Facebook ရုံးခန်း အဆောက်အဦးသစ်သို့ ပြောင်းရွှေ့

မတ် ၃၁၊ ၂၀၁၅
M-Media

– ကမ္ဘာတစ်ဝှမ်း လူသန်းပေါင်း ရာနဲ့ချီ အသုံးပြုနေကြတဲ့ Facebook ရဲ့ ရုံးကို ကယ်လီဖိုးနီးယား မန်လိုပါ့က်က အဆောက်အဦးကို ပြောင်းရွှေ့ခဲ့တယ်လို့ တည်ထောင်သူ မာ့က် ဇူကာဘာ့ဂ်က သူ့ရဲ့ Facebook စာမျက်နှာကတစ်ဆင့် ကြေညာလိုက်ပါတယ်။

အဲဒီအဆောက်အဦးမှာ လူထောင်နဲ့ချီဆန့်တဲ့ ကမ္ဘာ့အကြီးဆုံး ဟောခန်းကြီးတစ်ခု ပါဝင်ပြီး၊ ၀န်ထမ်းတွေ လွယ်လွယ်ကူကူသွားလာနိုင်ကာ ကြိုက်တဲ့သူနဲ့ အတူတကွ ပူးပေါင်းအလုပ်လုပ်နိုင်မယ့် နေရာငယ်လေးတွေလည်း ဖန်တီးပေးထားပါတယ်။

အဆောက်အဦးရဲ့ ခေါင်မိုးမှာတော့ ၉ ဧကလောက်ကျယ်တဲ့ ပန်းခြံတစ်ခုကို တည်ဆောက်ထားပြီး လျှောက်လမ်းတွေ၊ ထိုင်ပြီး အလုပ်လုပ်နိုင်တဲ့ နေရာတွေကိုလည်း ထည့်သွင်းပေးထားပါတယ်။

ဇူကာဘာ့ဂ်ကတော့ အဆောက်အဦးအသစ်ကို ပြောင်းရွှေ့ရခြင်းဟာ သူတို့အဖွဲ့တွေ အတူတကွ အလုပ်လုပ်နိုင်ဖို့အတွက် ပြီးပြည့်စုံပြီး ဆန်းသစ်တဲ့ နေရာတစ်ခုကို ဖန်တီးပေးဖို့နဲ့ ကမ္ဘာတစ်ဝှမ်းကို ၀န်ဆောင်မှုတွေပေးနိုင်အောင် ကြိုးစားနေတဲ့ အဖွဲ့တွေအကြားမှာ တူညီတဲ့ လူ့အဖွဲ့အစည်းစိတ်ဓာတ်နဲ့ ဆက်သွယ်မှုတွေ ဖန်တီးပေးဖို့ ရည်ရွယ်တာဖြစ်တယ်လို့ ဆိုပါတယ်။

“ဒီအဆောက်အဦးကိုယ်တိုင်က တော်တော်လေးရိုးရှင်းပြီး ထူးခြားမှုလည်း မရှိပါဘူး။ အဲဒီလို ရည်ရွယ်ပြီး ဆောက်လုပ်ခဲ့တာပါ။ ကျွန်တော်တို့ရဲ့နေရာကို အလုပ်တွေ ဆက်လုပ်နေတဲ့ နေရာမျိုးအဖြစ် ခံစားရစေချင်ပါတယ်။ ကျွန်တော်တို့ အဆောက်အဦးထဲကို ၀င်လာတဲ့အခါ ကမ္ဘာကြီးကိုဆက်သွယ်ဖို့ ကျွန်တော်တို့ရဲ့ လုပ်ငန်း ဘယ်လောက်ကျန်နေသေးလဲဆိုတာ ခင်ဗျားတို့ကို ခံစားစေချင်ပါတယ်” လို့ ဇူကာဘာ့ဂ်က သူ့ရဲ့ Facebook စာမျက်နှာမှာ ဖော်ပြထားပါတယ်။

နောက်ပြီး ဒီအဆောက်အဦးကို တရားဝင်ဖွင့်ပြီးတဲ့နောက်မှာ အဆောက်ဦးရဲ့ ဓာတ်ပုံနဲ့ အဆောက်အဦး အကြောင်းအရာတွေကို ထပ်ပြီး ဖော်ပြသွားမယ်လို့ သူက ဆိုပါတယ်။