ မတ်လ ၂၉ ရက်နေ့တွင် ကျင်းပခဲ့ခြင်းဖြစ်ပြီး အစွန်းရောက်ခြင်းကဲ့သို့သော ပြဿနာများနှင့်ပတ်သက်၍ စိုးရိမ်ကြောင်း လူသိရှင်ကြား ဖော်ပြရန် ရည်ရွယ်ခဲ့ခြင်းဖြစ်သည်။

“လူမျိုးကွဲပြားမှုတွေ၊ လိင်ကွဲပြားမှုတွေကို ဘေးဖယ်ထားပြီး ဗြိတိန်မွတ်စလင်လူငယ်တွေဟာ လူ့အခွင့်အရေးကို လေးစား၊ တူညီတဲ့အခွင့်အလမ်းတွေကိုပေးတဲ့၊ ဘာသာတရားကို ကျင့်သုံးနိုင်အောင် ခွင့်ပြုတဲ့ ဗြိတိန်လိုနိုင်ငံမျိုးမှာနေရတာကို ဂုဏ်ယူသင့်ပါတယ်။ အဲဒီလူငယ်တွေကို နိုင်ငံရဲ့ ဆုံးဖြတ်ချက်ချတဲ့ လုပ်ငန်းတွေမှာ အဓိကအခန်းကဏ္ဍကနေ ပါဝင်လာဖို့ စွမ်းအားမြှင့်တင်ပေးသင့်ပါတယ်။ ပြီးတော့ နိုင်ငံရေးမှာ ပါဝင်ဖို့၊ စစ်တပ်ထဲဝင်ဖို့၊ ရဲတပ်ဖွဲ့ ဒါမှမဟုတ် တရားရေးအဖွဲ့တွေထဲ ၀င်ဖို့လည်း သူတို့ ကြိုးစားသင့်ပါတယ်”
ဟု ၀ဒ်ဖို့ဒ်တောင်ပိုင်း ဗလီဝတ်ကျောင်းတော်မှ ရှေ့ဆောင်အီမာမ်ဖြစ်သူ ဒေါက်တာ မိုဟာမက် ဖာဟင်မ်က ပြောကြားခဲ့သည်။

အဆိုပါ လူငယ်ပွဲတော်မှာ ယနေ့ခေတ် ယူကေတွင် ဗြိတိန်မွတ်စလင်လူငယ်ကောင်းတစ်ယောက် ဖြစ်ရန် ရည်ရွယ်သော အကြောင်းအရာကို ဆန်းစစ်ကြရန် မွတ်စလင်လူငယ်များ၊ ရဲတပ်ဖွဲ့ဝင်များ၊ ဆရာ၊ ဆရာမများ၊ ဘာသာရေးခေါင်းဆောင်များနှင့် ထင်ရှားကျော်ကြားသူများ အာရုံစိုက်လာရန်အတွက် ပထမဆုံး ကျင်းပသည့် ပွဲတော်လည်း ဖြစ်သည်။

“အစွန်းရောက် သတင်းတွေ၊ အစွန်းရောက်အဖြစ်အပျက်တွေနဲ့ လွှမ်းမိုးနေတဲ့ ကမ္ဘာကြီးမှာ ဒါတွေရဲ့ သက်ရောက်မှုကို အများဆုံးခံရတဲ့ လူငယ်တွေရဲ့ ခံစားချက်တွေကို တစ်ခါတစ်လေကျရင် လစ်လျူရှုသွားတတ်ကြပါတယ်။ လူငယ်တွေ သူတို့ရဲ့ ခံစားချက်တွေကို ဖွင့်ထုတ်ဖို့၊ လူအဖွဲ့အစည်းအားလုံးအတွက် ထူးခြားမှုတစ်ခု ဖြစ်လာမယ့် သူတို့ရဲ့ အတွေးအခေါ်တွေ၊ အဖြေတွေကို အဆိုပြုဖို့ အခွင့်ပေးခြင်းအားဖြင့် ဒီပွဲတော်က ဒီလို လစ်လျူရှုမှုကို ပြောင်းလဲပစ်ဖို့ ရည်ရွယ်ပါတယ်” ဟု Met လူ့အဖွဲ့အစည်း စေ့စပ်ပေးရေးအဖွဲ့မှ တပ်ကြပ် ဂျာဗာရီယာ စအီးဒ်က London Evening Standard သတင်းစာသို့ ပြောကြားခဲ့သည်။

အဆိုပါ လူငယ်ပွဲတော်ကို ဂီတကြယ်ပွင့် Naughty Boy တစ်ဖြစ်လဲ ရှာဟစ်ဒ် ခန်း အပါအ၀င် ထင်ရှားကျော်ကြားသည့် မွတ်စလင်များ တက်ရောက်ခဲ့ကြသည်။ ရှာဟစ်ခန်းမှာ One Direction အဖွဲ့မှ ထွက်တော့မည်ဟု ကြေညာထာသည့် မွတ်စလင်အဆိုတော် ဇေယန် မာလစ်နှင့် အလုပ်တွဲလုပ်နေသူလည်း ဖြစ်သည်။

ထို့ပြင် Diary of Badman ဇာတ်လမ်းစီးရီးကို ဖန်တီးခဲ့သူ YouTube နာမည်ကြီး ဟမ်ဇာ အာရှက်ဒ်လည်း တက်ရောက်ခဲ့သည်။

အဆိုပါ မွတ်စလင်လူငယ်ပွဲတော်ကို အခြားသော တာဝန်ရှိသူများကလည်း ချီးကျူးခဲ့ကြသည်။

“ဒီပွဲက ကျွန်တော်တို့ဟာ အမုန်းတရား၊ အစွန်းရောက်ဝါဒရဲ့ ပုံစံအားလုံးကို ဆန့်ကျင်ပြီး တစ်ခုတည်းသော လူ့အဖွဲ့အစည်းအဖြစ် အတူတကွ ရပ်တည်ကြမယ်ဆိုတာကို ရှင်းရှင်းလင်းလင်း ကြေညာလိုက်တာလည်း ဖြစ်ပါတယ်” ဟု Met လူ့အဖွဲ့အစည်း စေ့စပ်ပေးရေးအဖွဲ့မှ တပ်မှူး မာ့က် ချစ်ရ်ှတီက ပြောကြားခဲ့သည်။

ဗြိတိန်တွင် အစ္စလာမ်ဘာသာဝင်ဦးရေ စုစုပေါင်း ၂.၇ သန်းခန့်ရှိပြီး တတ်သိပညာရှင်များအဖွဲ့ဖြစ်သော Demo က ၂၀၁၁ ခုနှစ်တွင် ကောက်ယူခဲ့သော စစ်တမ်းများအရ ယူကေရှိ မွတ်စလင်များမှာ အခြား နိုင်ငံသားများထက် ပို၍ တိုင်းချစ်ပြည်ချစ်စိတ်ရှိသည်ဟု သိရသည်။

Ref: Onislam