ယူကရိန်းအရှေ့ပိုင်းတွင် ဂျာနယ်လစ် ၂ ဦး ထပ်မံသေဆုံးပြန်

ဧပြီ ၁၃၊ ၂၀၁၅
M-Media

– ခွဲထွက်ရေးသမားများ ထိန်းချုပ်ထားသော ယူကရိန်းအရှေ့ပိုင်း ဒွန်ညက်မြို့ လေဆိပ်အနီးတွင် ကားတစ်စီးအား ဗုံးထိမှန်မှုကြောင့် ဒေသတွင်းဂျာနယ်လစ် ၂ ဦး သေဆုံးခဲ့သည်ဟု သိရသည်။

“ဒေသတွင်းဂျာနယ်လစ် ၂ ဦးကိုတင်ဆောင်လာတဲ့ ကားတစ်စီးဟာ တင့်ဖျက် ဒုံးကျည်နဲ့ ပစ်ခတ်ဖျက်ဆီးခံလိုက်ရပါတယ်။ ယူကရိန်းဘက်က ကြီးမားတဲ့ပစ်ခတ်မှုတွေကြောင့် အလောင်းတွေကို သွားယူဖို့ မဖြစ်နိုင်သေးပါဘူး။ အခုလောလောဆယ်မှာတော့ ဒီသေဆုံးသွားတဲ့ ဂျာနယ်လစ်တွေဟာ ဘယ်သတင်းဌာနက ဖြစ်တယ်ဆိုတာကို အတည်ပြုဖို့ ကြိုးစားနေပါတယ်” ဟု ဒွန်ညက် ကိုယ်ပိုင်အုပ်ချုပ်ခွင့်ရဒေသဟု ကြေညာထားသည့် ခွဲထွက်ရေးသမားများအဖွဲ့က Sputnik သတင်းဌာနသို့ ပြောကြားခဲ့သည်။

ဖေဖော်ဝါရီ ၁၂ ရက်နေ့က ဘီလာရုဇ်တွင် ပြင်သစ်၊ ဂျာမနီ၊ ရုရှားနှင့် ယူကရိန်းခေါင်းဆောင်များက Minsk-2 အပြစ်ရပ်ရေး သဘောတူညီချက်ကို လက်မှတ်ရေးထိုးခဲ့ကြသော်လည်း တိုက်ခိုက်မှုများမှာ ဆက်လက်ဖြစ်ပွားနေသည်။ ထိုသဘောတူညီချက်အရ နှစ်ဘက်တပ်များ၏ လက်နက်ကြီးများမှာ ရှေ့တန်းစစ်မျက်နှာမှ ဆုတ်ပေးရန်နှင့် ၎င်းတို့နှစ်ဘက်ကို ခွဲခြားထားသော လုံခြုံရေးဇုန်တစ်ခု တည်ဆောက်ရန်တို့ ပါဝင်သည်။

Interfax သတင်းဌာနကမူ ထိုအဖြစ်အပျက်အတွင်း ဂျာနယ်လစ်တစ်ဦး သေဆုံးခဲ့ပြီး တစ်ဦးမှာ လွတ်မြောက်အောင် ကြိုးစားနိုင်ခဲ့သည်ဟု အပစ်ရပ်ရေးကို စောင့်ကြည့်နေသည့် Joint Center of Control and Coordination အဖွဲ့၏ ပြောကြားမှုကို ကိုးကား၍ ဖော်ပြခဲ့သည်။ ခွဲထွက်ရေးသမားများကမူ ထိုကိစ္စအား စုံစမ်းစစ်ဆေးမှုများ ပြုလုပ်နေသည်ဟု ဆိုသည်။

နိုင်ငံတကာမှ စောင့်ကြည့်လေ့လာသူများက အပစ်ရပ်ရေးမှာ ယေဘုယျအားဖြင့် အသက်ဝင်နေသေးသော်လည်း တိုက်ခိုက်မှုများမှာ အဆက်မပြတ်ဖြစ်နေသည်ဟု ပြောကြားခဲ့သည်။

ဥရောပ လုံခြုံရေးနှင့် ပူးပေါင်းဆောင်ရွက်ရေးအဖွဲ့ကမူ ယူကရိန်းအရှေ့ပိုင်း အပစ်ရပ်ရေး ဖော်ဆောင်မှုကို စောင့်ကြည့်နေပြီး ယမန်နေ့က ထုတ်ပြန်သော အစီရင်ခံစာတွင် ရှေ့တန်းစစ်မျက်နှာနှင့်နီးသည့် ရှီရိုကီနိုဒေသ၌ တိုက်ခိုက်မှုအသစ်များ ဆက်လက်ဖြစ်ပွားနေသည်ဟု ရေးသားဖော်ပြခဲ့သည်။ ထို့ပြင် မာရီယူပိုးလ်မြို့တွင်လည်း မော်တာကျည်များဖြင့် တိုက်ခိုက်သံကြားနေရပြီး ထိုတိုက်ခိုက်မှုကြောင့် ဖြစ်ပွားသော မီးလောင်မှုများကိုလည်း မြင်တွေ့ခဲ့ရသည်ဟု ဆိုသည်။

ယူကရိန်းအရှေ့ပိုင်း ပဋိပက္ခအတွင်း သေဆုံးသူဦးရေမှာ ၅၆၀၀၀ ခန့်ရှိသည်ဟု ကုလသမဂ္ဂက ဆိုသော်လည်း တကယ့်လက်တွေ့တွင် ပိုမိုများပြားနိုင်သည်။ သေဆုံးခဲ့သည့် ဂျာနလစ်အရေအတွက်မှာ ၅ ဦးရှိပြီး ၄ ဦးမှာ ရုရှားနိုင်ငံသားဖြစ်ကာ တစ်ဦးမှာ အီတလီနိုင်ငံသားဖြစ်သည်။

လူ့အခွင့်အရေးအဖွဲ့အစည်းများကမူ ယူကရိန်းနိုင်ငံအရှေ့ပိုင်းတွင် ဂျာနယ်လစ်များအပေါ် ဖိနှိပ်ချုပ်ချယ်မှုများကို ရပ်တန့်ရန် အဆက်မပြတ် ဆော်သြနေသည်။

Ref: RT