လူမှုရေး စိတ်တွေရှိတယ်ဆို

ဧပြီ ၃ ၊ ၂၀၁၅
M-Media
နှင်းဆီခင်ရေးသည်။

လူဆိုတာက ယေဘုယျသဘောအနေနှင့် အတ္တကို ဗဟိုပြုတတ်ကြတာ သဘာဝပေါ့နော်။ ကိုယ့်အတွက် ကိုယ်သံယောဇဉ်တွယ်တဲ့ ဘဝ လက်တွဲဖော်နောက်လိုက်ပြီး မိသားစု အသိုင်းအဝိုင်း စတာတွေရဲ့  အကျိုးစီးပွားကိုခေါင်းထဲ ထည့်ထားဖြစ်ကြတာကိုး။ အဲဒီလို ကိုယ့်ကိုကိုယ် ဦးစားပေးရာမှာ သာမန်ထက် လွန်ကဲလာရင်တော့ အတ္တကြီးသူဘဝကို ရောက်မှန်း မသိရောက်သွားရော။ ဒီတော့လည်း အမှားကိုမမြင်၊ တော်၏၊ မတော်၏ မတွေးတော့ဘဲ ကိုယ့်ဖို့ဆိုတာကိုချည်း တစ်စိုက်မတ်မတ် လုပ်လာပြီပေါ့။ လောဘ၊ ဒေါသနှင့် ညှာတမှုကင်းခြင်းတွေက အကျိုးဆက်အဖြစ် လက်တွေ့ထင်ရှားလာမှတော့ လူ့အသိုင်းအဝိုင်းက ငြိုငြင်အပြစ်တင်လာမှာတော့ မဆန်းပါဘူး။ ငတေ မာမာချာချာ ရှိဖို့အတွက် တစ်လောကလုံး သေပလေ့စေ မမှုပါဘူးဆိုတဲ့ စိတ်ဓာတ်ဟာ အတ္တကြီးခြင်းရဲ့ သင်္ကေတတစ်ခုလို့ ဆိုရမယ်။

ဒါပေမယ့် ဒီစိတ်ဓာတ်မျိုးဟာ ပင်ကိုယ်သဘာဝ အရ အခြေတည်လာတယ်လို့တော့ တစ်ထစ်ချ မပြောနိုင်ပါဘူး။ တစ်စုံတစ်ယောက်ဟာ သူကြီးပြင်းခဲ့ရတဲ့ ပတ်ဝန်းကျင်ရဲ့ သြဇာလွှမ်းမိုးမှုကြောင့်ပဲဖြစ်ဖြစ်၊ စိတ်ထားမြင့်မြတ်မှု မရှိတဲ့ သူတွေရဲ့ အရောင်ဆိုးမှုကို ခံရတာကြောင့်ပဲဖြစ်ဖြစ်၊ နဂိုဖြူစင်နေတဲ့ စိတ်ထားလေးက ညစ်ထေးသွားတတ်တာမျိုး။ ကိုယ်တစ်ယောက်တည်း (ကိုယ့်မိသားစုအပါအဝင်) ကြီးပွားချမ်းသာဖို့အတွက် အများကို နင်းပြီးတက်တဲ့အခါ ပြုခဲ့တဲ့ မတရားမှုတွေရဲ့ ရောင်ပြန်ဟပ်ခြင်းကိုတော့ မလွဲမသွေ ခံစားရတတ်ပါတယ်။ ဒါဟာလောကနိယာမတစ်ခု။ နှလုံးသားထဲမှာ အတ္တစိတ်ချည်း ပြည့်နေတာထက် သူများအတွက်ဆိုတာလေးကို နည်းနည်းပါးပါး နေရာပေးရင်တော့ လူသားဆန်သူတစ်ဦးအဖြစ် ရပ်တည်နိုင်မှာ အသေအချာပါပဲ။

နေ့စဉ်ဘဝမှာ လူတစ်ယောက်ဟာ အပြုသဘောဆောင်တဲ့ တုံ့ပြန်မှု ဒါမှမဟုတ် အပျက်သဘောဆောင်တဲ့ တုံ့ပြန်မှုမျိုးကို ပြုတတ်ကြတယ်လို့ ဆိုပါတယ်။ တစ်နည်းပြောရရင် အဲဒီသူဟာ သူရဲ့အင်အားကို ကောင်းကျိုးပြုရာမှာပဲ ဖြစ်ဖြစ် ဆိုးကျိုးပြုရာမှာပဲ ဆိုဆို အသုံးချတဲ့သဘောပါ။ အကောင်းမြင်ပြီး ကောင်းကျိုးလုပ်ရာမှာ မွေ့လျော်သူဟာ ဖြစ်ရပ်တိုင်းကို အကောင်းဘက်က မြင်တတ်တွေးတတ်တယ်။ ဒီတော့လည်း လူမှုရေးစိတ်ဓာတ် အပြည့်ရှိသူအဖြစ် အပေါင်းအသင်း မိတ်ဆွေ ပေါများလေ့ရှိတယ်။ သူနှင့်ဆက်ဆံဖြစ်တဲ့သူတိုင်းမှာ စိတ်ချမ်းသာစရာလေး တစ်ခုခုကို ခံစားရတာ အမှန်ပဲမို့ အပျော်လေးတွေ ကူးစက်စိမ့်ဝင်တာကို လက်တွေ့ကြုံဖူးကြမှာပါ။ လူမှုရေးစိတ်ရှိသူဟာ အပေါင်းအသင်းတွေအလယ်မှာ အများက လိုလားနှစ်သက်လက်ခံတာကို အသေအချာ နားလည်သိရှိခွင့်ရတယ်။

လူမှုရေးစိတ်ဓာတ်ရှိသူ တစ်ဦးဆိုတာ ကိုယ်ကျိုး လုံးဝစွန့်လွှတ်တာမျိုး မဟုတ်သည့်တိုင် သူများအတွက်ဆိုတဲ့ စာနာ စိတ်ကလေး ထည့်တွေးတတ်တယ်။ လက်တွေ့မှာလည်း တစ်နိုင်တစ်ပိုင် ဆောင်ရွက်သူ လို့ဆိုပါရစေ။ အဲဒီလိုလူမျိုးဟာ လူတွေရဲ့မကောင်းတဲ့ အချက်တွေကိုချည်း ရွေးမနေဘူး။ ကောင်းကွက် မကောင်းတဲ့ အချက်တွေကိုချည်း ရွေးမနေဘူး။ ကောင်းကွက်လေးတွေကို ရှာပြီး ကြည့်တတ်မြင်တယ်။ နောက်ပြီး သူ့ကိုလက်ခံလိုလား။ သူအရေအတွက်ဟာ မနှစ်မြို့ဘဲ စကားဆိုမဲ့သူတွေထက် များတယ်ဆိုတာ အခိုင်အမာယုံကြည်ပြီးသား။ သူ့ရဲ့လုပ်ရပ်တွေကို (မနာလိုစိတ်ပွားပြီး) မေးငေါ့သူတိုင်းရဲ့ စိတ်ထားကို ဥပေက္ခာပြုထားလိုက်တယ်။ ဒီတော့ အဲဒီလူတွေနှင့် ဟန်မပျက်ဆက်ဆံနိုင်တယ်။ သူတို့ပြောသမျှဆိုသမျှကို တနုံ့နုံ့ခံစားမနေဘူး။ ကောင်းကျိုး တစ်ခုခုပြုရင်း လောကမှာ နေပျော်အောင် လူမှုရေးအသိစိတ်နှင့် ဆောင်ရွက်နိုင်တာကိုပဲ အားရကျေနပ် ဖြစ်နိုင်တယ်။ သူ့အယူအဆ သဘောထားနှင့် မကိုက်ညီခဲ့ရင် ဒေါသတကြီး မဖြစ်ဘဲ ကွဲလွဲမှုကို လက်ခံနိုင်တယ်။ ဒါဟာ လူမှုရေးစိတ်အပြည့်အဝရှိသူရဲ့ ထူးခြားတဲ့ အရည်အသွေးတစ်ခုပါပဲ။

ရှိသေးတယ်။ သူ့အနေနှင့် တစ်ခါတစ်ရံမှာတော့ လူ့သဘာဝအရ အမှားအယွင်းလေးတွေ ပြောမိလုပ်မိမှာ သေချာတယ်။ တစ်ခါတစ်လေတော့လည်း စေတနာအမှားလို့ ဆိုရမယ်။ အဲဒီလိုကြုံတဲ့အခါတိုင်း အမှားကို နှောင့်နှေးမနေဘဲ အလျင်အမြန် ဝင်ချတောင်းပန် တတ်တယ်။ ဒီတော့လည်း ရင်ထဲမှာ တေးထားမှတ်ထားတာတွေ ဘာမှမရှိတော့တာမို့ စိတ်ရှင်းသွားမှာတော့ အသေအချာပဲပေါ့။

ကိုယ်နှင့်ဆက်နွယ်နေသူတွေရဲ့ အခက်အခဲတွေ ရင်ဖွင့်သမျှတွေကို စိတ်ဝင်တစား နားထောင်ပေးပြီး နှုတ်၏စောင်မခြင်း၊ လက်၏စောင်မခြင်း မျိုးကို မဆိုင်းမတွပေးဖို့ အမြဲတမ်း စဉ်းစားပေးတယ်။ ပါးစပ်ကနေ နှုတ်ကတိ လွယ်လွယ်ပေးပြီး အဖျားရှုးသွားတာမျိုးကို လူ့အသိုင်းအဝိုင်းက ရေရှည် လက်ခံလေ့မရှိကြဘူး။ ဒါကြောင့် လူမှုရေးစိတ်ရှိတယ်ဆိုရာမှာ သူများရဲ့အခက်အခဲ အကြပ်အတည်းတွေကို လူသားဆန်ဆန် တတ်စွမ်းသမျှ ကူညီယိုင်းပင်းတာမျိုး။ စကားပြောကောင်းပြီး လေစကားလေထဲပျောက်၊ လက်တွေ့မပါသူကို ပတ်ဝန်းကျင်က လက်မခံချင်ကြဘူး။

လူသားကောင်းကျိုးဆိုတဲ့ ဦးတည်ချက်တစ်ခုတည်းကို ခေါင်းထဲမှာ သံမှိုစွဲသလို မြဲမြဲမြံမြံရှိသူဟာ ကိုယ်နှင့်ဆက်နွယ်နေသူတွေကို အာရုံစိုက်တယ်။ စိတ်ဝင်တစားလည်း ရှိတယ်။ ပေါ့ပါးရွှင်လန်းတဲ့ ဟန်ပန် အမူအရာမျိုးကို ပိုင်ဆိုင်ထားတာကြောင့် မြင်ရသူတွေမှာ အပျော်အလေးတွေ ကူးစက်ပြီး စိတ်လက်ပေါ့ပါးသွားရော။

စိတ်ခံစားမှုဆိုတာက ကူးစက်တတ်တဲ့ သဘောရှိတာမို့ သောကတွေ ဒေါသတွေ လွှမ်းနေသူနှင့် တွေ့ကြုံရဖန်များလာတဲ့အခါ ကိုယ့်စိတ်တွေပါ လေးလံဆိုးညစ်ကုန်တယ်။ လောကကြီးကို အလှဆင်နိုင်ဖို့ တစ်ထောင့်တစ်နေရာလေးက ပါဝင်ခွင့်ရသူဟာ လူမှုရေးစိတ်ရှိပြီး လူသားအကျိုး သယ်ပိုးသူတစ်ဦးဆိုတာတော့ သံသယပွားစရာမလိုအောင် ယုံကြည်ကြရအောင်ပါလို့။

နှင်းဆီခင်