မုဟမ္မဒ်သခင်လက်ထက်က ကုရ်အာန်ကျမ်းတော်မြတ်အပိုင်းအစကို ဘာလင်တွင် ထိန်သိမ်းထား

ဧပြီ ၇၊ ၂၀၁၅
M-Media

– သိပ္ပံနည်းကျ စမ်းသပ်မှုများအရ တမန်တော် မုဟမ္မဒ်သခင် (ငြိမ်းချမ်းသာယာမှု သက်ရောက်ပါစေ) လက်ထက်က ရေးသားခဲ့သည်ဟု သိရှိရသော ကုရ်အာန်ကျမ်းတော်မြတ် အစိတ်ပိုင်းတစ်ခုကို ဘာလင်မြို့ရှိ ပြည်နယ်စာကြည့်တိုက်တွင် ထိန်းသိမ်းထားရှိသည်ဟု သိရသည်။

စောစောပိုင်း အစ္စလာမ့်ခေတ်ကာလမှ တွေရခဲသော အဆိုပါ ကုရ်အာန်ကျမ်းတော်မြတ် အစိတ်အပိုင်းမှာ ၇ မျက်နှာရှိပြီး သားရေပေါ်တွင် ရေးသားထားခြင်း ဖြစ်သည်။ ဇူးရခ်ျမြို့ရှိ ဓာတ်ခွဲခန်းတွင် စမ်းသပ်စစ်ဆေးမှုများအရ အေဒီ ၆၀၆ နှင့် ၆၅၂ အကြား ရေးသားထားခြင်းဖြစ်သည်ဟု တွေ့ရှိခဲ့ရသည်။

ပြည်နယ်စာကြည့်တိုက်မှ ပြောရေးဆိုခွင့်ရှိသူ တစ်ဦး၏ ပြောကြားချက်အရ ဥရောရှိ ကုရ်အာန်ကျမ်းတော်မြတ် မိတ္တူများကို စမ်းသပ်စစ်ဆေးသော စီမံကိန်း “Corpus Coranicusm” ၏ အစိတ်အပိုင်းအဖြစ် အဆိုပါ ကုရ်အာန်ကျမ်းတော်မြတ် အစိတ်အပိုင်းကို စစ်ဆေးခဲ့ခြင်းဖြစ်ကြောင်း Maerkischer Allgemeine Zeitung သတင်းစာက ဖော်ပြခဲ့သည်။

ထို ကုရ်အာကျမ်းတော်မြတ် အစိတ်အပိုင်းကို ဘာလင်ပြည်နယ်စာကြည့်တိုက်တွင် သိမ်းဆည်းထားသည်မှာ နှစ်ပေါင်း ၁၀၀ ကျော်ရှိနေပြီဖြစ်ပြီး အီဂျစ်သိပ္ပံပညာရှင်တစ်ဦး၏ အမွေအနှစ်များထဲမှ တစ်ခုဖြစ်ကာ ၁၉ ရာစုအဆုံးပိုင်း၊ သို့မဟုတ် ၂၀ ရာစုအစပိုင်းတွင် ဂျာမနီသို့ ယူဆောင်လာသည့် ယူဆရသည်။

ကုရ်အာန်ကျမ်းတော်မြတ်မှာ ဘုရားသခင်ထံက တမန်တော်မုဟမ္မဒ်ထံ ကောင်ကင်တမန်ကြီး ဂျီဘရာအီလ်မှ တဆင့် အချိန်အပိုင်းအခြားအလိုက် ချပေးခြင်းခံရသည့် ကျမ်းဖြစ်သည်ဟု အစ္စလာမ်ဘာသာဝင်များက ယုံကြည်ကြသည်။

ကုရ်အာန်ကျမ်းတော်မြတ်၏ မူရင်းမှာ အာရဘီစာပေဖြင့်ဖြစ်ပြီး လက်ရှိအချိန်တွင် ဘာသာစကားမျိုးစုံဖြင့် ဘာသာပြန်ဆိုပြီး ဖြစ်သည်။ လွန်ခဲ့သည့် နှစ်ပေါင်း ၁၄၀၀ ကျော်က ကျရောက်ခဲ့ပြီးဖြစ်သည့် ကုရ်အာန်ကျမ်းတော်မြတ်မှာ ယခုအချိန်အထိ ဗျည်းတစ်လုံး၊ သရတစ်လုံးမှ ပြောင်းလဲခြင်းမရှိဘဲ မူရင်းအတိုင်း တည်ရှိနေသည်။

Ref: Onislam