ဟောင်ကောင်မွတ်စလင်များ “ငြိမ်းချမ်းရေးစာစောင်” ဝေငှ

ဧပြီ ၆၊ ၂၀၁၅
M-Media

– အစ္စလာမ်၏ စစ်မှန်သောသင်ကြားမှုများကို ဖော်ပြထားပြီး၊ အစ္စလာမ်နှင့်ပတ်သက်၍ အထင်မှားအမြင်မှားမှုများနှင့် မှန်းဆပြောကြားမှုများအား ဖြေရှင်းထားသည့် “ငြိမ်းချမ်းရေး စာစောင်” ဝေငှခြင်း လှုပ်ရှားမှုကို ဟောင်ကောင်မွတ်စလင်များက ဆောင်ရွက်ခဲ့သည်ဟု သိရသည်။

အဆိုပါ “ငြိ်မ်းချမ်းရေးစာစောင်” ဝေငှမှုကို ၁၂ ဦးပါဝင်သည့် မွတ်စလင်လူငယ်အဖွဲ့တစ်ခုက ဦးဆောင်ပြုလုပ်ခြင်းဖြစ်ပြီး အဆိုပါစာစောင်တွင် အစ္စလာမ်၏သွန်သင်ချက် အစစ်အမှန်များ၊ အစ္စလာမ်အပေါ် အထင်အမြင်လွဲမှားမှုများကို ပြန်လည်ဖြေရှင်းထားချက်များ ပါဝင်ကာ အမည်ခံ မွတ်စလင်အချို့၏ လုပ်ရပ်ကိုကြည့်၍ အစ္စလာမ်အား ဆန်းစစ်ဝေဖန်ခြင်း မပြုကြရန်လည်း မေတ္တာရပ်ခံခဲ့သည်။

“ဟောင်ကောင်က မွတ်စလင်တွေဟာ မွတ်စလင်မဟုတ်တဲ့ သူတို့ရဲ့ အိမ်နီးချင်းတွေနဲ့ လွန်ခဲ့တဲ့ နှစ်ပေါင်း ၁၇၅ နှစ်လုံးလုံး အကောင်းဆုံး အတူတကွ နေထိုင်ခဲ့ကြပါတယ်။ ဒီလို ငြိမ်းချမ်းစွာအတူယှဉ်တွဲနေထိုင်မှု ဆက်လက်ရှိနေတာကလွဲလို့ ကျွန်တော်တို့ အခြား ဘာမှမလိုချင်ပါဘူး။ အစ္စလာမ်သာသနာကို ဘာသာသာဝင်အနည်းစုရဲ့ လုပ်ရပ်နဲ့ မဆုံးဖြတ်ဘဲ စစ်မှတ်တဲ့ ကျမ်းစာတွေ၊ ရင်းမြစ်တွေကနေတစ်ဆင့်သာ ဆန်းစစ် ဆုံးဖြတ်ကြဖို့ လူတိုင်းကို ကျွန်တော်တို့ မေတ္တာရပ်ခံပါတယ်။ လှေတိုင်းမှာ ငါခုံးမတွေ ရှိနေပါတယ်” ဟု အဆိုပါ စာစောင်တွင် ရေးသားဖော်ပြထားသည်။

ထိုစာစောင်ကို တရုတ်၊ အင်္ဂလိပ် ၂ ဘာသာဖြင့် ရိုပ်နှိပ် ဖြန့်ချီခြင်းဖြစ်သည်။

IS အနေဖြင့် အင်ဒိုနီးရှားရှိ ရွှေ့ပြောင်းအလုပ်သမားများကို သိမ်းသွင်းရန် အဖွဲ့ခွဲများ ထပ်မံတိုးချဲ့နေသည်ဟု သတင်းများထွက်ပေါ်လာပြီး ထိုသတင်းများကြောင့် မွတ်စလင်ဆန့်ကျင်ရေး အမုန်းဖြင့် စော်ကားတိုက်ခိုက်မှုများ မြင့်တက်လာခဲ့သည်။ ထိုကဲ့သို့ တိုက်ခိုက်ခံရသည့် အမျိုးသမီးများက ၎င်းတို့မှာ အကြမ်းဖက်ဝါဒနှင့် ဆက်နွယ်သည့် စကားလုံးများနှင့် စော်ကားခြင်းခံရသည်ဟု ပြောကြားခဲ့သည်။

“ခွဲခြားဆက်ဆံမှုဆိုတာ လူ့အဖွဲ့အစည်းတိုင်းမှာ ရှိနေကြတာပါပဲ။ ဟောင်ကောင်မှာ ဒါမရှိဘူးလို့ ကျွန်တော်တို့ ပြောလို့ မရပါဘူး။ ဒီ (အကြမ်းဖက်) သတင်းတွေက သိစိတ်ကနေပဲဖြစ်ဖြစ်၊ မသိစိတ်ကနေပဲဖြစ်ဖြစ် ဒီပြဿနာတွေကို ယူဆောင်လာခဲ့ကြပါတယ်။ ဘာ့ကြောင့်လည်းဆိုတော့ ဒါတွေက ကျွန်တော်တို့ရဲ့ တံခါးဝမှာ ဖြစ်နေတာကိုး” ဟု Discover Islam Hong Kong မှ ဒါရိုက်တာဖြစ်ပြီး အင်္ဂလိပ်စာ ဆရာတစ်ဦးဖြစ်သူ အဒီလ် မာလစ်က ပြောကြားခဲ့သည်။

မာလစ်မှာ ဟောင်ကောင်တွင် မွေးဖွားကြီးပြင်းသူဖြစ်ပြီး ယခုဝေငှသည့် “ငြိမ်းချမ်းရေးစာစောင်” က ဒေသတွင်း လူ့အဖွဲ့အစည်းနှင့် တံတားထိုးခြင်းဖြစ်သည်ဟု ၎င်းက ဆိုသည်။

စုစည်းမှု

လွန်ခဲ့သည့် ၅ နှစ်ခန့်က ဂီနီမှ ဟောင်ကောင်သို့ ပြောင်းရွှေ့လာပြီး အစ္စလာမ်သာသနာဆိုင်ရာ သင်ကြားပို့ချမှုများပြုလုပ်နေသည့် စီးပွားရေးလုပ်ငန်းရှင် အလီ ဒီယာလိုကမူ အဆိုပါစာစောင်က မွတ်စလင်များမှာ ခြိမ်းခြောက်မှုများကို တစ်စုတစ်စည်းတည်း ရင်ဆိုင်နေသည်ကို ပြသနေသည်ဟု ဆိုသည်။

“ကျွန်တော် ဟောင်ကောင်ကိုစရောက်ကတည်းက မွတ်စလင်လူ့အဖွဲ့အစည်းတွေ အတူတကွလုပ်ဆောင်တာကို ဒါ ပထမဆုံးအကြိမ် တွေ့ရတာပါ” ဟု ဒီယာလိုက ဆိုသည်။

ဟောင်ကောင်၏ အကြီးဆုံးအီမာမ်ဖြစ်သူ မိုဟာမက် အာရှက်ကမူ ဒေသတွင်းမွတ်စလင်များမှာ IS အနေဖြင့် အာရှသို့ ရောက်နိုင်မည်ဆိုသည်ကို မျှော်လင့်မထားခြင်း၊ ယုံကြည်ခြင်းပင် မရှိသောကြောင့် ယခုသီတင်းများက ဟောင်ကောင် မွတ်စလင်များအတွက် တုန်လှုပ်စရာဖြစ်နေသည်ဟု ဆိုသည်။

ထို့ပြင် အာရှက်က ထောက်လှမ်းရေးသတင်းများအရ အကြမ်းဖက်ခြိမ်းခြောက်မှု၊ IS နှင့် ဆက်နွယ်နိုင်မှုများနှင့်ပတ်သက်၍ ဟောင်ကောင်ရဲတပ်ဖွဲ့နှင့် အစိုးရတာဝန်ရှိသူများ၏ ပြောကြားမှုများကြောင့် မိမိတို့ မွတ်စလင်လူ့အဖွဲ့အစည်းအနေဖြင့် သတိဝီရိယထားပြီး အာဏာပိုင်များအား ပံ့ပိုးကူညီပေးကြရန် တိုက်တွန်းပြောဆိုခဲ့သည်။

ဟောင်ကောင်ရှိ အစ္စလာမ်ဘာသာဝင်အရေအတွက်မှာ ၂ သိန်းမှ ၂ သိန်းခွဲကြားအထိ ရှိမည်ဟု ခန့်မှန်းရသည်။

Ref: Onislam