အီရန်နှင့် အင်အားကြီးနိုင်ငံတို့ နျူအရေး သဘောတူညီချက် ရရှိ

ဧပြီ ၃၊ ၂၀၁၅
M-Media

– အီရန်နှင့် အင်အားကြီးနိုင်ငံ ၆ နိုင်ငံတို့ နျူအရေး သဘောတူညီချက် ရရှိခဲ့မှုအတွက် အမေရိကန်သမ္မတ ဘာရက်အိုဘားမားက ချီးကျူးလိုက်ပြီး မိမိတို့နှင့် မဟာမိတ်နိုင်ငံများမှာ သမိုင်းဝင် နားလည်မှုတစ်ခုကို ရရှိခဲ့ပြီဟု ပြောကြားခဲ့သည်။

ဆွဇ်လန်နိုင်ငံ Lausanne မြို့တွင် ၈ ရက်ကြာ အကြိတ်အနယ်ဆွေးနွေးခဲ့ကြပြီးနောက် အီရန်နှင့် အမေရိကန်အပါအ၀င် အင်အားကြီး ၆ နိုင်ငံတို့မှာ နျူကလီးယားဆိုင်ရာ မူဘောင်သဘောတူညီချက်တစ်ခုကို သဘောတူညီနိုင်ခဲ့ခြင်း ဖြစ်သည်။ သမ္မတအိုဘာမားကမူ အဆိုပါ သဘောတူညီချက်မှာ ကောင်းမွန်သော သဘောတူညီချက်ဖြစ်ပြီး အီရန်နိုင်ငံ၏ နျူကလီးယား ရည်ရွယ်ချက်နှင့်ပတ်သက်၍ စိုးရိမ်မှုများကို ဖြေရှင်းသွားနိုင်မည်ဟု အိမ်ဖြူတော်မှတစ်ဆင့် ပြောကြားခဲ့သည်။

အဆိုပါ သဘောတူညီချက်အရ အီရန်၏ Natanz နျူစက်ရုံရှိ ဆောင်ရွက်မှုများကို ကန့်သတ်သွားမည်ဖြစ်ပြီး၊ လာမည့် ၁၅ နှစ်အတွင်း ယူရေနီယံ သန့်စန်ခြင်း ရည်ရွယ်ချက်အတွက် အဆောက်အအုံအသစ်များ ဆောက်လုပ်ခြင်းမပြုရန်လည်း အီရန်က သဘောတူခဲ့သည်။ အပြန်အလှန်အားဖြင့် အမေရိကန်၊ ကုလနှင့် အနောက်နိုင်ငံများက အီရန်အပေါ် ပိတ်ဆို့ထားမှုများကို ဖယ်ရှားပေးရန်ဖြစ်သည်။ အီရန်နျူအရေးအတွက် နောက်ဆုံးသဘောတူညီချက်ကို လာမည့်ဇွန်လ ၃၀ ရက်နေ့တွင် ချုပ်ဆိုသွားမည်ဖြစ်သည်။

အီရန်နိုင်ငံခြားရေးဝန်ကြီးကမူ အဆိုပါ သဘောတူညီချက်မှာ win-win ရလဒ်ဖြစ်ပြီး နောက်ဆုံးသဘောတူညီချက် ရရှိပြီးနောက် နှစ်ပေါင်းများစွာကြာ ပြုလုပ်ထားသော စီးပွားရေးပိတ်ဆို့မှုများကို ဖယ်ရှားပေးရန် မိမိတို့နိုင်ငံက ကတိရရှိခဲ့သည်ဟု ဆိုသည်။ ထို့ပြင် အဆိုပါသဘောတူစာချုပ်ကို ဖောက်ဖျက်ပြီး စနစ်ဟောင်းသို့ ပြန်သွားမည့် မည်သည့်ဆင်ခြေကိုမှ မိမိတို့ခွင့်မပြုဟုလည်း သတိပေးခဲ့သည်။

ထိုကဲ့သို့ သဘောတူညီချက်ရရှိခဲ့ခြင်းအတွက် အမေရိကန်မှ ရီဘက်ဘလစ်ကန်အမတ်များက ကန့်ကွက်ခဲ့ကြပြီး အစ္စရေးဝန်ကြီးချုပ် နေတန်ယာဟုကလည်း အမေရိကန်သမ္မတ ဘာရက်အိုဘားမားထံသို့ ဖုန်းခေါ်ကာ ထိုသဘောတူညီချက်မှာ အစ္စရေး၏ ရပ်တည်မှုကို ခြိမ်းခြောက်လျက်ရှိကြေင်း၊ မိမိတို့အနေဖြင့် ပြင်းပြင်းထန်ထန် ဆန့်ကျင်ကြောင်း ပြောကြားခဲ့သည်။ ထို့ပြင် အဆိုပါ သဘောတူညီချက်က နျူကလီးယားပြန့်ပွားရေးအန္တရာယ်များနှင့် ဆိုးရွားသည့် စစ်ပွဲအန္တရာယ်များကို တိုးလာစေနိုင်သည်ဟု ၎င်းကထည့်သွင်းပြောကြားခဲ့သည်။

အိုဘားမားကမူ ထိုပြောဆိုမှုကို ပယ်ချခဲ့ပြီး ယခုကဲ့သို့ အပြန်အလှန်သဘောတူညီချက် ရရှိခဲ့ခြင်းက ရေရှည်ခံပြီး ပြီးပြည့်စုံသည့် အဖြေအတွက် ထင်ရှားသော တိုးတက်မှုဖြစ်သည်ဟု ယနေ့တွင်ထုတ်ပြန်သော ကြေညာချက်တွင် ပြောကြားခဲ့သည်။

ပြီးခဲ့သည့် လကလည်း နေတန်ယာဟုမှာ အမေရိကန်ကွန်ဂရက်တွင် အီရန်နှင့် အင်အားကြီး ၆ နိုင်ငံတို့၏ နျူအရေး ဆွေးနွေးပွဲကို လမ်းကြောင်းပြောင်းသွားစေရန် ရည်ရွယ်သော ပြောကြားမှုများ ပြုလုပ်ခဲ့ပြီး အီရန်နိုင်ငံခြားရေးဝန်ကြီး ဂျာဗဒ် ဇာရစ်ဖ်ကမူ အစ္စရေးဝန်ကြီးချုပ်နှင့် ၎င်းအား ထောက်ခံသူများမှာ စိတ်ကစဥ့်ကလျားနှင့် အကြောက်တရား လွှမ်းမိုးသောအသိုက်အ၀န်းတစ်ခုကို ဖန်းတီးနေခြင်းသာဖြစ်သည်ဟု ပြောကြားခဲ့သည်။

“ဒါနဲ့ပတ်သက်ပြီး ရှင်းရမယ်ဆိုရင် အချို့လူတွေဟာ ငြိမ်းချမ်းရေးနဲ့ တည်ငြိမ်အေးချမ်းမှုကို ခြိမ်းခြောက်မှုတစ်ခုအဖြစ် ယူဆကြပါတယ်။ တစ်ကယ်လို့ ခင်ဗျားအနေနဲ့ ပဋိပက္ခတွေ၊ တင်းမာမှုတွေ၊ မယုံကြည်မှုတွေနဲ့ ပြဿနာတွေ မရှာဘူးဆိုရင် ဒီသဘောတူညီချက်က ဘယ်သူ့ကိုမှ ခြိမ်းခြောက်မှာ မဟုတ်ပါဘူး”

Ref: Aljazeera, Press TV