ရော်နယ်ဒိုနှင့် မက်ဆီမှာ လက်ရှိအချိန်တွင် အကောင်းဆုံးဖြစ်သည်ဟု ဖာဂူဆန်ပြော

ဧပြီ ၃၊ ၂၀၁၅
M-Media

– ရော်နယ်ဒိုနှင့် မက်ဆီတို့မှာ ကမ္ဘာ့ဘောလုံးလောကတွင် လိုက်မမီသည့် ကစားသမားများ ဖြစ်နေဆဲဖြစ်ပြီး နေးမာ အနေဖြင့် ၎င်းတို့နှစ်ဦးအား ယှဉ်ရန်အတွက် ကြိုးစားရဦးမည်ဟု မန်ယူဂန္တ၀င်နည်းပြဟောင်း ဆာအဲလက်စ် ဖာဂူဆန်က ပြောကြားလိုက်သည်။

ရော်နယ်ဒိုမှာ ဖာဂူဆန်၏လက်အောက်တွင် ၆ နှစ်ကြာ ကစားခဲ့ဖူးပြီး ၂၀၀၉ ခုနှစ်က ရီးယဲလ်သို့ပြောင်းရွှေ့သွားပြီးနောက် ကမ္ဘာ့အကောင်းဆုံး ဘောလုံးသမားဆုကို ၂ ကြိမ် ရရှိခဲ့သည်။ မက်ဆီမှာလည်း ချန်ပီယံလိဂ် ဖိုင်နယ် ၂ ပွဲအပါအ၀င် ပွဲအတော်များများတွင် ဖာဂူဆန်နှင့် ဆုံးဖူးပြီး ဖာဂူဆန်ကမူ ၎င်းတို့ ၂ ဦးမှာ ကစားသမားအားလုံး၏ အပေါ်တွင် ရှိနေသည်ဟု
ဆိုသည်။

“ခင်ဗျားတို့ပြောပြောနေတဲ့ ဒီလိုကစားသမားတွေ ထွက်လာဖို့ဆိုရင်တော့ ဘိုင်ယန်မြူးနစ်၊ ဘာစီလိုနာ၊ ရီးယဲလ်မက်ဒရစ်နဲ့ မန်ချက်စတာယူနိုက်တက် အသင်းတွေကို အမြဲတမ်းစောင့်ကြည်ရပါမယ်။ ဒါပေမယ့် ရိုးရိုးသားသားပြောရရင် အခုအချိန်မှာ
(ရော်နယ်ဒိုနဲ့ မက်ဆီတို့ကြားထဲက) တစ်ယောက်ယောက်များ ထိုးထွက်လာမလားဆိုတာ ကျွန်တော် မပြောတတ်ပါဘူး။ နေးမာဟာ သူ့ရဲ့ ရှေ့အလားအလာအတွက် လူတွေရဲ့ အာရုံစိုက်မှု အများအပြားကို ရရှိနေပါတယ်။ ဒါပေမယ့် စောင့်ကြည့်ရအုံးမှာဖြစ်ပြီး (နေးမာအနေနဲ့) ဖြည့်ဆည်းပေးစရာတွေလည်း လိုနေတုန်းပါပဲ” ဟု ဖာဂူဆန်က ပြောကြားခဲ့သည်။

ထို့ပြင် နေးမာမှာ မက်ဆီနှင့် ရော်နယ်ဒိုတို့တွင် မြင်ရသည့် ပါရမီမျိုးကို ထုတ်ပြမည့် နောက်ထပ်ကစားသမားတစ်ဦး ဖြစ်မည်ဟု မျှော်လင့်ကြောင့် ထည့်သွင်းပြောကြားခဲ့ကာ ၂၀၁၅ ခုနှစ် အတွင်း ရလဒ်ဆိုးရွားမှုများကြောင့် အနာဂတ်အတွက် မတည်မငြိမ်ဖြစ်နေသည့် ရီးယဲလ်နည်းပြ အန်ဆယ်လော့တီကိုလည်း ဖာဂူဆန်က ထောက်ခံအားပေးခဲ့သည်။

“ကျွန်တော်ဖြတ်သန်းလာတဲ့ တစ်လျှောက်လုံးမှာ ကာလိုဟာ အကောင်းဆုံးနည်းပြတွေထဲက တစ်ဦးဖြစ်ပြီး ကျွန်တော့်ရဲ့
အကြီးဆုံးပြိုင်ဘက်လည်း ဖြစ်ပါတယ်။ ဒါ့ကြောင့် သူ့ရဲ့အနာဂတ်နဲ့ပတ်သက်လို့ မစိုးရိမ်ပါဘူး။ (သူ့ရဲ့ အနာဂတ်ဟာ)
သေချာနေပါတယ်”

Ref: Goal.com