အိုဘားမားထံပေးမည့် အသနားခံစာ ဗင်နီးဇွဲလားပြည်သူ ၈ သန်း လက်မှတ်ထိုး

ဧပြီ ၆၊ ၂၀၁၅
M-Media

– ဗင်နီဇွဲလားနိုင်ငံအား လုံခြုံရေးခြိမ်းခြောက်နိုင်သည့် နိုင်ငံအဖြစ် ကြေညာထားမှုကို ဖယ်ရှာရေးအတွက် အမေရိကန်သမ္မတ အိုဘားမာထံ ပေးပို့မည့် အသနားခံစာကို ပြည်သူ ၈ သန်းကျော်က လက်မှတ်ရေးထိုးခဲ့ကြသည်ဟု သမ္မတ နီကိုလက်စ် မာဒူရိုက ယမန်နေ့တွင် ပြောကြားလိုက်သည်။

“တစ်နိုင်ငံလုံးကြောင့် ကျွန်တော်တို့ဟာ ငြိမ်းချမ်းရေးအောင်ပွဲဆီ သွားနေပါပြီ” ဟု အဆိုပါ လက်မှတ်ရေးထိုးရေး လှုပ်ရှားမှု၏ Twitter စာမျက်နှာတွင် မာဒူရိုက ပြောကြားခဲ့သည်။ အဆိုပါ လှုပ်ရှားမှုမှာ လက်မှတ် ၁၀ သန်းကောက်ခံ၍ ယခု သီတင်းပတ် နှောင်းပိုင်းတွင် အိုဘားမားထံသို့ ပို့ဆောင်ပေးရန်ုဖြစ်သည်။

ရန်ဘက် ၂ နှစ်နိုင်ငံဖြစ်သော အမေရိကန်နှင့် ဗင်နီဇွဲလားတို့မှ သမ္မတများမှာ လာမည့် သောကြာနေ့မှ စနေနေ့အထိ ပနားမားနိုင်ငံတွင် ကျင်းပရန်ရှိနေသော အမေရိကနိုင်ငံများအဖွဲ့ အစည်းအဝေးသို့ တက်ရောက်ရန် ရှိနေသည်။

အသနားခံစာ လက်မှတ်ထိုးရေးလှုပ်ရှားမှုမှာ ဗင်နီဇွဲလားနိုင်ငံမှာ အမေရိကန်၏ အမျိုးသားလုံခြုံရေးကို ပုံမှန်မဟုတ်ဘဲ၊ ထူးထူးခြားခြား ခြိမ်းခြောက်သည့်နိုင်ငံအဖြစ် ကြေညာထားသော အမိန့်ကို အမေရိကန်သမ္မတ အိုဘားမားက မတ်လ ၉ ရက်နေ့တွင် လက်မှတ်ရေးထိုးပြီးနောက်ပိုင်း စတင်ခဲ့ခြင်းဖြစ်သည်။ ထိုကြေညာမှုအား တုံ့ပြန်သည့်အနေဖြင့် မာဒူရိုကလည်း မတ်လ ၉ ရက်နေ့ကို ဗင်နီဇွဲလားနိုင်ငံ၏ “နယ်ချဲ့ဝါဒ ဆန့်ကျင်ရေးနေ့” အဖြစ် သတ်မှတ်ခဲ့သည်။

ဗင်နီဇွဲလား တာဝန်ရှိသူများကလည်း အဆိုပါလှုပ်ရှားမှုအတွင်း နိုင်ငံအပြင်ဘက်မှ လူများ၏ လက်မှတ်များလည်း ရရှိခဲ့ပြီး ဒေသတွင်းအဖွဲ့အစည်းများ၏ ထောက်ခံမှုများလည်း ရရှိခဲ့သည်ဟု ဆိုသည်။

အမေရိကန်မှာ နိုင်ငံအတွင်းရှိ အတိုက်အခံများနှင့်ပေါင်း၍ မိမိအား ဖြုတ်ချရန် ကြံစည်နေသည်ဟု မာဒူရိုက စွပ်စွဲပြီးနောက်ပိုင်း ပြီးခဲ့သည့်လများတွင် အမေရိကန်နှင့် ဗင်နီဇွဲလားတို့၏ ဆက်ဆံရေးမှာ ပို၍ ဆိုးရွားသွားခဲ့ကာ အမေရိကန်ကမူ ထိုစွပ်စွဲချက်အား အဓိပ္ပါယ်မရှိဟု ပြောကြားခဲ့သည်။

၎င်းတို့နှစ်နိုင်ငံမှာ စီးပွားရေးအရ တည်ငြိမ်သော ဆက်ဆံရေးများ ရှိနေသော်လည်း တစ်နိုင်ငံနှင့်တစ်နိုင်ငံ သံအဖွဲ့ မထားသည်မှာ နှစ်ပေါင်းများစွာ ကြာမြင့်နေပြီဖြစ်သည်။

Ref: Xinhua