ထိပ်ဆုံးနဲ့ အောက်ဆုံးကအသင်းတွေ နိုင်ပြီး ချန်ပီယံလိဂ်နဲ့ တန်းဆင်းဇုန်အတွက် အကြိတ်အနယ်ရှိလာတဲ့ ပရီးမီးယားလိဂ်

ဧပြီ ၆၊ ၂၀၁၅
M-Media

– ဒီတစ်ပတ် စနေ၊ တနင်္ဂနွေမှာ ကစားခဲ့တဲ့ ပရီးမီးယားလိဂ်ပွဲစဉ် ၃၁ မှာတော့ လီဗာပူးကလွဲလို့ အသင်းကြီးတွေအားလုံး အနိုင်ရခဲ့ပြီး တန်းဆင်းဇုန်နားက အသင်းတစ်ချို့လည်း အနိုင်ရခဲ့ပါတယ်။

စနေနေ့က အစောဆုံးကစားခဲ့တဲ့ အာဆင်နယ်နဲ့ လီဗာပူးလ်တို့ရဲ့ပွဲမှာ အိမ်ရှင်အာဆင်နယ်တို့ အကောင်းဆုံးခြေစွမ်းနဲ့ ပြတ်ပြတ်သားသား အနိုင်ယူနိုင်ခဲ့ပါတယ်။ ပွဲအစပိုင်းမှာ အာဆင်နယ်က ပိုကောင်းခဲ့ပေမယ့် ဂိုးသွင်းခွင့်ရခဲ့တာကတော့ လီဗာပူးလ်ဖြစ်ပါတယ်။ ဒါပေမယ့် ဂိုးရအောင် မသွင်းနိုင်ခဲ့ဘဲ ပထမပိုင်း ၃၇ မိနစ်ကနေ ၄၅ မိနစ်အတွင်း ၈ မိနစ်ဆိုတဲ့ အချိန်လေးမှာ ဘယ်လာရင်၊ အိုဇေးလ်နဲ့ ဆန်းချက်ဇ်တို့ရဲ့ သွင်းဂိုး ၃ ဂိုးက လီဗာပူးလ်ရဲ့ အခြေအနေကို ဆိုးရွားစေခဲ့ပါတယ်။ ဒုတိယပိုင်းမှာ လီဗာပူးလ်တို့ ချေပဂိုးရဖို့ ကြိုးစားခဲ့ပေမယ့် စတားရစ်ခ်ျကြောင့်ရတဲ့ ပင်နယ်တီကို ဟန်ဒါဆင်က ကန်သွင်းနိုင်ခဲ့တာကြောင့် နှစ်သိမ့်ဂိုး ၁ ဂိုးသာ လီဗာပူးလ်တို့ ရခဲ့ပါတယ်။ အဲဒီနောက်ပိုင်းမှာ လီဗာပူးလ်နောက်ခံလူ အမ်ရီကန် ၂ ၀ါ ၁ နီနဲ့ အထုတ်ခံခဲ့ရပြီး ဒုတိယပိုင်း နာကျင်အချိန်ပိုမှာ ဂျရူးက အာဆင်နယ်အတွက် တစ်လုံး ထပ်သွင်းခဲ့ပါတယ်။ အာဆင်နယ်ရဲ့ ဒီနိုင်ပွဲဟာ နောက်ဆုံး ၁၁ ပွဲမှာ ၁၀
ပွဲမြောက်အနိုင်ဖြစ်ပြီး အမှတ်ပေးဇယားရဲ့ ဒုတိယနေရာကို ရယူထားနိုင်ခဲ့ပါတယ်။ လီဗာပူးလ်နည်းပြ ရော်ဂျာကတော့ သူတို့အသင်းအနေနဲ့ ချန်ပီယံလိဂ်ဝင်ခွင့်ရဖို့ တော်တော်လေးခက်သွားပြီလို့ ပွဲအပြီးမှာ ၀န်ခံခဲ့ပါတယ်။

အိုးထရက်ဖို့ဒ်က မန်ယူနဲ့ အက်စတွန်ဗီလာတို့ပွဲမှာတော့ အိမ်ရှင်တို့ ကစားပုံမကောင်းခဲ့ပေမယ့် ဟာရဲရားနဲ့ ရူနီတို့ရဲ့ သွင်းဂိုးတွေကြောင့် အနိုင် ၃ မှတ်တော့ ရယူနိုင်ခဲ့ပါတယ်။ ဂိုးသွင်းခွင့် ၅ ကြိမ်လောက်သာ ရတဲ့အချိန်မှာ ၃ ဂိုး သွင်းယူနိုင်ခဲ့တဲ့ မန်ယူကစားတွေရဲ့ အဆုံးသတ်ကောင်းမွန်မှုက အဆုံးအဖြတ်ပေးသွားတာဖြစ်ပြီး ပရီးမီးယားလိဂ်မှာ နောက်ဆုံး ၅ ပွဲဆက် အနိုင်ရခဲ့တာလည်း ဖြစ်ပါတယ်။ မန်ယူဟာ နောက်တစ်ပတ်ကစပြီး ထိပ်ဆုံ ၃ သင်းနဲ့ တွေ့ရတော့မှာဖြစ်တာကြောင့် ဗန်ဂါးလ်က သူတို့အသင်း ထိပ်ဆုံး ၄ သင်းစာရင်းဝင်ဖို့ မလွယ်သေးဘူးလို့ ပြောခဲ့ပါတယ်။

ထိပ်ဆုံးက ချယ်ဆီးကလည်း အိမ်ကွင်းမှာ အမှားအယွင်းမရှိခဲ့ပါဘူး။ ဟာဇာ့ဒ်ရဲ့ ပင်နယ်တီနဲ့ ၃၉ မိနစ်မှာ ဦးဆောင်နိုင်ခဲ့တဲ့ ချယ်ဆီး ၄၄ မိနစ်မှာတော့ ချယ်လီ အဒမ်ရဲ့ ချေပဂိုး ၁ ဂိုးကို ခွင့်ပြုခဲ့ရပါတယ်။ ဒီဂိုးဟာ စတုတ်ရဲ့ ၆ နှစ်အတွင်း စတမ်းဖို့ဒ်ဘရစ်ခ်ျ ပထမဆုံးဂိုးလည်း ဖြစ်ပါတယ်။ ဒုတိယပိုင်းမှာ ဂိုးရဖို့ ကြိုးစားလာတဲ့ ချယ်ဆီးအတွက် တိုက်စစ်မှူး ရီမီက စတုတ်ဂိုးသမား အက်စ်မီရ် ဘီဂိုဗစ်ရဲ့ အမှားကို အကောင်းဆုံး အသုံးချပြီး ၆၂ မိနစ်မှာ အနိုင်ဂိုး သွင်းပေးခဲ့ပါတယ်။ နောက်ပိုင်းမှာ ချယ်ဆီးတို့ အပိုင် ဂိုးသွင်းခွင့် ၂ ကြိမ်လောက်ရခဲ့ပေမယ့် စတုတ်ဂိုးသမား အကောင်းဆုံး ကာကွယ်သွားနိုင်တာကြောင့် ၂ ဂိုးနဲ့သာ အနိုင် ၃ မှတ်ရခဲ့တာဖြစ်ပါတယ်။

ထိပ်ဆုံး လေးသင်းဝင်ဖို့ ကြိုးစားနေတဲ့ စပါးကတော့ ဘန်လေကွင်းမှာ ဂိုးမရှိသရေနဲ့ သရေတစ်မှတ်သာ ရခဲ့ပါတယ်။ ဒီပွဲမှာ ဂိုးသွင်းစက် ဟယ်ရီကိန်း အသင်းခေါင်းဆောင်အဖြစ် တာဝန်ယူခဲ့ပေမယ့် ဂိုးပေါက်တော့ ရှာမတွေ့ခဲ့ပါဘူး။

ဇယားအောက်ခြေက ၂ သင်းဖြစ်တဲ့ ကျူပီအာရ်နဲ့ လက်စတာတို့လည်း နိုင်ပွဲတွေကိုယ်စီရခဲ့ပြီး တန်းဆင်းဇုန်တိုက်ပွဲမှာ အကြိတ်အနယ်ဖြစ်လာပါတယ်။

ဒီတစ်ပတ် ပရီးမီးယားလိဂ်ရဲ့ အနိုင်အရှုံးရလဒ်ကတော့ အောက်ပါအတိုင်းဖြစ်ပါတယ်။

အာဆင်နယ် ၄-၁ လီဗာပူးလ်
အဲဗာတန် ၁-၀ ဆောက်သက်တမ်
လက်စတာ ၂-၁ ၀က်စ်ဟမ်း
မန်ယူ ၃-၁ အက်စတွန်ဗီလာ
ဆွမ်ဆီး ၃-၁ ဟားလ်စီးတီး
ဝက်စ်ဘရွန်း ၁-၄ ကျူပီအာရ်
ချယ်ဆီး ၂-၁ စတုတ်
ဘန်လေ ၀-၀ စပါး
ဆန်းဒါးလန်း ၁-၀ နယူးကာဆယ်