စင်ကာပူ ၀န်ကြီးချုပ်ဟောင်း လီကွမ်ယု၏ ဈာပနအခမ်းအနား ကျင်းပ

မတ် ၃၀၊ ၂၀၁၅
M-Media

– စင်ကာပူနိုင်ငံကို တံငါကျွန်းကလေးဘ၀ကနေ ဖွံ့ဖြိုးတိုးတက်တဲ့ နိုင်ငံတစ်ခုဖြစ်လာအောင် ဦးဆောင်လမ်းပြ ပေးခဲ့ပြီး စင်ကာပူရဲ့ ဖခင်ကြီးလို့ တင်စားခံရတဲ့ မစ္စတာ လီကွမ်ယုရဲ့ နိုင်ငံတော် ဈာပနအခမ်းအနားကို ယမန်နေ့က ကျင်းပခဲ့ပါတယ်။

အဆုတ်ရောဂါနဲ့ ပြီးခဲ့တဲ့ တနင်္လာနေ့က ကွယ်လွန်သွားခဲ့တဲ့ မစ္စတာလီကွမ်ယုအတွက် မိသားစု ဈာပနအခမ်းအနား ကျင်းပခဲ့ပြီးတဲ့နောက် ရုပ်ကလပ်ကို ပြီးခဲ့တဲ့ ဗုဒ္ဓဟူးနေ့ကစလို့ ပါလီမန်အဆောက်အဦးမှာ ထားခဲ့ပြီး တစ်ကာပူတစ်နိုင်ငံလုံးနဲ့ အခြားနိုင်ငံက အကြီးအကဲတွေ လာရောက် ဂါရ၀ပြုခွင့် ပေးခဲ့ပါတယ်။

တရားဝင်စာရင်းအရ လာရောက် ဂါရ၀ပြုသူအရေအတွက်ဟာ တစ်နာရီကို ပျမ်းမျှ ၆၅၀၀ ခန့်ရှိပြီး ဗုဒ္ဓဟူးနေ့ကနေ စနေနေ့အထိ လူပေါင်း ၄၅၄၆၈၇ ဦးအထိ ရှိခဲ့ပါတယ်။

မနေ့က ကျင်းပခဲ့တဲ့ ဈာပနအခမ်းအနားမှာ မစ္စတာလီကွမ်ယုရဲ့ ရုပ်ကလပ်ကို ပါလီမန်အဆောက်ဦးကနေ ဂုဏ်ပြုတပ်ဖွဲ့၊ သားဖြစ်သူ လက်ရှိဝန်ကြီးချုပ် လီရှန်လွန်းအပါအ၀င် မိသားစုတွေ၊ လုပ်ဖော်ကိုင်ဖက် အဟောင်းတွေနဲ့အတူ တက္ကသိုလ် ယဉ်ကျေးမှုစင်တာ UCC ကို သယ်ဆောင်ခဲ့ကြပါတယ်။

အဲဒီလိုသယ်ဆောင်စဉ်အတွင်းမှာ မစ္စတာလီကွမ်ယု အလုပ်လုပ်ခဲ့တဲ့ ပါလီမန်ဟောင်း အဆောက်အအုံ၊ အမျိုးသားနေ့ စစ်ရေးပြမှု ပထမဆုံးပြုလုပ်ခဲ့တဲ့ Padang ကွင်းပြင်၊ ၁၉၅၉ ခုနှစ်မှာ မစ္စတာ လီကွမ်ယုရဲ့ PAP ပါတီအစိုးရ အနိုင်ရပြီး ချီတက်ခဲ့တဲ့ မြို့တော်ခန်းမအဟောင်း စသဖြင့် သမိုင်းဝင်နေရာတွေကို ဖြတ်သန်း သွားခဲ့ပါတယ်။

တစ်ချိန်တည်းမှာပဲ စစ်ကာပူစစ်တပ်ကလည်း သေနတ် ၂၁ ချက်ပစ်ဖောက် အလေးပြုခဲ့ကြပါတယ်။ Esplanade တံတားကို ဖြတ်သန်းသွားတဲ့အချိန်မှာတော့ စင်ကာပူရေတပ်က ချီတက်ခုတ်မောင်းကာ ဥသြဆွဲ ဂါရ၀ ပြုခဲ့ကြပြီး လေတပ်က တိုက်လေယာဉ်တွေကတော့ လေပေါ်မှာ ပျံဝဲကာ ဂါရ၀ ပြုခဲ့ကြပါတယ်။

မစ္စတာလီကွမ်ယုရဲ့ ရုပ်ကလပ်ကို တင်ဆောင်တဲ့ယာဉ်တန်းဟာ မြို့ရဲ့အခြားနေရာတွေကို ဖြတ်သန်းပြီးနောက်ပိုင်းမှာတော့ စင်ကာပူရဲ့ သံယဇာတရင်းမြစ်ဟာ လူ့စွမ်းအားအရင်းအမြစ်ဖြစ်တယ်ဆိုတဲ့ လီကွမ်ယုရဲ့ သဘောထား အခြေတည် ဖော်ဆောင်ခဲ့ရာ စင်ကာပူအမျိုးသားတက္ကသိုလ်ထဲကို ၀င်ရောက်သွားခဲ့ပါတယ်။

တက္ကသိုလ်ထဲက UCC မှာပြုလုပ်တဲ့ နိုင်ငံတော် ဈပနာအခမ်းအနားကို မိသားစုဝင်တွေ၊ စင်ကာပူခေါင်းဆောင်တွေ၊ နိုင်ငံရပ်ခြားက အကြီးအကဲတွေနဲ့ သာမန် စင်ကာပူနိုင်ငံသားတွေ စုစုပေါင်း ၂၂၀၀ ကျော်လောက် တက်ရောက်ခဲ့ကြပြီး မစ္စတာလီကွမ်ယုကို တစ်နိုင်ငံလုံး တစ်မိနစ်ခန့် ငြိမ်သက် ဂါရ၀ ပြုခဲ့ကြပါတယ်။

ဈာပနအခမ်းအနား ပြုလုပ်မယ့် နေရာကို သယ်ဆောင်သွားတဲ့ လမ်းဘေးဝဲယာ တစ်လျှောက်လုံးမှာ သိန်းနဲ့ ချီတဲ့ စင်ကာပူပြည်သူတွေဟာ သူတို့ရဲ့ ခေါင်းဆောင်ကြီးကို မိုးတစ်ဖွဲဖွဲကြားမှာ နောက်ဆုံး နှုတ်ဆက်ခဲ့ကြပါတယ်။

သားဖြစ်သူ လီရှန်လွန်းကတော့ မစ္စတာလီကွမ်ယု တည်ထောင်ပေးခဲ့တဲ့ ကြွယ်ဝတဲ့ စင်ကာပူနိုင်ငံကြီးဟာ သူ့ရဲ့ အထိမ်းအမှတ် အဆောက်အဦးပဲဖြစ်တယ်လို့ ဈာပနအခမ်းနားမှာ ထုတ်ပြန်တဲ့ ကြေညာချက်မှာ ဖော်ပြထားပါတယ်။

မစ္စတာလီကွမ်ယုကို နောက်ဆုံးဂါရပြုဖို့အတွက် စင်ကာပူတစ်နိုင်ငံလုံးမှာ နေရာ ၁၈ နေရာသတ်မှတ်ပေးခဲ့ပြီး အဲဒီနေရာတွေကို လာရောက် ဂါရ၀ပြုကြသူအရေအတွက်ဟာ ပြီးခဲ့တဲ့ ၆ ရက်အတွင်းမှာ ၁.၂ သန်းလောက် ရှိခဲ့ပါတယ်။